Te Kantaninga iroun Kristo
Ti buokiia naake a namakina te maroa ke a namakinna ae aki bwaibwai iai. N na uringnga, riki, naake akea buia.
Tariu ao mwaneu, n tain te Itita aei ti kabanea ara iango iaon Mangautin ara Uea ao ara Tia Kamaiu, Iesu Kristo. Ti uringa Ana kakao n tangira “bane mai nako Iu, ngkami akana kam kua ao kam rawawata, ao N na motiki rawami.
“Amoa amou i aomi, ao reirei i Rou; ba I nimamanei ao i nanorinano: ao e na reke i roumi iai motikan rawaia tamneimi.
“Ba e aoraoi amou, ao e bebete uotau.”1
Ana kakao te Tia Kamaiu n nako Nakoina bon te kakao nakoira ni kabane n aki ti Nakoina ma n riki naba bwa kaain Ana Ekaretia naba.
N te kibu are imwain te kakao n tangira aei, e reirei Iesu bwa te kawai ni kakoroa nanon aei bon man ukoukorana n Iria. E katanoata, “Akea te mwaane [ke te aine] ae e ata te Nati, ma ti te Tama ae ataia, ao akea naba ae ata te Tama [ke te aine] te Tama, e kamaiua te Nati, ao teuanne [ke neienne] ao ane E kan kaotia te Nati nakoina.”2
Iesu e tangiria bwa ti na ataia bwa te Atua bon te Tama i Karawa ae tangira.
Atakina bwa ti tangiraki iroun Tamara are i Karawa e na buokiira n ataia bwa antai ngaira ao n ataia bwa kaain Ana utu ae akea tokina.
Te Mayo Clinic ie tibwa ataia “Ataakina ae ngaira ngaira naba kaaina e bon kakawaki. … E kaniia ni kabane mwakoron maiura ae e baireaki nakon kainakin te bwai teuana.” E karinaki n te ribooti aei, “Ti aki kona ni kaokoroa kakawakin namakinan kainnakina man marurungin rabwatara ao ara iango.”3—ao, n na karina, marurungira n tamnei.
N te tairiki imwain Karawawatakina i Ketetemwane ao matena iaon te kaibangaki, e kaitibo te Tia Kamaiu ma Ana reirei ibukin te Kabanea n Amwarake. E taku nakoia, “Ami bai i aon te aba te rawawata:: ma kam na kabebetei nanomi; I a tia ni kataea ana kai te aba.”4 Imwain bungin taai n te bong are imwiina, Iesu Kristo e a tia n rawawata ao e a tia ni “mate [iaon te kaibangaki] ibukin ara bure.”5
I aki ataia bwa e kanga aron aia namakin ni maroaia aine ao mwane aika a Iria i Ierutarem ngke e a bung taai ao a taonaki n te rotongitong ao te maaku.6
N aroia ana reirei Iesu aikai ae kaniia 2,000 te ririki n nako, a mwaiti mai ibuakomi aika a namakina naba te maroa man te tai teuana nakon teuana. I a tia n rinanon te maroa aei man te tai are e mate iai kain abau ae tangiraki, Barbara, uoua te ririki n nako. I ata nanon ae kona katobibiaki irouia kaain te utu, raoraom, ao irekerekem ma a teimatoa ni maroa—bukina bwa tangiran maiu akea ngkai.
Butanakon te aoraki ae te COVID-19 e a tia ni mwakena te kaokoroaki ao te maroa ibukiia aika mwaiti. Ma e ngae n anne, n aki tabe ma kangaanga aika ti kaitarai n te maiu aei, ti kona, n aron moaningabongin te Itita anne, n uti n te maiu ae boou iroun Kristo, ma ara konabwai aika boou ao koauaia aika boou ngkana ti rairaki nakon te Uea ibukin kainakin te kurubu.
I namakina marakiia naake akea aia namakin ae ngaia bon kaaina naba. Ngkai I matakuakin rongorongo ni kabutaa te aonaaba, I noriia aika mwaiti aika a rinanon te maroa aei. I taku bwa, ibukiia aika mwaiti, bukina bwa aki ataia ae a tangiraki iroun Tamara are i Karawa ao ti bane ni kaaina Ana utu ae akea tokina. Kakoauan ae e tangiriira te Atua ao ngaira bon Natina e kakukurei ao e bon koaua.
Bukina bwa ngaira bon natin te Atua n tamnei, ngaira ni kabane iai rikira, arora, ara konabwai mai iroun te Atua. Ngaira ni kabane bon “naati mwaane ma aine irouia ara karo ake i karawa.”7 Aio rikira! Aio raoi bon ngaira ni koaua!
Kinakira n tamnei e nakoraoi ngkana ti atai kinakira aika mwaiti n ae mamate, n raonaki ma rikira, kateira, ke rikiara.
Te namakin n tamnei ao ni katein kinakira, te tangira, ao kainakina e kona ni kaunga te kantaninga ao te tangira ibukin Iesu Kristo.
I taetae ma te kantaninga iroun Kristo ma tiaki raoi te koaua. E ngae n anne, I taetae iaon te kantaninga bwa te kantaninga ae na koro bukina. Te kantaninga anne e kakawaki bwa ti na tokanikai iaon te kakaitara, karikirakean te konabwai ao te korakora n tamnei, ao atakina ae ti tangiraki iroun Tamara are i Karawa ao ngaira bon Natina, ao kaain Ana utu.
Ngkana iai ara kantninga iroun Kristo, ti kona n ataa anne ngkana ti kainnanoia ao ni kawakin berita aika tabu, bwaai aika ti rangi n tangiri a na bane n reke Rinanona.
A tia kaain te Kooram n te Tengaun ma Uoman ni bane n reirei n tamnein te tataro ao ma te bubuti a na ataia bwa ti na kanga ni buokiia ake a namakina te maroa ke n namakinna ae tiaki ngaia kaaina. Ti buokiia naake a namakin n te kawai aei. N na uringnga, riki, naake akea buia.
Tariu ao mwaneu, e raka iaon iteraia ikawai aika kain te Ekaretia n te bong aei aika akea buia, a raure, ke a tuai mare. Tabeman a raraoma ibukin aia tai ao aia tabo n ana babaire te Atua inanon te Ekaretia. Ti riai n ataia bwa te maiu ae akea tokina tiaki ti te titiraki ibukin aron te mare ma ibukin te aro n riki bwa Ana reirei ao te riki n “ninikoria n ana koaua Iesu.”8 Te kantaninga irouia naake akea buia ti tebo ma membwa ni kabane n ana Ekaretia te Uea ae kaokaki—karekean ana akoi Kristo rinanon “te ongeaba nakon tuua ao otenanti n te Euangkerio.”9
I ataia bwa iai tabeua reirei aika kakawaki aika ti riai n atai.
Te moan, booki aika tabu ao burabeti ni boong aika kaitira a kamatoa bwa ni kabane ake a kakaonimaki ni kawakin ana berita te euangkerio aika tabu a na kona ni karietataaki.. Beretitenti Russell M. Nelson e reirei: “N oin ana kawai ao ana tai te Uea, akea te kakabwaia ae na tauaki mairouia Aika Itiaki aika kakaonimaki. Te Uea e na bairei ao e na kaniwangaia n tatabemaniia nako ni kaeineti ma nanoia ae korakora n raonaki ma aia mwakuri.”10
Te kauoua, te tai ni koaua ao arona are kakabwaia n te karietataaki ake anganaki a tuai ni kaotaki ni kabane, ma a bon kakoaua.11 Beretitenti Dallin H. Oaks e kabwarabwara bwa tabeua kangaanga “n te maiuu aei e na kaetaki n te Mireniam, are bon te tai ni kakoroan bukin bwaai ake a aki tia n te babaire ni kakukurei ibukiia natin Tamara aika kororaoi.”12
E aki nanonaki anne bwa kakabwaia ni kabane a bane n taonaki ni karokoa te Mereniam; tabeua a kaman tia n reke ao ake tabeua a na teimatoa ni karekeaki ni karokoa e wakinaki te Mereniam.13
Te Kateniua, tataninga ibukin kakabwaia ae e na anganiira te Uea e nanonaki bwa te ongotaeka ae teimatoa ao te kekeiaki n tamnei Nakoina.. Te tataninga iroun te Uea e aki nanonaki n ae te tataninga n akea te mwakuri ae karaoaki. Ko aki riai ni karekea te namakin ae ko tataninga n te ruu.
Tataningaan te Uea e kainanoaki iai te mwakuri. I a tia n reiakina inanon ririki bwa ara kantaninga iaon Kristo e rikirake ngkana ti beku ibukiia tabeman. Mwakuri n aron are e karaoia Iesu, ti karikirakea iai ara kantaninga i Rouna.
Te rikirake ae kona ni karekea temanna ngkai e tataningaa te Uea ao Ana berita aki rangi ni kakawakii, a tabu, mwakoron Ana babaire ibukira n tatabemaniira nako. Te anganano ae kona ni karaoia ngkai bon buokan katean te Ekaretia iaon te aba ao ni ikotiia Iteraera a rangi ni kainnanoaki. Arom ni mare akea rekerekena ma karaoana ma aron temanna ni beku. Te Uea e karineia naake a ibuobuoki ao n Tataningaia ma te taotaonaki n nano ao te omimaki.14
Te Kaua, e anga te Atua te maiu ae akea tokina nakoia Natina ni kabane.. Naake a kariaia ana bwaintituaraoi te Tia Kamaiu n te rairannano ao ni maiuakin Ana tua e na reke irouia te maiu are akea tokina, e ngae ngke aki karaoi kateina ni kabane ao nakoraoina n te maiu ae mamate. Naake a rairinanoia a na namakina tauraoin te Uea ni kabwarai buure n aron are E a tia n taekina: “Eng, ao N na kabwarai aia bure au botanaomata n aron katoa tain aia rairannano ibukin aia bure nakoiu.”20
Ngkana a bane n rinanoaki bwaai ni kabane, ana konabwai te aomata, nanona, ao ana tai ni mwakuri ao n rinerine, n raonaki ma aron tauia ibukin kakabwaia aika akea tokiia, ti akanne bwaai aika e kona te Uea ni bairei taekaia.
Te Kanimaua, ara onimaki ni bwaai ni kakoaua aikai are a toma nakon ara onimaki iroun Iesu Kristo bwa man ana akoi bwaai ni kabane aika kaineti ma te maiu ae mamate a bane ni kaetaki.16 Kakabwaia ni kabane ake a tia ni beritanaki a kona ni karaoaki Rinanona are, man Ana Mwakuri ni Kamaiu, “e rinanon ae korakora riki ni bwaai ni kabane”17 ao e a tia ni “kataea ana kai te aba.”18 E “a tia n tekateka i angatain te Atua, bwa e na anaa mai iroun te Tama te nanoanga are e riai n reke i rouna ibukiia natia aomata …; ngaia are e tei ibukin aia waaki natia aomata.”19 N tokina, “aomata aika itiaki a na kaonaki ni mimitongina, ao ni karekea aia bwaibwai”20 bwa “taan uaia n ababa ma Kristo.”21
Nanora bwa reirei aikai a na buokiia ni kabane ni karikirakea aia kantaninga iroun Kristo ao n namakina te bwainaki.
Tai mwaninga ae ngkoe bon natin te Atua, Tamara ae Akea Tokina, ngkai ao n aki toki. E tangiriko, ao te Ekaretia e tangiriko ao e kainnanoiko. Eng, ti kainnanoiko! Ti kainnanoi bwanamwi, ami tarena, ami konabwai, tamaroami, ao raoiroimi.
Inanon ririki aika mwaiti, ti a tia n tataekiniia “kairake ni ikawai aika tuai ni iein,” “ikawai aika a tuai ni iein,” ao “ikawai.” Taeka aikai a kona n ibuobuoki n taai aika mwaiti ma a kona ni bita ara taratara n tiaki ara kantaninga irouia tabeman.
Iai te kawai ae na totokoa te bwai ae ririki nakon te aomata are e kona ni kamaenakoira?
Beretitenti Nelson e tuatua bwa ti na ataira bwa ngaira bon kaain Ana Ekaretia Iesu Kristo ibukiia Aika Itiaki ni Boong aika Kaitira. E kaineti anne nakoira ni kabane, tiaki ngaia anne?
Iai mwakan ana euangkero Iesu Kristo ni katiteuanaira. N tokina ti na bane n taraa n titebo nakon ae ti na taraa ni kaokoro. Ngkai ngaira kaain ana utu te Atua, ni koauana ngaira bon taarira ao mwanera. E taekinna Bauro, “Ao te [Atua] E karaoia botanaomata ni kabaneia n te rara ae ti teuana, ba a na maeka i aonaba ni kabane.”22
Nakoimi beretitenti n titeiki, bitiobi, ao taan kairiiri ni kooram ao aine, I tuangkami bwa kam na iangoia membwa n ami titeiki n tatabemaniia nako, uoote, kooram, ke botaki bwa membwa aika kona n angabwai ao ni beku n nakoa ao n ibuobuoki ni kawai aika mwaiti.
Membwa ni kabane n ara kooram, bootaki, uoote, ao titeiki iai aia bwaintangira ae anganaki mairoun te Atua ao tarena aika a kona iai ni buoka katean Abanueana ngkai.
Ti na weteia ara membwa aika a tuai iein bwa a na beku, tabekia rake, ao n angareirei. Mwaninga taekan koaua ao iango ake rimoa are e a tia n tabetai ni karekei aia namakin ni maroa ao n ae tiaki ngaia kaaina ke n aki kona ni beku.
I kaota au koaua n te motirawa n te Itita aei iroun ara Tia Kamaiu, Iesu Kristo, ao te kantaninga ae akea tokina are E anganai ao ni kabane ake a onimakina Arana. Ao I a kaota te kakoaua aei n aran ae tabu Iesu Kristo, amen.