Conferencia General
Peteĩ eskéma revelación personal-pe g̃uarã
Octubre 2022-gua Conferencia General

Peteĩ eskéma revelación personal-pe g̃uarã

Élder Dale G. Renlund rupive

Doce Apóstoles Kuorunpegua

Tekotevẽ ñaikũmby pe eskéma Espíritu Santo omba’apohápe. Jaikóramo upe eskémape, pe Espíritu Santo ikatu ojora ñaimo’ã’ỹva intuisiõ.

Heta peẽicha, tuicha influénsia oguereko cherehe Elder Dieter F. Uchtdorf umi ary ohasávo. Upéva omohesakã, en párte jepe, mba’e ha’étava.1 Upéicha, ajediskulpávo hendive …

Umi aviõ pilóto oñe’entrena porãva oveve pe iñaviõ kapasida ome’ẽhápe, ha osegi umi tránsito aéreo okontroláva ñehekombo’e, mba’éicha oiporuva’erãre pe písta ha tape oveve hag̃ua. Ñe’ẽ mbykýpe, umi pilóto omba’apo peteĩ eskémape. Taha’e iñakãporãite térã ivakeanoite jepe hikuái, ko eskémape añónte ovevéramo umi pilóto ikatúta oguenohẽ tuichaite potensial oguerekóva peteĩ aviõ ohupyty hag̃ua ijohetívo milagróso.

Upéicha avei, ñande jarresivi revelación personal peteĩ eskémape. Ñañemongarai rire, oñeme’ẽ ñandéve peteĩ don tuicháva ha katu ipráctikova, pe Espíritu Santo don.2 Ñañeha’ãvo japyta konvénio rapépe,1 ha’e “pe Espíritu Santo … [upe] ohechaukátava [ñandéve] opa mba’e [jaja]pova’erã”. 4 Ñaiméramo insegúro térã inkómodo, ikatu jajerure pytyvõ Tupãme. 5 Salvador promésa ndaikatúi hesakãvévo: “Pejerure, ha oñeme’ẽta peẽme; … pe ojerurévape oñeme’ẽgui”.6 Espíritu Santo ñeipytyvõ reheve, ikatu ñamoambue ñande naturalésa divína ñane destíno etérnope.7

Revelación personal promésa Espíritu Santo rupive hechapyrãite, peteĩ aviõ oveve javéicha. Ha umi aviõ pilótoicha, tekotevẽ ñaikũmby pe eskéma Espíritu Santo omba’apoha rupive ome’ẽ hag̃ua revelación personal. Jaikóramo upe eskémape, pe Espíritu Santo ikatu ojora ñaimo’ã’ỹva intuisiõ, tekombo’e ha angapyhy. Ko eskéma’ỹre, taha’eha’e ñane akãporã térã ñande talénto, ikatu ñañembotavy ha jachokavai ha jakái.

Escritura-kuéra ha’e ko eskemapegua eleménto peteĩha revelación personal-pe g̃uarã.8 Cristo ñe’ẽme ñande rorývo, escritura-kuérape oĩháicha, omokyre’ỹ revelación personal. Elder Robert D. Hales ha’iva’ekue: “Ñande ñañe’ẽse vove Tupãndi, ñañembo’e. Ha ñande jaipotáramo Ha’e oñe’ẽ ñandéve, ñahesa’ỹijo escritura-kuéra”.9

Escritura-kuéra ñanembo’e avei mba’éicha jarresivi revelación personal.10 Jajerure mba’e oiporãva ha iporãva11 ha ndaha’éi pe oñemoĩva Tupã rembipotáre.12 Ñande “nañaporandúi vaípe”, motivo iporã’ỹva reheve ñamoĩporã hag̃ua ñane ahénda térã ñamyanyhẽ hag̃ua ñande potapy.13 Opa mba’e ári, ñande ñaporandu Túva Yvagaguápe Jesucristo rérape,14 jagueroviávo jarresivitaha.15

Mokõiha pe eskéma eleménto ha’e ñande jarresiviha revelación personal ñande jupe g̃uarãnte, ha ndaha’éi ambuekuéra privilehiorã. Ambue ñe’ẽme, ñande ñasẽ ha jaguejy ñande písta oñemoĩmbyrévape. Umi písta oñemoĩporãva mba’eguasukue, voi ojeikuaákuri Restauración historia-pe. Hiram Page, peteĩ umi ocho testígo Mormón Kuatiañe’ẽmegua, he’iva’ekue orresivihahína umi rrevelasiõ opa Tupaópe g̃uarã. Heta miembro-kuérape oñembotavýkuri ha oñeinfluensiavaíkuri.

Mbováivo, Ñandejára orrevelákuri “avave noñehenoimo’ãi ohupyty hag̃ua tembiapoukapy ha rrevelasiõ ko tupaópe, ndaha’éiramo che rembiguái José Smith … Che ahenói peve … ambuéva hendaguépe”.16 Umi doctrina, tembiapoukapy ha rrevelasiõ Tupaópe g̃uarã ha’e proféta oikovéva priviléhio, ohupytýva umíva Ñandejára Jesucristo-gui.17 Upéva ha’e profetakuéra písta.

Ojapo heta ary, arresivihague teléfono-pe ñehenói peteĩ tekove ojearrestava’ekue óga ahénope ojapyhara haguére Ha’e he’i chéve ojerrevelahague chupe escritura adicional oñeñotỹva’ekue upe edificio ha’e oikeseha guýpe. Ha’e he’i ohupyty vove pe escritura adicional, ha’e oikuaa orresivitaha upe don ombohasa hag̃ua, oguenohẽtaha escritura pyahu, ha omohendataha Tupao doctrina ha ñeisãmbyhy. Ha’e chupe ojavyha, ha ojerure’asy chéve añembo’e hag̃ua upévare. Che ha’e chupe nañembo’emo’ãiha. Ha’e oñe’ẽ mba’evai ha ombopa upe ñehenói.18

Natekotevẽikuri añembo’e ko ojerurévare chéve, peteĩ hasy’ỹva ha katu ipypukúva mba’ére: proféta añoite orresivi rrevelasiõ Tupaópe g̃uarã. Ha’étakuri “Tupã ekonomía rehe oñemoĩva”19 ambuekuéra orresivi hag̃ua koichagua rrevelasiõ, ha’éva profetakuéra písta.

Revelación personal ha’e tekovekuéra mba’e teéva. Ikatu perresivi rrevelasiõ, por ehémplo, moõ peiko hag̃ua, mba’e karréra rape pesegi hag̃ua, térã mávare pemenda hag̃ua.20 Tupao lider-kuéra ikatu ombo’e doctrina ha okomparti konsého ispirádo, ha katu rresponsabilida ko’ã desisiõre opyta pende ári. Upéva ha’e pende rrevelasiõ perresivi hag̃ua; upéva ha’e pende písta.

Mbohapyha upe eskéma eleménto ha’e revelación personal ojereraha porãva’erãha Tupã rembiapoukapykuérandi ha umi konvénio Hendive jajapóvandi Pehechami peteĩ ñembo’e kóicha he’íva: “Túva Yvagapegua, ikaigue umi Tupaopegua servicio. Ikatu piko rotupãitũ Dia de reposo-pe yvyty térã playa-pe? Ikatúpa ndaháinte Tupaópe apartisipa hag̃ua Santa Cena-gui, ha katu areko gueteri umi jehovasa oñeprometéva oñesantifikárõ pe Día de reposo?”21 Koichagua ñembo’e ñembohováipe, ikatu ñaha’arõ Tupã ombohovái: “Che ra’y, che rajy, Che aikuaaukámakuri che rembipota Día de Reposo rehegua”.

Jajeruréramo rrevelasiõre peteĩ mba’e Tupã ome’ẽma haguégui ñehekombo’e hesakãva, ñañemoĩ ñandejupe ñantendevai hag̃ua umi ñañandúva ha ñahendu pe ñahenduséva. Peteĩ kuimba’e omombe’u’akue chéve mba’easy ohasáva omoĩporãjey hag̃ua ifamília situasiõ financiera. Ou chupe idea omalversa hag̃ua umi fóndo peteĩ solusiõramo, oñembo’e upévare, ha oñandúkuri orresivihague rrevelasiõ oĩporãha ojapóvo. Che aikuaákuri oñembotavyhague chupe ha’e ohekágui rrevelasiõ Tupã rembiapoukapýre oñemoĩva. Proféta José Smith oporoatõi’akue, “Ndaipóri mba’evai tuichavéva yvypóra ra’ykuérape oĩ hag̃uágui peteĩ espíritu japu influésia guýpe, oimo’ã jave hikuái oguerekoha Tupã Espíritu”.22

Ikatu oĩ he’íva Nefi ojapyharahague tembiapoukapy ojukávoguare Labán-pe. Upevére, kóva ko excepción nonegái rrégla—rrégla he’íva revelación personal ojererahaporãva’erãha umi Tupã rembiapoukapýndy. Ndaipóri ñemohesakã hasy’ỹva ko episódio rehegua he’i porãmbaitétava, ha katu ahechaukamita mbovymi hesegua. Upe oiko’akue noñepyrũi Nefi-ndi oporandúvo ikatúpa ojuka Labán-pe. Ndaha’éikuri peteĩ mba’e ha’e ojaposéva. Labán-pe jejuka ndaha’éikuri Nefi ñeime porãrã, ha katu oheja hag̃ua escritura-kuéra tetã upeiguápe ha tavayaguakuéra konvenioguápe. Ha Nefi oikuaaporãkuri ha’ehague rrevelasiõ—upéicha, ko kásope, ha’ékuri Tupãguigua tembiapoukapy.23

Irundyha eskemapegua eleménto ha’e pehechakuaa hag̃ua mba’épa Tupã oikuaaukáma voi peẽme, peñemoĩporãvo perresivive hag̃ua Chugui rrevelasiõ. ¿Tupã ombohováirõ peteĩ ñeporandu ha umi situasiõ naiñambuéikuri, mba’ére ñaha’arõta iñambue upe mbohovái? José Smith oñepysãngákuri ko mba’e vaietére 1828-pe. Mormón Kuatiañe’ẽ párte peteĩha oñembohasakurihína Martin Harris, peteĩ iporãva apoha ha haihára iñepyrũmegua, ojerurérõguare permíso José-pe ogueraha hag̃ua umi páhina oñembohasapyre ohechauka hag̃ua hembirekópe. Ndoikuaaporãivo mba’e ojapóta, José oñembo’e guia-re. Ñandejára he’i chupe ani hag̃ua oheja Martin-pe ogueraha umi páhina.

Martin ojerure José oporandu jey hag̃ua Tupãme. José upéicha ojapo, ha upe mbohovái he’íkuri, ndaha’éi sorpresa-rã, peteĩchaite. Ha katu Martin ojerure’asy José-pe ome’ẽ hag̃ua chupe mbohapyha jeyve. Ko ára Tupã nde’írikuri nahániri. Uperãngue, ha’ékuri Tupã he’írõguáicha, “José, nde reikuaa mba’éicha Che añandu ko mba’ére, ha katu nesãso reiporavo hag̃ua. Ojeímavo chugui jejoko andu, José odesidi ohejávo Martin-pe ogueraha umi 116 páhina pópe ojehaipyre ha ohechauka mbovy hogayguakuérape. Umi páhina oñehundíkuri ha araka’eve ndojejuhuvéiva. Ñandejára tuicha oja’o José-pe.24

José oikuaákuri, proféta Jacobo mbo’e haguéicha Mormón Kuatiañe’ẽme: “Ani peñemoñeʼẽse Ñandejárape, ha katu pehendu ñemoñeʼẽ ipógui oúva. Haʼe … oñemoñeʼẽgui arandúpe”.25 Jacob oporoatõikuri oikoha mbaʼevai jajeruréramo umi mbaʼe ndajajerureivaʼerã. Ohechapukuʼakue Jerusalén tavayguakuéra ohekataha umi “mbaʼe [ikatuʼỹva] oikũmby”, omaʼẽtaha “mombyryve upe jehupytyrãgui”, ha ndohechaiete Salvador del mundo-pe.26 Oñepysãngákuri hikuái ojerurégui umi mbaʼe oipotaʼỹva ni ikatuʼỹva oikũmby.

Jarresivíramokuri revelación personal iporãva ñane situasiõme g̃uarã ha umi ñane circunstancia nokambiái, Tupã ombohováima ñane ñeporandu.27 Upéicha jahecha, heta ára jajerure jeyjey ojeasegura hag̃ua ñandéve ñañeperdonahague. Ñañearrepentírõkuri, ñanerenyhẽ vy’a ha konsiénsia potĩ reheve, ha jahupyty ñande pekadokuéra rremisiõ, natekotevẽvéima jajerure jey, ha katu jajeroviakuaa ñembohovái Tupã ome’ẽmva’ekuére. 28

Jajeroviáramo jepe umi ñembohovái Tupã ome’ẽmava’ekuére, ñaimeva’erã jehupytyve hag̃uáicha revelación personal. Ha amo ipahápe, mbovy tekovepegua destíno ningo ojehutypy peteĩ vuélo eskala’ỹpe. Jahechakuaava’erã revelación personal ojehupytyha “sa’i sa’i” ha “mbo’epy mbo’epy ári”,29 ñehemombo’e ojerrevelapyrémava ikatu ha py’ỹinte okakuaaveha.30

Umi eskemapegua eleménto revelacion personal-pe g̃uarã oñomoĩrũ ha oñomombarete. Ha katu upe eskémape, Espíritu Santo ikatu ha orreveláta opa ñaikotevẽva ñapu’ã ha ñañemotenonde hag̃ua pe konvénio rapére. Upéicha jajehovasakuaa Jesucristo pokatúre oiko hag̃ua ñandehegui pe Túva Yvagagua oipotáva ñande ha’e. Poinvita tapejerovia pejerure hag̃ua revelación personal pendejupe g̃uarã, peikũmbývo pe Tupã orrevelamava’ekue, ojererahaporãva umi escritura ha mandamiento Ha’e ome’ẽva’ekuére Iprofetakuéra ohenoiva’ekue rupi, ha pende rekopýpe ha sãso peguerekóvape. Aikuaa pe Espíritu Santo ikatu ha ohechaukataha peẽme opa mba’e pejapova’erã.31 Jesucristo rérape, Amén.

Notakuéra

  1. Elder Dieter F. Uchtdorf oiporu porã ha meméva ñembojoja aeronave rehegua ombo’e hag̃ua umi evanhélio prinsípio imba’eguasúva. Upéicha jahecha, nda’aréi ha’e omoĩhague oñondive pilotokuéra lista de verificación previa, Salvador-cha ombo’e hagua”Enseñándo a la manera del Salvador”-pe ([broadcast for teachers, Junio 12, 2022], broadcasts.ChurchofJesusChrist.org).

  2. Espíritu Santo ha’e Deida miémbo mbohapyha, py’ỹinte ojeheróva Espíritu térã Tupã Espíritu, ha ojapo tembiapo imba’eguasúva salvasiõ plan-pe. Ha’e ome’ẽ testimónio pe Túva ha Ta’ýragui, oikuaauka añetegua opa mba’égui, osantifika umi oñearrepentíva ha oñemongaraívape, ha ha’e pe Espíritu Santo de la Promesa (tojehecha Guia de la Escrituras, “Espíritu Santo,” scriptures.ChurchofJesusChrist.org).

  3. Tojehecha 2 Nefi 31:19–21; Mosíah 4:8. Ndaipóri ambue hendáicha “ikatuha jajesalva Tupã rréinope”. Ambue hendáicha jeipotáramo ndoguerumo’ãi tape alternatívo.

  4. 2 Nefi 32:5; tojehecha avei Doctrina ha Konveniokuéra 84:43–44.

  5. Tojehecha 2 Nefi 32:4; Russell M. Nelson, “Revelación para la Iglesia, Revelación para nuestra vida,” Liahona, Mayo 2018, 93–96.

  6. Mateo 7:7–8.

  7. Tojehecha “La Familia: Una Proclamación para el Mundo”; “Mujeres Jóves Léma”; Manual General: Sirviendo en la Iglesia de Jesucristo de los Santos de los Ultimos Días, 27.0; 27.2, ChurchofJesusChrist.org.

  8. Tojehecha 2 Nefi 32:3.

  9. Robert D. Hales, “Escritura-kuéra Marangatu: Tupã pokatu ñande Salvasiõrã,” Liahona, Nov. 2006, 26–27.

  10. Escritura-kuéra ombo’e pe Espíritu Santo ñe’ẽpu imbegueha, apysapegua ñe’ẽicha—nahatãi ni ndahyapúi, isímple, itrankílo ha isensíllo; ikatu oike mbarete ha ojajái; opoko akã ha korasõre; ogueru py’aguapy, vy’apavẽ ha ñeha’arõkuaa—ndaha’éi kyhyje, py’atarova ha jepy’apy; ñainvita jajapo hag̃ua iporãva—ndaha’éi ivaíva; opomohesakã ha heterei—ndoporomoañuãi. Tojehecha 1 Reyes 19:11–12; Omni 1:25; Alma 32:28; Helamán 5:30–33; 3 Nefi 11:3; Moroni 7:16–17; Doctrina ha Konveniokuéra 6:22–24; 8:2–3; 9:8–9; 11:12–14; 85:6; Boyd K. Packer, “The Candle of the Lord,” Ensign, Jan. 1983, 51–56; Russell M. Nelson, “Ehendu Chupe,” Liahona, Mayo 2020, 88–92; Russell M. Nelson, “Enfrentar el futuro con Fe,” Liahona, Nov. 2020, 73–76; Russell M. Nelson, “Revelación para la Iglesia, Revelación para nuestras vidas,” 93–96.

  11. Tojehecha 3 Nefi 18:20; Moroni 7:26; Doctrina ha Konveniokuéra 88:64–65.

  12. Tojehecha Helamán 10:5; Doctrina ha Konveniokuéra 46:30.

  13. Santiago 4:3; Tojehecha Santiago 4:3, New International Version; 2 Nefi 4:35; Doctrina ha Konveniokuéra 8:10; 46:7; 88:64–65.

  14. Tojehecha Doctrina ha Konveniokuéra 88:64–65; Guía para el Estudio de las Escrituras, “Oración,” scriptures.ChurchofJesusChrist.org.

  15. Tojehecha 3 Nefi 18:20; Moroni 7:26.

  16. Doctrina ha Konveniokuéra 28:2, 7.

  17. Tojehecha Doctrina ha Konveniokuéra 21:4–5.

  18. Vy’arã, ojejapókuri umi ñemohenda chupe g̃uarã ohupyty hag̃ua tratamiento médico oikotevẽ añetéva.

  19. Tupaogua Presidente-kuéra mbo’epy: José Smith (2007), 197.

  20. Tojehecha Thomas S. Monson, “Whom Shall I Marry?,” New Era, Oct. 2004, 4.

  21. Tochehecha Doctrina ha Konveniokuéra 59:9–16.

  22. Joseph Smith, in Times and Seasons, Apr. 1, 1842, 744, josephsmithpapers.org.

  23. Ñandejára py’ỹinte omoambue, omyatyrõ, térã ojapo excepción umi hembiapoukapy ojerrevelapyrévape, ha katu ko’ãva ojejapo profesía rrevelasiõ ha ndaha’éi revelación personal rupive. Rrevelasiõ profétika ou proféta Tupã hekopete ohenoiva’ekue rupi, Tupã arandu ha ñeikũmbýpe oĩháicha. Ko’ã excepción-pe oike Tupã rrevelasiõ Moisés ha Josué-pe ojuka hag̃ua Canaán retãmeguakuérape, jepeve Hembiapoukapy he’íva “Ani reporojuka” (Exodo 20:13). Ñandejára, Iproféta rupive, ikatu ha orrevisáta Hembiapoukapykuéra Ipropositorã. Upevére, nañanesãsoi, rrevelasiõ personal rupive ñamoambue térã nañapenái hag̃ua umi tembiapoukapy ñemoĩmbyrére Tupã oikuaaukava’ekue Itupaópe profetakuéra rupive.

    Tojehecha 1 Nefi 4:12–18; for a fuller discussion, tojehecha Joseph Spencer, 1st Nephi: A Brief Theological Introduction (2020), 66–80.

  24. Ñemombe’upa umi 116 manuscrito-peguáre, tojehecha Saints: The Story of the Church of Jesus Christ in the Latter Days, vol. 1, The Standard of Truth, 1815–1846 (2018), 44–53; see also Doctrina ha Konveniokuéra 3:5–15; 10:1–5.

  25. Jacob 4:10.

  26. Tojehecha Jacob 4:14–16.

  27. José Smith ombo’e: “Araka’eve ndajajeruréi peteĩ revelasiõ especial Tupãme ndaha’éirõ umi káso ndaiporihápe revelasiõ mboyvegua ohóva upe káso rehe” (History, 1838–1856 [Manuscript History of the Church], volume A-1, 286–87, josephsmithpapers.org).

  28. Tojehecha Mosíah 4:3. Ñañandu meméramo kulpáble ha arrepentído peteĩ arrepentimeinto añete ha jaipotáva rire, akóinte oiko ndajarekóigui fe Jesucristo-re ha kapasida Ha’e orekóvare ñañeperdonambaite ha ñanemonguera hag̃ua. Sapy’ánte jerovia perdón ha’eha ambuekuérape g̃uarã ha katu ndoje’aplikapaitéi ñandéve g̃uarã. Upéva ningo ha’énte falta de fe pe Salvador ikatúvare ojapo Iñexpiasiõ ijapyra’ỹva rupi.

  29. Tojehecha Isaías 28:10; 2 Nefi 28:30; David A. Bednar, “Line upon Line, Precept upon Precept,” New Era, Sept. 2010, 3–7.

  30. Ha katu Tupã nome’ẽiramo peẽme rrevelasiõ, pejerurénte pehóvo. Elder Richard G. Scott ombo’e haguéicha: “Procede con confianza. … Peikóramo tekojojápe ha pemýiramo jeroviápe, Tupã ndohejamo’ãi peho pukuete ome’ỹre peẽme peteĩ impresiõ peneatõi hag̃ua pejapóramo desisiõ oĩvaíva” (“Using the Supernal Gift of Prayer,” Liahona, Mayo 2007, 10).

  31. Tochehecha 2 Nefi 32:5.