“Usa ka Pundasyon sa Pagpamatuod,” Alang sa Kalig-on sa mga Kabatan-onan, Hunyo 2024.
Mga Sukaranan sa Ebanghelyo
Usa ka Pundasyon sa Pagpamatuod
Mga paghulagway ni Adam Howling
Ang pagpamatuod usa ka espirituwal nga pagsaksi gikan sa Espiritu Santo. Ang paghatag sa imong pagpamatuod nagpasabot lamang og pagpakigbahin sa unsay imong gituohan nga tinuod ngadto sa uban. Adunay daghang paagi sa pagbuhat niini. Ang usa ka paagi mahimong ang pagpakigbahin sa unsay imong gituohan sa simbahan atol sa miting sa pagpamatuod. Kon ikaw motubag sa mga pangutana sa usa ka higala mahitungod sa unsay imong gituohan o nganong ikaw naghimo og piho nga mga pagpili, ikaw nagpakigbahin usab sa imong pagpamatuod.
Kini OK kon ikaw walay pagpamatuod sa kinatibuk-an sa ebanghelyo sa pagkakaron gyod. Pagsugod sa unsay imong gituohan gayod! Ikaw makatukod sa imong pagpamatuod sa hinay-hinay samtang ikaw nagkat-on, nag-ila sa espirituwal nga mga kasinatian sa imong kinabuhi, ug mohangyo sa Dios sa pagtabang kanimo nga mahibalo kon unsa ang tinuod pinaagi sa Espiritu Santo (tan-awa sa Moroni 10:3–5).
Ingon nga si Elder Gary E. Stevenson sa Korum sa Napulog Duha ka Apostoles nakatudlo, kini ang lima ka kamatuoran ikaw makatukod sa imong pagpamatuod:
-
Ang Dios mao ang imong Langitnong Amahan; ikaw Iyang anak. Siya nahigugma kanimo.
-
Si Jesukristo buhi. Siya mao ang Anak sa buhi nga Dios ug ang imong Manluluwas ug Manunubos.
-
Si Joseph Smith usa ka propeta sa Dios nga gitawag sa pagpahiuli sa Simbahan ni Jesukristo.
-
Ang Simbahan ni Jesukristo sa mga Santos sa Ulahing mga Adlaw mao ang gipahiuli nga Simbahan sa Dios dinhi sa yuta.
-
Ang gipahiuli nga Simbahan ni Jesukristo gipangulohan sa usa ka buhi nga propeta karon.
(Okt. 2022 nga kinatibuk-ang komperensiya [Liahona, Nob. 2022, 112]).