Mga Pangutana ug Mga Tubag

“Ang akong papa namatay dili pa lamang dugay. Unsaon nako nga mobati og kalipay pag-usab? Siya ang akong labing suod nga higala.”

“Salamat sa Pag-ula sa Ginoo, ang mahinabo nga pagkabanhaw matuod ug ang kinabuhing dayon usa ka posibilidad alang sa tanang katawhan. … Alang sa nagsubo nga mga minahal nga nahabilin … ang kahapdos sa kamatayon gihupay sa usa ka makanunayon nga hugot nga pagtuo kang Kristo, usa ka hingpit nga kahayag sa paglaom, usa ka gugma sa Dios ug sa tanang mga tawo, ug usa ka kinasingkasing nga tinguha sa pagserbisyo kanila.”

Presidente Russell M. Nelson, “Karon ang Panahon sa Pagpangandam,” Abr. 2005 nga kinatibuk-ang komperensiya (Liahona, Mayo 2005, 18).

“Tanan kita mabanhaw, lakip sa imong amahan. Kana nga adlaw kahibulongan. Ang pag-ampo ngadto sa Ginoo alang sa panabang nagtabang usab niini nga kalisod.”

Laura L., 11, Rio Grande do Sul, Brazil

“Namatay ang akong papa sa dihang ako mas bata pa. Mabati ang kalipay nga hingpit ka imposible. Hinoon, ako makapamatuod nga kini makab-ot. Nahibalo niana, pinaagi sa plano sa Langitnong Amahan, nga ang kamatayon dili ang kataposan nakahatag kanako og mas daghan pang kalipay kay sa makaplagan bisan asa pa. Kahupay diha sa kahibalo nga ikaw makauban sa imong papa pag-usab.”

Christina V., 18, Texas, USA

“Akong nahibaloan nga ako makapabilin nga malipayon pinaagi sa pagpangita og mga milagro. Hinumdomi ug hunahunaa ang mahitungod sa mga paagi nga ang Ginoo miandam kaninyo alang sa inyong pagsulay. Akong nahibaloan nga kon ako moadto sa templo, mas kusog nakong mabati ang akong papa didto. Pag-ampo nga mobati sa imong amahan nga uban kanimo ug batia ang paghupay sa Ginoo.”

Madison R., 13, Utah, USA

“Tungod kay si Jesukristo namatay alang kanato, kita adunay kahigayonan nga mabuhi pag-usab. Tan-awa kadtong inyong gihigugma nga naglibot kaninyo, ug ang Espiritu mohupay kaninyo pinaagi sa inyong mga pagsulay. Hinumdomi nga si Jesus mibati ug nahibalo kon unsay inyong giagian karon, ug kamo wala gayod mag-inusara.”

Brinlee F., 13, Texas, USA

“Sukad namatay ang akong papa, akong nahibaloan nga ang paghimo og puli [proxy] nga mga bunyag diha sa templo nagtabang kanako nga magmalipayon. Kini dili kanunay sayon ang paghinumdom sa nindot nga mga handumanan kon kamo naguol. Hinoon, kamo makahimo nga mas malipay og gamay sa matag adlaw pinaagi sa pagbuhat og serbisyo alang sa uban sama sa templo ug family history work.”

Ivory M., 13, Iowa, USA

Ang mga tubag gituyo alang sa pagtabang ug sa panglantaw, dili isip opisyal nga mga pamahayag sa doktrina sa Simbahan.

Unsay Inyong Hunahuna?

“Ako dili kaayo sigurado mahitungod sa pipila ka mga panghitabo gikan sa Kasaysayan sa Simbahan. Unsay akong buhaton sa akong mga pangutana?”

Ipadala ang inyong tubag ug litrato sa dili pa ang Hulyo 15, 2024.

Pag-email kanamo sa [e-mail]. O adto sa ftsoy.ChurchofJesusChrist.org ug iklik ang “Isumiter ang Inyong Gibuhat [Submit Your Work].” Mo-sign in gamit ang inyong Account sa Simbahan ug dayon pilia ang “Alang sa Kalig-on sa mga Kabatan-onan” ubos sa “Pagpili og Magasin.” I-klik ang “Magdugang og File [Add File]” aron sa pagpili sa inyong file ug mga litrato, ug dayon i-klik ang “Isumiter [Submit]” sa pag-upload ug sa pagpadala ngari kanamo sa inyong file.

Ang mga tubag mahimong i-edit alang sa gitas-on o sa ka klaro.