Hið smáa og einfalda

2011

Apríl 2011

Hið smáa og einfalda

„Af hinu smáa sprettur hið stóra“ (K&S 64:33).

Læra af ráðstefnum

Börn okkar eru nú vaxin úr grasi og hafa stofnað eigin heimili og fjölskyldur, en við höfum fundið góða leið til að læra saman orð spámannanna. Í mánuðinum eftir aðalráðstefnurnar les ég ræðurnar á www.conference.lds.org og skrái tilvitnanir sem veita leiðsögn, handleiðslu og hughreystingu. Ég viða að mér nægilega mörgum tilvitnunum til að ein verði fyrir hvern dag næstu sex mánaða. (Dæmi: Í apríl finn ég tilvitnun fyrir hvern dag frá 1. maí–31. október.) Ég færi síðan börnunum okkar eintök af tilvitnunum.

Það hjálpar þeim að læra efni ráðstefnunnar og leiðir oft til umræðu fjölskyldunnar. Það er dásamlegt að ræða um leiðsögn spámannanna í mánuðunum eftir ráðstefnu, jafnvel þótt við búum fjarri hvert öðru.

Christine Tippetts, Utah, Bandaríkjunum

Námskeið Vinnumiðlunar SDH

Vinnumiðlun SDH er með námskeið í gangi fyrir þá sem leita sér að atvinnu, hyggjast fara í framhaldsskóla eða hefja viðskipti. Námskeiðinu er ætlað að liðsinna fólki við að skilgreina starfsmarkmið sín og efla sjálfstraust sitt og getu til velgengni. Því er ætlað að vera fræðandi, gagnvirkt, hvetjandi og skemmtilegt. Þeir sem hagnýta sér efni námskeiðsins finna sér oft atvinnu á skemmri tíma en annars.

Á námskeiðinu er m.a. fjallað um hvernig á að setja sér starfsmarkmið, afla sér gagna til að ná markmiðunum, semja ferilskrá og njóta velgengni í nýju starfi.

Spyrjið biskup ykkar eða greinarforseta hvort námskeiðið sé haldið í nágrenni ykkar eða farið á www.ldsjobs.org og smellið á „Find a Center.“

EFST TIL VINSTRI: TEIKNING EFTIR PAUL MANN, hluti af Shaphan færir Jósía bókrolluna, eftir Robert T. Barrett © 1990, óheimilt að afrita; Mormón gerir útdrátt úr töflunum, EFTIR Tom Lovell © IRI; Davíð og Golíat, eftir Steve Nethercott, óheimilt að afrita; Aldagömul fordæmi/Nútíma fyrirheit, eftir Jeff Ward