2011
Pe Le Mafai Ona Avea i Tatou ma ni Uo?
Ianuari 2011

Pe Le Mafai Ona Avea i Tatou ma ni Uo?

Saunia e Patricia Graham

E faavae i se tala moni

“A ia outou feagaleleiai, ia femutimutivaleai lo outou alofa, ia fefaamagaloai outou” (Efeso 4:32).

  1. Sa popolevale Makerita ona sa ia le iloaina se tasi i lana a’oga fou.

  2. Sa taufaalili ia te ia nisi o teineiti. Sa oo lava foi ina toso e se tasi o teineitiiti le lipine o le lauulu o Makerita. E le’i manatu Makerita o le a fiafia o ia i lana a’oga fou.

  3. Ina ua tuua le a’oga, sa telefoni atu Makerita i lona tinamatua ma faamatala i ai e uiga i teineiti leaga.

  4. Makerita, e tatau ona e tatalo ma fesili i le Tama Faalelagi po o le a le mea e fai. O le a Ia fesoasoani ia te oe.

  5. O le po lena, sa tatalo ai Makerita i le Tama Faalelagi. Sa ia ta’u atu ia te Ia lona faafitauli. Ona oso ae lea o sona manatu.

  6. O le aso na sosoo ai i le a’oga, sa ula atu foi teineiti ia te ia.

    Pe le mafai ona avea i tatou ma ni uo?

  7. O le isi foi aso na sosoo ai, sa tatoso foi e teineiti ana lipine.

    Pe le mafai ona avea i tatou ma ni uo?

  8. E tasi le vaiaso mulimuli ane, sa fiafia Makerita e faamatala atu i lona tinamatua le mea sa tupu.

    Sa tuuina mai e le Tama Faalelagi ia te au le manatu ia ou agalelei i teineiti. Latou te le o toe taufaalili mai ia te a’u, ma ua avea nei i latou o ni au uo.

Ata na tusia e Maryn Roos