Ang Primary Nagsaluog sa 135 ka Tuig

Didto sa Farmington, Utah, USA, 135 ka tuig na ang milabay, si Bishop John W. Hess nabalaka sa kinaiya sa mga bata sa iyang ward. Iyang gipatawag ang mga inahan sa ward ug naghisgot sa kaimportante sa paggiya sa mga hunahuna sa gagmayng mga bata.

Si Aurelia Spencer Rogers naminaw, ug gihisgutan kini uban ni Eliza R. Snow, kinsa mibisita sa Farmington niadtong tingpamulak sa 1878. Si Sister Snow nakigkita dayon sa Presidente sa Simbahan nga si John Taylor, kinsa mitugot ni Bishop Hess sa pagporma og usa ka organisasyon alang sa bata sa iyang ward. Ang Farmington Ward Primary Association pormal nga giorganisar niadtong Agosto 11, 1878, uban ni Sister Rogers isip presidente.

Karon, mga usa ka milyon ka mga bata sa tibuok kalibutan ang makabenepisyo gikan sa Primary kada semana. Ang mga lider ug magtutudlo sa Primary naningkamot sa pagsuporta sa mga ginikanan sa ilang tahas sa pagtabang sa mga bata nga makaangkon og mga pagpamatuod sa Langitnong Amahan, ni Jesukristo, ug sa gipahiuli nga ebanghelyo.

Gikan sa istorya ni Rosemary M. Wixom, Jean A. Stevens ug Cheryl A. Esplin, Kinatibuk-ang Kapangulohan sa Primary.