tohi ki he ʻĒtitá

Haʻu ki he Temipalé

Fakamālō atu ʻi he kaveinga mātuʻaki fakaʻofoʻofa ʻi he Liahona ʻo ʻOkatopa 2007 kau ki he hisitōlia fakafāmilí mo e ʻalu ki he temipalé. Hili ha uike ʻe taha mei hono maʻu ʻe he kāingalotú ʻa e Liahoná, ne liunga tolu ʻa e ngāue naʻe fakahoko ʻi he senitā hisitōlia fakafāmilí. ʻOku ou ʻiloʻi naʻe tupu ʻeni mei he ngaahi fakamatala ʻi he Liahoná he māhina ko iá. Taimi ʻe niʻihi ʻe fie maʻu pē ke fakamanatu ki he kāingalotú ke fakahoko e ngaahi ouau ʻo e temipalé maʻa ʻenau ngaahi kuí. ʻOku ou fakamālō lahi ai, he kuo tokoniʻi au mo ha niʻihi kehe ʻe he Liahoná ke mau toe ngāue mālohi ange maʻá e ʻEikí.

ʻEnitasoni Nasimenitou, Palāsila

ʻOku Tupu mei he Fanga Kiʻi Meʻa Īkí

ʻOku mau muimui ʻi he faleʻi ʻa Pīsope Kifi B. Mekimālini ʻi heʻene lea he konifelenisi ʻo ʻEpeleli 2007, “Tokonaki ki he Kahaʻú,” ʻaki ʻemau fakahaofi ha paʻanga, neongo ko ha kiʻi sēniti siʻisiʻi pē ʻi he uike takitaha. ʻOku tau ʻilo ʻe fakahoko e talaʻofa ʻa e ʻEikí, ʻo hangē ko hono fakahā mai kiate kitautolu ʻe hotau kau takí—“ ʻoku tupu mei he ngaahi meʻa īkí ʻa e ngaahi fuʻu meʻa lalahí” (T&F 64:33).

Likato mo Milaea Mēsani, Kolomupia