Ñe’ẽ rehegua mba’eporã
Oĩ pu’aka profetakuéra ymaguare ha ko’ag̃agua ñe’ẽnguérape añetehápe iñe’ẽnguéra ha’égui Ñandejára ñe’ẽ.
Mormón Kuatiañe’ẽme ñamoñe’ẽ peteĩ decisión vital ojapyhyva’ekue profeta Alma, peteĩ versíkulo ojehayhúvape. Jagueromandu’a mboyve umi ñe’ẽ jaikuaavavoi, jahechami chendive umi mba’e asy oikóva ojapyhykuévo upe desición.
Peteĩ tapichakuéra aty, ojeherova’ekue ijupekuéra zoramitas, ojeiva’ekue nefitakuéragui 1 ha oñembyatyva’ekue lamanitakuéra yvy ypýpe.2 Nefitakuéra oity ramoite umi lamanitakuérape peteĩ ñorãirõ ojeikuaa’ỹvaichaguápe, upépe omanókuri decenas de miles,3 ha ojekyhyjeterei zoramita-kuéra oñemongetáramo g̃uarã lamanita-kuéra ndive, ha tahaʼe upéva tuicha ñehundirã nefita-kuérape g̃uarã.”4 Mombyryve jepy’apy ñorãirõ rehe, Alma oikũmbyva’ekue umi zoramita, “oñehembo’eva’ekuépe Tupã ñe’ẽ,”5 oñepyrũkuri oadora ídolo, ha oguerahavai Ñandejára rape.”6 Opa ko’ã mba’e ipohýi Alma-pe, ha “upévare ikorasõ ojejopyeterei.”7
Ojejuhúvo umi mba’e ijetu’úva apytépe, Alma ipy’amongeta mba’épa ojapova’erãre. Idecisión apytépe jahecha ñe’ẽ oñeñangarekova’ekuére ñaneinspira ha ñanerekombo’e hag̃ua, jaguatakuévo mba’e ijetu’úvare ñande rekovépe ñande árape.8
“Ha koʼág̃a, pe ñeʼẽ ñehekomboʼe oguereko haguére tuicha puʼaka ogueraha hag̃ua tavayguakuérape ojapo hag̃ua pe ijojáva—héẽ, oikeve kysepukúgui iñapytuʼũnguérape, térã oimeraẽ mbaʼe ojehuvaʼekue chupekuéragui—upévare Alma ohechaporã omoĩ hikuái pyʼaraʼãme pe Tupã ñeʼẽ puʼaka.”9
Heta solución ikatúva ojeipuru apytépe, Alma jeguerovia ogueraha chupekuéra okonfia hag̃ua ñe’ẽ puʼaka rehe. Ndaha’éi mba’ereíre sermon-kuéra imbaretevéva ojejuhuha oimeraẽ hendápe Escritura-kuérape, ha ojepredikava’ekue oikoriremíntevo upe decisión. Capítulos 32 ha 33 Alma-pe, ñamoñe’ẽ tekombo’e iporãitéva jerovia Ñandejára Jesucristo rehe, ha Capítulo 34-pe jajuhu tekombo’e tuichaitéva Amulek ome’ẽva, Jesucristo expiación rehegua.
Mba’e porã ñe’ẽ rehegua ñemoha’anga
Upéicha, Escritura-kuéra pukukue jave, ñamoñe’ẽ jehovasa imilagrósovare oñehẽva umi oiporavova’ekue otantea Tupã mba’eporã ñe’ẽ rehegua hekovépe.10 Poipepirũ peñamindu’u hag̃ua chendive mbohapy techapyrãre, ñañesentrávo Mormón Kuatiañe’ẽre— peteĩ Kuatiañe’ẽ Presidente Russell M. Nelson oheróva “ñande guía jaikove hag̃ua ára pahápe.”11
Ñepyrũrã, ogueromandu’ávo ipuéblope mba’éichapa Ñandejára omosãso ituvakuérape, Alma oporohekombo’e: “Péina ápe, haʼe omoambuékuri ikorasõkuéra; héẽ, haʼe omombáy chupekuéra peteĩ jeke atãgui, ha opáy hikuái Tupãme. Péina ápe, oĩkuri hikuái pytũmby mbytépe; upevére, upe ñeʼẽ opaveʼỹva resape omyesakã hiʼangakuéra.”12 Ikatu oime peñeñandu peimévaicha pytũmby mbytépe. ¿Oguereko pene ánga jehasa asy ñemyesakãre? Oimérõ upéicha, petanteami Tupã ñe’ẽ rehegua mba’eporã.
Mokõiha, ñañamindu’úvo lamanita-kuéra conversión rehe, ohechava’ekue testígoramo misionero-háicha, Ammón he’i, “Péina ápe, mboy mil ñande joykeʼykuérape piko haʼe omosãsovaʼekue pe añaretã ñeimeʼasýgui; ha opuraheise hikuái pe purahéi opororredimíva, ha kóva pe iñeʼẽ puʼakaoĩvañande pype rupi.13 Hermano ha hermana-kuéra, oĩ hetaiterei ñande apytépe oipotaitéva oime jahayhuetéva ojegueraha opurahéi hag̃ua mborayhu redentor. Opaite ñaneñepia’ãme, jagueromandu’a ñatantea Tupã ñe’ẽ rehegua mba’eporã, oiméva ñande rekovépe.
Mbohapyhápe, Helamán kuatiañe’eme jahecha: “Héẽ, jahecha opa oipotáva ikatuha ojejagarra Tupã ñe’ẽre, oikovéva ha ipu’akapáva omboja’ótava opa aña katupyry ha ñemosã ha ñuhã, ha oguerahátava Cristo ndivegua yvypórape peteĩ tape ipoʼietereíva jepe pe yvykua opave’ỹva teko’asy rehegua rupive … ha omoĩta hi’angakuéra …Tupã diestra-pe, rréino yvvgaguápe.”14 ¿Oimépa peikytĩse opaite aña katupyry ha ñuhã ñemosã, hetaite oĩva umi ojegueroviáva rehe ko’ã ñande árape? ¿Pemosarambisépa confusión oikóva hetaite información oiméva ko’ã árape rupi, ñañesentrave hag̃ua konveniokuéra rapére? Petanteamína Tupã ñe’ẽ rehegua mba’eporã.
Tapicha oñemoambueháicha ñe’ẽ pu’aka rupive, atestifika chejeheguiete ko mba’e añeteguáre, porãitépe ohekombo’evakue ñandéve ñande proféta jahayhuetéva presidente Russell M. Nelson: “Chéve g̃uarã, pu’aka oguerekóva Mormón Kuatiañe’ẽ ojekuaave ñemoambue oñandúvape umi omoñe’ẽva ‘peteĩ korasõ sincero ha jepotapy añeteguáre, jeroviáre Cristo rehe.’ Heta converso ohejarei heta mba’e ymave iñimportanteva’ekue chupekuéra g̃uarã, okumpli hag̃ua upe kuatiañe’ẽme ojehaíva. … Upéva ha’e instrumento iporãvéva ojegueru hag̃ua ánga Jesús, ha’éva Cristo-pe”15
Tenda ouhágui mba’eporã
Kóva ha ambue techapyrãme, ñande jahechakuaa Tupã ñe’ẽ rehegua mba’eporã Ita’yrakuéra rekovépe. Ikatu ñañeporandu: Mba’épa ha’e upe tenda pu’aka térã mba’eporã ouhágui?
Jajepy’aguapy jave upe ñeporandúre, iñimportánte jagueromandu’a pe frase “ñe’ẽ” ojeipuruháicha escritura-pe, he’iseha mokõi mba’e. Ramoiténte élder David A. Bednar ombo’e, “peteĩ Jesucristo réra ha’e, ‘pe Ñe’ẽ,’” ha “Salvador ohekombo’éva, ojehaihaichaite umi Santa Escritura-pe, ha’eha avei ‘pe ñe’ẽ.’”16
Profeta Nefi omoha’anga mba’épepa ijoja umi mokõi ñe’ẽ he’iséva, ohaívo: “Pehendu koʼã ñeʼẽ ha peguerovia Cristo-pe, ha ndapegueroviáramo koʼã ñeʼẽ peguerovia Cristo-pe. Ha pegueroviáramo Cristo-pe pegueroviáta koʼã ñeʼẽ, haʼégui Cristo ñeʼẽ, ha haʼe omeʼẽvaʼekue chéve.” 17 Upéicha ñaikũmby oĩha pu’aka profétas ymaguare ha ko’ag̃agua ñe’ẽnguérape añetehápe iñe’ẽnguéra ha’égui Ñandejára ñe’ẽ.18 Che angirũnguéra ahayhuetéva, ko mba’e añetegua ñemoneĩ, ha’e mba’e ñaikotevetẽva ñande supervivencia espiritual-rã ko’ã ára pahápe19 ára ojeprofetisáramo guaréicha, “oĩhápe ñembyahýi yvy ári, ha ndaha’éi mbujapégui, ni y’uhéi ýgui, ka katu Ñandejára ñe’ẽ ñehendúgui.”20
Ipahaitépe, Tupã ñe’ẽ rehegua mba’eporã ha’e Ñandejára Jesucristo.21 Ñaikũmby porãvévo kóva, ikatu ñambojoaju conexión tuichaitéva ha opavave’ỹva oĩva profeta rembiapo ha Redentor Ndivetére. Ñane mborayhu Hese, ñande jepotapy ñañembojasevévo Hese ha japytasévo Imborayhúpe,22 ñanembosako’íta ñatantea hag̃ua ñe’ẽ rehegua mba’eporã ñande rekovépe—mba’eporã oúva Chugui ñande Salvador ha Redentor personal-háicha 23 ha avei mba’e porã okorréva Chugui “Ñandejára váso jeiporavopyre ñe’ẽ rupive”. 24 Ñag̃uahẽta jesape’ápe jahechakuaávo, jepe iñimportanteite ambue ñe’ẽryru ñande estudio Salvador reheguáre, Iprofétakuéra ñe’ẽ araka’eve ndaikatumo’ái oñemoambue. Jay’uva’erã heta ha vokoiete,25 pe y rendaitégui.26
Amog̃uahẽ peẽme chemborayhu opavavetépe, che hermano ha hermana-kuéra. Upe mborayhúre, ajerure peẽme peñandumi hag̃ua Tupã ñe’ẽ rehegua mba’eporã, Mormón Kuatiañe’ẽ rupive, ára ha ára pende hekove aja. Pejapóvo upéicha, pehupytýta ko Presidente Russell M. Nelson promesa profética: “Apromete pestudiávo ñembo’e reheve Mormón Kuatiañe’ẽ ára ha ára pejapyhýta decisiõ porãve—opa ára. Apromete peñepy’amongetávo umi pestudiávare, oje’abritaha yvága ventanakuéra ha oñembohováita pene porandu ha oñembohapéta pende rekove. Apromete peẽme, peñapymirõ ára ha ára Mormón Kuatiañe’ẽme, ikatúta peñevakuna mba’e ñanágui ko’ã arapegua.”27
Atestifika Ñande ru yvagagua ome’ẽhague ñandéve iñe’ẽ ñanderayhúgui añetehápe ha oipota opavavete jahajey hógape jaikove hag̃ua hendive opaite árare. Atestifika pe “Ñe’ẽ … ojejapóvagui retére”,28 héẽ, Jesús upe Cristo, ha pu’aka oguerekóvare ñandesalva ha ñaneñyrõ hag̃ua. Aikuaa Imba’eporã ouha Iprofetakuéra ñe’ẽ rupive, ymavaguare ha ko’ag̃aguáre.
Ha’e ñembo’e che korasõmegua, jaguerekóvo arandu ha marangatu ñañakarama hatã hag̃ua29 Tupã ñe’ẽre, ha japytávo konveniokuéra rapépe ñande guerahátava exaltación ha vida eterna-pe.30 Py’ỹi tajahasa ñemoambue pokatúre, oiméva opavavépe g̃uarã ñande apytépe, Ñe’ẽ rehegua mba’eporã rupive.31 Jesucristo rérape, Amén.