Երեց Ռանդալ Կ. Բենեթ
Յոթանասունից
Օրթոդոնտի իր կարիերայի գագաթնակետին էր, երբ Ռանդալ Քեյ Բենեթը և նրա կինը՝ Շելլին, զգացին իրենց միսիային պատրաստվելու խիստ անհրաժեշտություն: Դա նշանակում էր, որ նրանք անմիջապես պետք է վաճառեին իրենց տունը:
Հուշման պատճառը անմիջապես պարզ չդարձավ. երեք տարի պահանջվեց, որ նրանք վաճառեին իրենց տունը, որի ընթացքում նրանցից պահանջվեց մեծ համբերություն և «ապացույց Տիրոջը, որ իրենք իսկապես պարտավորվել էին», ինչպես ասում է Երեց Բենեթը: Մենք շարունակում էինք վստահել Տիրոջը և փորձում էինք մոտ մնալ Նրան՝ տաճար հաճախ այցելելով, ամեն օր սուրբ գրություններն ուսումնասիրելով, աղոթելով, ծոմ պահելով և ուրիշներին ծառայելով»:
Քիչ ժամանակ անց տունը վաճառելուց հետո, Երեց Բենեթը կանչվեց ծառայության Պրովոյի Միսիոներների Պատրաստման Կենտրոն, այնուհետև որպես Ռուսաստան Սամարա Միսիայի նախագահ:
«Հիանալի և շատ խոնարհեցնող էր իմանալը, որ Տերը մտածում էր մեր մասին և նախապատրել էր մեզ», - ասաց Երեց Բենեթը: «Մենք հասկացանք, որ Տերը տեղյակ է մեր մտքերից և մեր սրտերում եղած զգացմունքներից: Մենք սովորեցինք հավատալ, որ Նա մեզանից ավելի լավ գիտի, մեզանից ավելի շատ գիտի և որ սիրում է մեզ»:
Որպես Յոթանասունի Երկրորդ Քվորումի անդամ և միսիայի նախագահ իր կոչումներից բացի, Երեց Բենեթը ծառայել է որպես նախագահ և խորհրդական Պրովոյի Միսիոներների Պատրաստման Կենտրոնի ճյուղում, ցցի բարձրագույն խորհրդի անդամ, եպիսկոպոսության խորհրդական, ծխի Երիտասարդ Տղամարդկանց նախագահ, բազմաթիվ այլ կոչումներում, ինչպես նաև որպես միսիոներ Ֆրանսիա Փարիզ և Ֆրանսիա Տուլուզ Միսիաներում:
Երեց Բենեթը ատամնաբուժական վիրաբուժության դոկտորի կոչում է ստացել Ալբերտայի Համալսարանում (Կանադա), և օրթոդոնտի մագիստրոսի կոչում՝ Լոմա Լինդա Համալսարանում՝ հարավային Կալիֆոռնիայում, ԱՄՆ:
Երեց Բենեթը ծնվել է 1955թ. հունիսին, Ալբերտայում՝ Կանադա: Նրա ծնողներն են Դոնալդ Քեյ Բենեթը և Էն Դարլին Լոնգը: Նա ամուսնացել է Շելլի Դայան Վոչմենի հետ 1977թ. ապրիլի 23-ին՝ Քարդստոն Ալբերտա Տաճարում: Նրանք չորս զավակների ծնողներ են: