Direkta sa Punto

Unsa ang eksakto natong gisaad sa dihang kita gibunyagan?

Bunyag, ni Annie Henrie Nader

Ang mga kasulatan nagtudlo kanato nga kon kita bunyagan, kita nagpakigsaad (o nagsaad) nga andam nga modala diha kanato sa ngalan ni Jesukristo, moalagad sa Dios, ug mosunod sa Iyang mga sugo (tan-awa sa Mosiah 18:10; Doktrina ug mga Pakigsaad 20:37, 77).

Ato usab nga nakat-onan diha sa mga kasulatan nga ang bunyag nagtabang kanato sa pagtuman sa atong tinguha “sa pag-ipon ngadto sa panon sa Dios, ug pagatawgon nga iyang mga katawhan”.(Mosiah 18:8). Sa laing pagkasulti, usa ka rason nga kita bunyagan mao nga kita gusto nga mopasakop sa Simbahan ni Jesukristo ug motagamtam sa gugma ug pagkanasakop nga moabot gikan sa pagkahiusa ni Kristo.

Ang pasalig nga moalagad sa Ginoo ug mosunod sa Iyang mga sugo makalakip og daghang mga butang sa tibuok natong mga kinabuhi. Sama pananglitan, kini naglakip sa pagkahimong “andam sa pagtambayayong sa usag usa nga mga alantuson, … sa pagbangutan uban niadto nga nagbangutan; oo, ug sa paghupay niadto nga nagkinahanglan sa kahupayan, ug mobarug ingon nga mga saksi sa Dios sa tanan nga mga panahon ug diha sa tanan nga mga butang, ug diha sa tanan nga mga dapit” (Mosiah 18:8–10).