Fakamatala mei he Niʻihi Kuo Nau Fakaʻaongaʻi e Maʻuʻanga Tokoni Fakaako Foʻou ʻa e Toʻu tupú
ʻI he taʻu ne toki ʻosí, kuo ʻi ai ha ngaahi siteiki he funga ʻo e māmaní kuo siviʻi ʻenau fakahoko foʻou ʻa e ako ko ʻeni he Sāpaté. Pea ʻoku pehē ʻe he niʻihi kuo nau fakaʻaongaʻi iá, ʻoku ʻi ai ha liliu lahi moʻoni ʻoku hoko. Ko ʻenau fakamatalá ʻeni:
Mei he Toʻu tupú
“ʻOku ou saiʻia taha pē he akó—ʻoku ʻikai ngata pē he Lautohi Faka-Sāpaté. ʻOkú ke … hokohoko atu pē he toenga ʻo e uiké. Pea ʻoku ʻoatu ʻe he kau faiakó ha ngaahi ngāue ke ke fakakakato pea ʻoku fie maʻu ke ke haʻu mateuteu ki he Sāpate hokó. ”
“Ko hoʻo kamata pē he hala totonú, ʻoku faingofua leva ke fakakau mai e kakaí ki he lēsoní ko e kau mēmipa pē ia ʻo e kōlomú ʻoku nau fai e akoʻí.”
“ʻI he fakaʻosinga ʻo e kalasi kotoa pē, … ko hai pē ʻokú ne akoʻi ʻa e lēsoní, … te ne fai mai ha tukupā. … Ko ia ʻoku mau fakaʻaongaʻi e tukupā ko iá he toenga ʻo e uiké ke mau hoko ʻo toe lelei ange.”
Mei he Kau Faiakó mo e Kau Takí
“Ne mau aleaʻi e ngaahi tukupā ne fai ki he fānau fefiné he uike kimuʻá. Pea ko e meʻa pē ia ʻoku hokó, ʻoku hanga ʻe he ngaahi meʻa ʻoku nau aʻusia he uike ko iá ʻi heʻenau feinga ke talangofua mo ako e tokāteliné … ʻo ʻomi leva e Laumālié ʻo vave ange ia ʻi ha meʻa kehe te mau lava ʻo fai.”
“Kuo mau ʻoange ki he kau talavoú ha ngaahi faingamālie ke nau fai ʻeni pea ne ola lelei. Kuo nau lava ʻo tokoni ki hono fakahoko ha fealēleaʻaki ʻi he ongoongoleleí.”
“ʻI he lea [ʻa e toʻu tupú], ʻoku tupulaki ai ʻenau fakamoʻoní pea hoko e mahino ʻoku nau maʻu ki he tokāteline ko iá ko ha konga ʻenau moʻuí.”