Journal alang sa Kasulatan

Nila ni Sandra Tanner ug Cristina Franco

Ang gahum sa kasulatan nakahimo kanako nga luwas sa sala.
Ang gahum sa kasulatan mao ang gahum sa pagdaug.
Ang gahum sa kasulatan! Matag adlaw ako nagkinahangan
Sa gahum nga akong makuha sa matag higayon nga ako magbasa.1

Ang mga kasulatan mao ang talaan sa mga pagtulun-an sa Dios ug sa iyang pakig-uban sa Iyang mga anak. Ang Journal alang sa kasulatan mao ang inyong kaugalingong libro diin kamo makasulat kon sa unsang paagi kamo nagkat-on aron makasabut ug makasunod sa mga pagtulun-an sa ebanghelyo. Matag bulan niining tuiga kamo makat-on og kasulatan ug magbansay sa paggamit kon unsa ang gitudlo. Ang Langitnong Amahan motabang kaninyo samtang kamo mopili sa pagkat-on ug magpakabuhi pinaagi sa mga kasulatan. Inyong bation ang gahum sa mga kasulatan, ug ang inyong pagpamatuod motubo.

Unsaon Paggamit ang Inyong Journal alang sa Kasulatan

Maghimo o magpalit og notebook mga adunay dili mokubos nga 12 ka mga pahina. Mga isyu sa Liahona niining tuiga maglakip og mga kasulatan ug mga kalihokan alang kaninyo aron sa paghimo sa inyong Journal alang sa kasulatan. Kon kamo nagkinahanglan og tabang sa pagbasa, pagsulat o pagsabut sa kasulatan o kalihokan, mahimo kamong mangutana sa mga ginikanan, sa mas magulang nga igsoong mga lalaki o igsoong mga babaye, mga higala, o mga magtutudlo sa Primary alang sa tabang.

Enero 2010 Journal alang sa Kasulatan

Basaha ang unang artikulo sa hugot nga pagtuo. Inyo kining makita sa Perlas nga Labing Bilihon.

Pag-ampo aron masayud nga kining artikulo sa hugot nga pagtuo tinuod. Pangamuyo aron mobati sa gugma sa Langitnong Amahan ug sa Iyang Anak, nga si Jesukristo. Kini nga gugma mao ang gitawag og gugma nga putli.

Memoryaha ang artikulo sa hugot nga pagtuo.

Pilia ang usa niining mga kalihokan, o maghimo og inyong kaugalingon:

Tabangi ang laing tawo nga makat-on niini nga kasulatan.
Mag-ampo alang sa laing tawo nga mobati og gugma sa Dios.
Kon atong bation ang gugma sa Langitnong Amahan ug ni Jesukristo, kita nagtuo Kanila. Kita nagtuo nga kita mga anak sa Dios. Atong ipakita nga kita nagtuo nga Siya mao ang atong Langitnong Amahan pinaagi sa pagpasalamat Kaniya tungod sa atong mga panalangin. Kon makakita kamo og tag alang sa seradora (tan-awa sa pahina 67), hunahunaa ang mga panalangin nga inyong nadawat nianang adlawa.

Sa unsa nga paagi nga ang inyong nabuhat nakatabang kaninyo nga makasabut niini nga kasulatan?

iIsulat sa inyong journal kabahin sa butang nga inyong nabuhat o pag-drawing og usa ka litrato kon unsa ang inyong gibati sa pagkasayud nga ang Langitnong Amahan ug si Jesus nahigugma kaninyo.

Paghimo og TAG ALANG SA Seradora

Guntinga ang tag alang sa seradora sa ubos. Pil-a ang tag alang seradora diha sa gituldokan nga linya. Hunahunaa ang mga panalangin nga gihatag kaninyo sa Langitnong Amahan, ug isulat ang pipila niini diha sa lista. Ibitay ang tag nga siradora diin inyo kining kanunay nga makita.

Ang Langitnong Amahan mipanalangin kanako og:

Wala: paghulagway pinaagi ni James Johnson; tuo: paghulagway pinaagi ni Maryn Roos