O La Tatou Itulau

O loo aoao tamaiti o le Uarota a Castellón i Sepania e tatalo i totonu o le Peraimeri, ia faitau ma malamalama i tusitusiga paia, ma auauna atu i o latou tuaoi.

Giordano V., 5 tausaga, Peru

Daniel, saunia e Dali M., 10 tausaga, Mekisiko

Ou te fia faasoa atu lau molimau: Ou te iloa o loo soifua le Atua, e faafofoga o Ia ma tali mai ia tatou tatalo pe afai tatou te faatuatua. Ou te iloa e alofa Iesu Keriso ia i tatou, ma ou te iloa e moni le Tusi a Mamona.

Elisa F., 11 tausaga, Pasila

Ou te fia faasoa atu le mea na ou lagonaina i le aso o lou papatisoga. A o ou savali atu i lalo o le faasitepu e agai atu i totonu o le vai papatiso, sa ou lagonaina se leo i totonu o lou loto o fai mai, “Paula, o loo e faia le mea sao.” Sa ou matua fiafia lava ina ua ou papatiso!

Paula G., 9 tausaga, Atenitina

Francisco P., 4 tausaga, mai Chile, e fiafia lava e asiasi atu i togalaau o le Malumalu o Santiago Chile. O loo ia aoao e lauga atu i le Peraimeri ma fai i taimi uma ana tatalo. E fiafia lava e fesoasoani atu i taimi o afiafi faaleaiga.

Kayque M., 5 tausaga, mai Pasila, o se tamaitiiti e atamai tele ma magafagafa lelei, e ui lava e le mafai ona savali o ia ona o le mai pipili. E fiafia o ia e alu i le lotu. E fiafia o ia i viiga ma e pese i taimi uma i le lotu faamanatuga. O le pese muamua lava na ia aoaoina o le “O Au o se Atalii o le Atua.” O Kayque e agaalofa, e fiafia e tuu atu upu faamalo, ma o se faamanuiaga tele lea i lona aiga.