Tembiapo porã apo taha’e normal
Ñaiméramo ñemovã’ỹme ha ñemoambue’ỹme mba’e porã apópe, umi ñande jepokuaa ñanepytyvõta japyta hag̃ua kovénio rapépe.
Vokói cheaguyje che asignasiõ tupaopeguáre, upéva rupive roiko heta ambue tetãnguérape. Ko’ã tetãme rotopa hetáichagua tapichakuéra ivaléva orekóva hetáichagua costumbre ha tradición.
Enterove jareko costumbre ha tradición personal, familiar, ha comunidad jaikohapegua, ha ñañeha’ã jasegui umi ojegueraháva evanhélio principio-kuérandi. Ko’ã jepokuaa ha tradisiõ iporãva ha’e pyenda ñañeha’ãvo jaguata konvénio rapére, ha umi ha’éva estórvo, ñamboykeva’erã.
Jepokuaa ha’e pe ojejapóva térã peteĩ tapicha, cultura térã tradisiõ tapia ha py’ỹi opensaháicha. Heta vése, umi mba’e ñapensa ha jajapo py’ỹiva jehechakuaa normal-ramo.
Amyesãkamita kóva: Patricia, che rembireko ahayhúva, ogustaite chupe hoy’u pe agua de coco ha upéi ho’u pe mokaja ratykue. Rovisita ramóme Puebla, México, roho peteĩ tenda rojogua hag̃ua peteĩ mbokaja. Ha hoy’upa rire hi’y, che rembireko ojerure toñemboja’o pe mbokaja mbytépe ha ogueru chupe ho’u hag̃ua pe hatykue. Ojeguerúvo chupe, oreko mba’e pytã. ¡Oñohẽ hikúai mbokajáre ky’ỹi! Mbokaja he’ẽ ky’ỹi reheve! Kóva tapiagua’ỹ oréve g̃uarã. Uperire rohechakuaa che rembirekóndi orehague pe tapiagua’ỹva, ndoro’ukuaái rupi mbokaja ky’ỹi reheve. México-pe, katu, ndaha’éi tapiagua’ỹ; péva ha’e normal.
Ambue ára rokaru jave ore angirũnguérandi Brasil-pe, ha oreservi hikuái aguacate. Romoĩvo hese juky, ore angirũ oporandu: “Mba’épa rejapo? ¡Romoĩma jepe asuka aguacate-re!”. Aguacate asuka reheve! Kóva hekope’ỹ oréve g̃uarã. Uperire rohechakuaa che rembirekóndi oreha pe hekopegua’ỹva, ndoro’úi rupi aguacate asukáre. Brasil-pe ha’e normal oje’u aguacate asukáre.
Ha’éva normal alguno-pe g̃uarã ikatu ha’e rráro ambuévape, odepende mba’éichagua umi ijepokuaa ha itradisiõnguéra.
¿Mba’e costumbre térã tradición ha’e normal ñande rekovépeve?
Presidente Russell M. Nelson he’i: “Ko árape, py’ỹi ñahendu ‘peteĩ normalida pyahu’. Añetehápe peiporusérõ peteĩ normalida pyahu, poinvita pembojereve hag̃ua pene korasõ, akã ha ánga ñande Ru Yvagagua ha Ita’ýra Jesucristo gotyo. Taha’e upéva pende normalida pyahu” (“Peteĩ normalida pyahu,” Liahona, Nov. 2020, 118).
Ko invitasiõ ha’e opavavépe g̃uarã. Jepe ñanemboriahu térã ñandepirapire heta, ñanearandu térã tavy, tuja térã mitã, tasy térã tesaĩ. Ha’e ñaneinvita tajaheja pe ha’éva normal ñande rekovépe taha’e umi ñanepytyvõva jaguata porã hag̃ua pe konvénio rapépe.
Ndaipóri tetã orekopáva mba’e iporãmbáva térã hechapyrãmbáva. Upévare, Pablo ha proféta José Smith ombo’e haguéicha:
“Oĩramo oimeraẽ mba’e ivirtuóso térã iporãva, térã hekojojáva, térã oñemomorãva, ko’ã mba’e roheka” (Umi Fe rehegua Artíkulo 1:13).
““Oĩramo oimeraẽ mba’e ojeguerohorýva, ko’ãvare peneakãngeta” (Filipenses 4:8).
Jahechakuaa kóva ha’eha peteĩ ñemomarandu, ndaha’éi peteĩ oje’ereínteva.
Ajerure peẽme pejepy’amongeta sapy’ami ñande costumbre-re ha mba’éichapa opoko ñande familia-re.
Umi mba’e py’ỹigua hechapyrãva apytépe, ha’eva’erã normal Tupaogua miembro-kuérape, oĩ ko’ã irundy:
-
Escritura-kuéra ñemoarandu familiar ha personal. Ñandejára Jesucristo-pe ñañekonverti hag̃ua, cada persona oĩ responsable oaprendévo pe evanhélio. Tuvakuéra oreko rresponsabilida ombo’e hag̃ua evanhélio ita’yrakuérape (tojehecha Doctrina ha Konveniokuéra 68:25; 93:40).
-
Ñembo’e personal ha familiar. Salvador ojerure ñandéve akóinte ñañemboʼe hag̃ua (tojehecha Doctrina ha Konveniokuéra 19:38). Ñemboʼe rupive ikatu ñañemongeta personalmente ñande Ru Yvagaguándi, Ita’ýra Jesucristo rérape.
-
Semanalmente reunión sacramental-pe jeho (tojehecha 3 Nefi 18:1–12; Moroni 6:5–6). Péicha jajapo ñanemandu’a hag̃ua Jesucristo-re japartisipávo Santa Cena-gui. Ko ordenanza-pe, Tupaogua miembro-kuéra ombopyahu ikonvénio omoĩseha ijehe Salvador réra, tapiaite imandu’ataha Hese, ha oñongatutaha Hembiapoukapykuéra (tojehecha Doctrina ha Konveniokuéra 20:77, 79).
-
Jeho py’ỹi témplope ha tembiapo historia familiar rehegua. Ko tembiapo he’ise ñambojoaju ha jajesella familia-kuéra ára apyra’ỹre (tojehecha Doctrina ha Konveniokuéra 128:15).
¿Mba’éichapa ñañandu ñahendúvo ko’ã irundy mba’e? ¿Jarekópa ko’ã mba’e ñande rekove normal-pe?
Jareko heta ambue tradisiõ ikatúva ha’e normalida ko’ãva ñande ja’adoptáramo, ha jaheja Tupã taipu’akapa ñande rekovépe.
¿Mba’éichapa ikatu ñadetermina mba’épa ha’éta umi mba’e normal ñande rekovépe ha ñane familia rekovépe? Escritura-kuérape jatopa peteĩ modelo porã; Mosíah 5:15-pe he’i, “Upévare, aipota pepyta ha napeñemovãi, penerenyhẽvo tapiaite tembiapo porãme.”
Che ahayhu ko’ã ñe’ẽ ñande jaikuaa rupi umi mba’e jajapo jey jeýva ha’etaha normal ñande rekovépe. Ñande japytáramo ha nañañemovãi, jajapóvo iporãva, umi ñande jepokuaa oĩporãta evanhélio principio-kuérare ha ñanepytyvõta japyta hag̃ua pe konvénio rapépe.
Presidente Nelson avei oñemoñe’ẽ ñandéve: “Peñañua pende normalida pyahu peñearrepentívo ára ha ára. Peñeha’ãve káda ves penepotĩve hag̃ua pensamiento, ñe’ẽ ha tembiapópe. Peministra ambuekuérape. Pemantene peteĩ perspectiva eterna. Pemagnifika pene llamamiento. Ha taha’e ha’éva umi pende desafío, che hermano ha hermana-kuéra pohayhuetéva, peiko ára ha ára peimeve hag̃uáicha preparado peẽ pejotopa hag̃ua pende Apoharéndi” (“Peteĩ normalida pyahu,” 118).
Ko’ág̃a ndaha’éi rráro che rembireko, Patricia-pe térã chéve g̃uarã ro’u mbokaja pikántere ha aguakáte asuka reheve, añetehápe ore gusta. Upevére, exaltasiõ peteĩ mba’e iñimportantetevéva paladar gusto-gui, ha’e peteĩ téma ohóva eternida rehe.
Ajerure ko normalida taha’e jahupyty hag̃ua pe estado “vy’apavẽ opave’ỹva” (Mosíah 2:41 oñeprometéva opavave umi iñe’ẽrendúvape Tupã rembiapoukapykuérare, ha péicha jajapóvo, ikatu ñande ja’e: “Ha ojehu roiko vy’ápe” (2 Nefi 5:27).
Che hermano ha hermana-kuéra, atestifika ko’ã 15 kuimba’ekuéragui, ñasostenéva profeta, vidente ha revelador-ramo, oĩva ijapytepekuéra presidente Russell M. Nelson. Che atestifika pe Jesucristo Tupao Santokuéra Ára Pahapegua añeteguaha. Atestifika añetehápe Jesucristo-gui, ñande Salvador ha Redentor, Jesucristo rérape. Amén.