Tempol Nius

Dedikesen we Oli Holem blong Kwetsaltenango Guatemala Tempol

Oli bin dediketem Kwetsaltenango Guatemala Tempol long Sandei 1 Disemba 2011, long tri sesen; Presiden Dita F. Ukdof, Seken Kaonsela long Fas Presidensi i bin mekem. Ol dedikesen sesen ia oli bin brodkastem olgeta long ol kongregesen blong Jos insaed long tempol distrik.

Presiden Ukdof i bin talem long kalja selebresen long Satedei: “Hemia i wan naesfala tempol; hem i stap saen olsem wan daemon, mo daomon ia i blong eria ia blong kantri ia.” Long taem ia olgeta yut we oli danis oli kam long ol kongregesen blong eria ia, mo oli bin danis, singsing, mo presentem wan so blong ol lokol histri mo kalja.

Kwetsaltenango Guatemala Tempol i namba 136 tempol blong Jos long wol mo i nambafaef tempol long Sentrol Amerika. Tempol ia bae i mekem wok blong 60, 000 Lata-dei Sent.

Jos I Brekem Graon blong Nambaseven Tempol long Brasil

Long namba 15 Novemba 2011, Elda Deved A. Bedna blong Kworom blong Olgeta Twelef Aposol, i bin prisaed ova long seremoni blong brekem graon blong Fortelesa Brasil Tempol, we i nambaseven tempol blong Jos long Brasil.

“Tempol ia bae i wan spring blong hop, laet, mo fet long God long olgeta evriwan we bae i kam mo wokbaot long ples ia mo long yad ia,” Elda Bedna i talem. “Siti ia, oltaem bae i kam gud moa mo bae i defren from oli bildim wan tempol long ples ia.”

Tempol ia, bae oli bildim long Avenida Santos Dumon long Fortalesa, Searia, Brasil. Presiden Tomas S. Monson i bin anaonsem se bae oli bildim Fortalesa Brasil Tempol long taem blong Oktoba 2009 jeneral konfrens.

Kwetsaltenango Guatemala Tempol, we Presiden Dita. Ukdof i bin dediketem long 11 Disemba 2011; hem i namba 136 tempol.

KREDIT: