Unsaon nako pagsulti sa usa ka higala nga ang iyang musika dili angay, nga dili mawala ang iyang pagkahigala? Siya kanunay nga mosulti kanako nga kon ako iyang higala, dili ako moreklamo kabahin niini. Unsay akong buhaton?
Ang musika ug ang mga higala nga imong gipalibut sa imong kaugalingon mao ang lig-on nga mga impluwensya sa imong kinabuhi. Si Presidente Gordon B. Hinckley (1910–2008) miingon: “Pili-a ang inyong mga higala sa mainampingon nga paagi. Kini sila ang modala kaninyo sa usa ka direksyon o sa laing bahin.”1
Ang paghisgot sa musika nga gipaminaw nimo ug sa imong higala mahimo nga usa ka maayong kasinatian alang kaninyong duha. Sa matinahuron nga paagi ipasabut ang inyong mga pagbati kabahin sa bili sa maayong medya ug sa malaglagon nga kinaiya sa dautang medya. Ipakigbahin kaniya kon sa unsang paagi ang iyang pagpili sa musika makapugong kanimo nga malingaw sa inyong panahon sa panag-uban sa labing hingpit.
Kon magpadayon siya sa pagpaminaw sa musika nga makasilo sa Espiritu, hunahunaa ang pag-ilis og mga higala. Ang mga higala importante, apan dili sa pagkadaut sa inyong espiritwal nga kaayohan.