Tohi ki he ʻĒtitá
ʻOkú ne Langaki ʻEku Fakamoʻoní
Kuó u lau mo ako faivelenga ʻa e Liahoná talu mei he 1967, pea kuo tokoni ia ke u tupulaki fakalaumālie. ʻOku ou tatali he māhina takitaha ki he makasiní ke lava ʻo fakamaama au peá u ongoʻi ʻa e ngaahi fanafana mai e Laumālie ʻo e ʻEikí pea mo langaki ʻeku fakamoʻoni ki he ongoongoleleí. ʻOku tautefito ʻeku saiʻiá ʻi he “Faʻifaʻitaki mo Fakaʻapaʻapaʻi ʻEtau Mātuʻa Fakalangí” (Liahona, Fēpueli 2012, 80). Naʻe lava ke mahino kiate au e tuʻunga ne ʻi ai e tokotaha faʻu tohí he ko ha taha tā fakatātā foki au.
Fabio Fajardo, Kolomupia
Ko ha Faiako mo ha Kaungāmeʻa
ʻOku ou manako ʻi he Liahoná—ʻokú ne akoʻi au, poupouʻi au mo fakatonutonu ʻeku moʻuí. ʻI heʻeku lau ha ngaahi meʻa lelei he pongipongí, ʻoku ou feinga ke u toe lelei ange ai he ʻahó kotoa. ʻOku mālohi ange ʻeku ʻofá mo ʻeku tuí ʻi he taimi ʻoku ou lau ai e makasiní. ʻOku ou foaki foki ʻo meʻaʻofaʻaki e Liahoná ki hoku ngaahi kaungāmeʻá. ʻOku ou fakamālō atu ʻi hoʻo hoko ko ha faiako mo e kaungāmeʻa leleí!
Anastasia Naprasnikova, ʻIukuleini