Elder M. Russell Ballard Namulong ngadto sa mga Santos sa Europe
Ang hugot nga pagtuo nga gipakita sa unang European nga mga pioneer gikinahanglan karon kon ang mga Santos sa Ulahing mga Adlaw mopalambo sa Simbahan ug gingharian sa Dios, miingon si Elder M. Russell Ballard sa Korum sa Napulog Duha ka mga Apostoles atol sa sibya ngadto sa mga miyembro sa Simbahan sa Sweden, Denmark, Finland, ug Norway.
“Unsay mahitabo sa Ang Simbahan ni Jesukristo sa mga Santos sa Ulahing mga Adlaw 20 ka tuig gikan karon sa inyong mga nasud?” Si Elder Ballard miingon. “Unsaon nato sa pagsulti sa unang mga miyembro sa Simbahan nga Taga-Scandinavia kon dili kita makasulti nga ang atong hugot nga pagtuo, ang atong kaisug, ang atong mga aksyon sama sa ilaha, nga gihatag nato ang atong labing maayong paningkamot sa pagpalig-on sa Simbahan sa kada ward, branch, stake, ug district?”
Ang sibya mao ang usa ka porsyon sa bag-ong pagbisita ni Elder Ballard sa Stockholm, Sweden; London, England; ug Paris, France.
Nakigkita si Elder Ballard sa mga misyonaryo nga nag-alagad sa Sweden ug namulong ngadto sa mga young single adult sa Stockholm. Kana nga miting gisibya ngadto sa 402 ka mga meetinghouse sa Europe Area. Namulong siya mahitungod sa kaimportante sa kaminyoon ug mipasabut nga ang mga pagpili nga himoon sa mga young adult mahitungod sa pagsunod sa mga baruganan sa ebanghelyo motino sa umaabut sa Simbahan. Gihagit niya ang matag usa sa pagdala og usa ka tawo ngadto sa Simbahan o sa pagdala og usa balik sa Simbahan inig tapus sa tuig.
Namulong usab si Elder Ballard ngadto sa mga miyembro sa Simbahan sa komperensya sa Nordic nga gisibya ngadto sa tanang mga meetinghouse sa Sweden, Denmark, Finland, ug Norway. Ang mga miyembro sa Simbahan sa mga nasud sa Nordic moabut og labaw sa 23,000 sa 123 ka mga nasud.
Didto sa London, England, si Elder Ballard ug si Elder José Teixeira, Europe Area President, nakigkita sa mga misyonaryo nga nagserbisyo sa London ug London South Missions. Gatusan ka mga misyonaryo naminaw sa pagpamatuod ni Elder Ballard ug mibati sa iyang kadasig alang sa misyonaryo nga buhat.
Didto sa France si Elder Ballard nakigkita sa mga misyonaryo sa Versailles. Mibisita usab siya sa dapit sa umaabut nga Paris France Temple, nga gipahibalo niadtong Oktubre nga kinatibuk-ang komperensya.