Unu den Cristu
Mi kompañeronan stimá den e obra di Señor, mi ta kere ku nos por hasi muchu mas mihó i mester hasi mihó den risibímentu di nos amigunan nobo den Iglesia.
Bon tardi, mi rumannan stimá. Manera nos ta bisa den mi nativo Brasileño Portugues, “Boa tarde!” Mi ta sinti mi bendishoná pa ta reuní huntu den e maravioso konferensia general di E Iglesia di JesuCristu di e Santunan di e Delaster Dianan bou di direkshon di nos profeta stimá, Presidente Russell M. Nelson. Mi ta maraviá pa e oportunidat ku kada un di nos tin pa por skucha e vòs di Señor pa medio di Su serbidor na mundu den e delaster dianan ku nos ta biba aden.
Mi pais natal Brasil ta hopi riku na rekursonan natural. Un di nan ta e famoso riu Amazona, un di e Riunan mas grandi i mas largu den mundu. E ta wòrdu forma pa dos diferente riu, Solimōes i Negro. Interesante, ta ku nan ta sigui banda di otro pa un kantidat di mia promé ku e awanan uni, debí ku e riunan tin un orígen diferente, velosidat, temperatura, i komposishonnan kímiko. Despues di un par di mia, e awanan finalmente ta meskla, i ta bira un riu diferente for di e partinan individual. Solamente despues ku e partinan meskla, e Riu Amazona ta bira asina poderoso ku ora e drenta den e oséano Atlántiko, e ta pusha e laman bek di manera ku e awa fresku por keda despues di hopi mianan den e oséano.
Den un manera similar ku e Riunan Solimōes i Negro ta flota huntu pa forma e mahestuoso riu Amazona, e yunan di Dios ta reuní huntu den e Iglesia restorá di Jesucristu di diferente orígen sosial, tradishon, i kultura, formando un magnífiko komunidat di Santunan den Christu. Finalmente, ora nos enkurashá, apoyá, i stima otro, nos ta kombiná un forsa poderoso di bondat den e mundu. Komo siguidónan di JesuCristu, flotando komo unu den e riu aki di bondat, nos ta kapas di proveé e “ awa fresku” di e evangelio pa un mundu ku set.
Señor a inspirá Su profetanan pa siña nos kon no por apoyá i stima otro, pa asina nos por uni den nos fe i propósito pa sigui JesuCristu. Pablo, Apòstel den Tèstamènt Nobo, a bisa ku esnan ku “ora boso a uni ku Christu pa medio di boutismo, boso a keda bistí ku Christu... : pasobra boso tur ta ún dor di boso union ku Christu Jesus.””1
Ora nos prometé den boutismo pa sigui e Salbador, nos ta testifiká dilanti e Tata ku nos ta dispuesto pa tuma riba nos e nòmber di Christu.2 A medida ku nos esforsá pa atkerí Su divino atributonan den nos bida, nos ta bira diferente di lokual nos tabata, a traves di e Ekspiashon di Christu e Señor, nos amor pa tur hende lo krese naturalmente.3 Nos ta sinti un preokupashon sinsero pa e bienestar di tur i nan felisidat. Nos lo mira otro komo hermano i hermana, manera yunan di Dios ku un orígen divino, atributonan, i potensial. Nos ta dispuesto pa kuida otro i hiba e karganan di otro.4
Esaki ta lokual Pablo, ta deskribí komo karidat.5 Mormon, un profeta di e Bùki di Mormon, ta deskribié komo “e amor puru di Christu,”6 ku ta mas sublime, noble, e forma mas fuerte di amor. Nos profeta aktual, Presidente Russell M. Nelson, resientemente a deskribí un manifestashon di e amor puru aki di Christu komo sirbishi, ku ta fokus mas i ta un aserkamentu mas sagrado pa ku amor i kuido pa otro individuo manera e Salbador a hasi.7
Laga nos konsiderá e prinsipio di amor i kuido aki, manera e Salbador a hasi, den e konteksto di enkurashá, yuda, i sostené e esnan ku ta resien kombertí i esnan ku a kuminsá mustra interes den atendé nos reunionnan di Iglesia.
Ora e amigunan nobo Sali for di e mundu i brasa e evangelio di JesuCristu, uni su mes den Su Iglesia, nan ta bira Su disípulonan, ku a nase di nobo pa medio di Dje.8 Nan a laga un mundu ku nan konosé bon i a skohe pa sigui JesuCristu, ku tur nan propósito di kurason, uniendo den un “riu” nobo manera e mahestuoso Riu Amazona—un riu ku ta un forsa balente di bondat i hustisia ku flota den direkshon di e presensia di Dios. E Apòstel Pedro a deskribié komo “un generashon eskohido, un saserdosio real, un nashon santu, un pueblo pekuliar.9 Ora e amigunan nobo aki meskla den e riu nobo i deskonosí aki, den prinsipio nan por sinti nan un tiki pèrdí. E amigu nobonan aki lo haña nan ta meskla den un riu ku un orígen úniko, temperatura, i komposishonnan kímiko---un riu ku su propio tradishon, kultura, i vokabulario. E bida nobo aki den Christu lo por parse aplastá pa nan. Pensa pa un ratu kon nan por sinti nan ora nan tende pa promé bia ekspreshonnan manera “FHE,” “BYC,” “boutismo pa morto,” “tripel kombinashon,” asina por sigui.
Ta masha fásil pa mira dikon nan por sinti ku nan no ta pertenesé. Den e situashon ei, nan por puntra nan mes, “Tin un lugá pa ami aki? Mi ta fit den E Iglesia di JesuCristu di e Santunan di e Delaster Dianan? E Iglesia tin mester di mi? Lo mi haña amigu nobo ku ta dispuesto pa yuda i sostené mi?”
biahe di disipulado mester ekstend’é nos man kaloroso di amistat pa ku nos amigunan nobo, akseptá nan kaminda na ta i yuda, stima, i inkluí nan den nos bida. Tur e amigunan nobo aki ta presioso yunan hòmber i muher di Dios.10 Nos no por permití di pèrdè ni unu di nan pasombra, meskos ku e Riu Amazona ku ta dependé di e fuentenan pa aliment’é, nos tin mester di nan meskos ku nan tin mester di nos, pa bira un forsa poderoso di bondat den e mundu.
Nos amigunan nobo ta trese talentonan duna—di Dios, emoshon, i bondat ku nan. Nan entusiasmo pa e evangelio por ta kontagioso, di manera ku ta yuda nos revalidá nos propio testimonio. Nan ta trese perspektiva fresku tambe pa nos entendimentu di bida i e evangelio.
Nos a wòrdu siña durante hopi tempu kon pa yuda nos amigunan nobo sintinan bonbiní i stimá den e Iglesia di JesuCristu. Nan tin mester di tres kos pa asina nan por sigui ta fuerte i fiel a lo largu di nan bida.
Promé, nan tin mester hermano i hermana den Iglesia ku tin interes sinseramente den nan, leal i berdadero amigunan ku nan por aserka konstantemente, ku lo kana huntu ku nan, i kende lo kontesta nan pregunta nan. Komo miembro, nos mester ta semper atento i buska karanan nobo ora ta atendé aktividatnan den Iglesia i reunionnan, respektivo di responsabilidatnan, yamamentu nan, o preokupashonnan ku nos por tin. Nos por hasi kosnan simpel pa yuda e amigu nobo nan aki sinti nan embarasá i bon bini den Iglesia, manera duna nan un saludo kaluroso, hari sinseramente ku nan, sinta huntu pa kanta i adorá, introdusí nan na otro miembronan, i kosnan asina. Si nos habri nos kurason pa nos amigunan nobo den un di e maneranan aki, nos ta aktua den e spiritu di sirbishi. Ora nos sirbi nan manera e Salbador a hasi, nan lo no sinti nan manera “strañero den nos portanan.” E ora ei nan lo sinti ku nan fit aden i ta krea amistat, i mas importante, nan lo sinti e amor di e Salbador dor di nos kuido genial.
Dos, amigunan nobo tin mester di un yamamentu—i un oportunidat di sirbi otro. Sirbi ta un di e genio nan mas grandi di E Iglesia di Jesucristu di e Santunan di e Delaster Dianan. E ta e proseso ku ta laga nos fe krese i wòrdu fortalesa. Kada un di e amigunan nobo meresé e oportunidat ei. Mientra ku e obispu i e konseheronan di bario tin e responsabilidat direkto pa ekstende asignashonnan serka despues di nan boutismo, no tin nada ku ta prevení nos, komo miembro, di invitá nos amigunan nobo pa yuda nos sirbi otro informalmete òf dor di proyektonan di servisio.
Tres, amigunan nobo mester wòrdu “nutrí ku e bon palabra di Dios.”11 Nos por yuda nan stima i bira familiar ku e skrituranan ora nos ta lesá i deliberá e enseñansa nan huntu ku nan, proporshoná konteksto na e historianan i splika e palabranan difísil. Nos por siña nan kon pa haña guìa personal pa medio di skudriñá eskritura. Ademas, nos por alkansá nos amigunan nobo den nan kasnan i invitá nan na esun di nos ora nos ta pafó di nos reunionnan regular di Iglesia i aktividatnan, yudando nan uni den e riu mahestuoso di e komunidat di santunan.
Rekonosiendo e adaptashon i desafìonan ku nos amigunan nobo ta hasi pa bira miembro di famía Dios, manera nos hermanonan i hermananan, nos por kompartí kon nos a vensé e opstákulonan ei den nos bida. Esaki lo yuda nan komprondé ku nan no ta nan so i ku Dios ta bendishonnan ora nan ehersé fe den Su promesanan.12
Ora e Riunan Solimōes i Negro meskla ku otro, e Riu Amazona ta bira mahestuoso i fuerte. Den forma similar, ora nos ku nos amigunan nobo uni berdaderamente, e Iglesia restorá di JesuCristu lo bira mas fuerte i mas stabil. Mi kerida, i ami ta masha agradesido na tur esnan ku a yuda nos meskla den e riu nobo hopi aña pasá, ora nos a brasa e evangelio di JesuCristu den orígen di nos pais Brasil. A traves di añanan, e hendenan maravioso aki a sirbi nos berdaderamente i yuda nos pa flota kontinuo den hustisia. Nos ta asina gradesí na nan.
E profetanan di e parti Oeste di mundu sa bon kon ta mantené amigunan nobo flotando huntu fielmente den e riu nobo aki di bondat pa ku bida eterno. Por ehèmpel, mirando nos dianan i sabiendo ku nos lo enfrentá desafíonan similar,13 Moroni a inkluí un par di e stapnan importante den su eskritonan den e Bùki di Mormon:
“I despues ku nan a wòrdu risibí dor di boutismo, i e poder di Spiritu Santu a obra riba nan i purifiká nan, nan tabata kontá entre e pueblo di e iglesia di Christu; i nan nòmbernan a wòrdu registrá, pa nan wòrdu kòrdá i nutri pa e bon palabra di Dios, pa mantenenan den e kaminda korekto, pa mantenenan kontinuamente vigilante pa nan no neglishá nan orashonnan, dependiendo únikamente riba e méritonan di Christo, kende tabata e outor i esun ku ta kompletá nan fe.
“I e iglesia tabata reuní huntu frekuentemente pa yuna i hasi orashon, i papia un ku otro tokante e bienestar di nan alma.”14
Mi kompañeronan stimá den e obra di Señor, mi ta kere ku nos por hasi mehor i lo hasi mihó den risibí nos amigunan nobo den Iglesia. Mi ta invitá bo pa konsiderá kiko nos por hasi pa brasanan, aseptá, i yuda nan, kuminsando Djadumingu awor. Tene kuidou pa no laga bo asignashon nan den Iglesia stroba bo pa invitá amigunan nobo den reunionnan i aktividatnan di Iglesia. Sinembargo, e almanan aki ta mas presioso den bista di Dios i ta mas importante ku programanan i aktividatnan. Si nos sirbi nos amigunan nobo ku nos kurason yen di amor puru manera e Salbador a hasi, mi ta primintí boso, den su nòmber, ku E lo asistí nos den nos esfuersonan. Ora nos aktua fielmente den sirbishi, manera e Salbador a hasi, nos amigunan nobo lo haña e ayudo ku nan tin mester pa keda fuerte, dediká, i fiel te na final. Nan lo uni ku nos birando un pueblo mahestuoso di Dios i ta yuda nos trese awa dushi den mundu desesperá pa ku e bendishonnan di e evangelio di JesuCristu. E yunan aki di Dios lo sinti nan “no komo strañero òf bishitante, sino konsiudadano di e pueblo santunan,15 Mi ta prometé boso ku nan lo rekonosé e presensia di e Salbador, JesuCristu den Su propio Iglesia. Nan lo kontinuá di flota ku nos manera un riu den un fòntein di tur bondat te ora nan wòrdu risibí den e brasanan habri di nos Señor JesuCristu; i nan tende e Tata bisa, “Bosolo tin bida eterno.”16
Mi ta invitá bo pa buska ayudo di Señor pa stima otro meskos ku E a stima nos. Laga nos tur sigui e konseho duná dor di Mormon: “ P’esei, mi rumannan stimá, pidi e Tata ku henter energia di kurashon, pa boso por ta yen di e amor aki, ku e ta duna tur esnan ku ta seguidornan berdadero di su Yu, JesuCristu.”17 Di e bèrdatnan aki mi ta tèstifiká i ta hasi esaki den e nòmber di JesuCristu, amèn.