Mga Tingog sa Kabatan-onan

Igo alang Kanako

Sa dihang mibalhin ako sa Ireland, ang akong mga tinuohan mihimo kanako sa pagbati nga lahi gikan sa tanan. Akong naamgohan nga nagkinahanglan ako nga maghunahuna nganong ako nagbuhat sa unsay akong gibuhat. Human sa pipila ka mga pagtuon, mihukom ako nga ako malipayon sa pagpuyo sa mga sugo.

Apan sa milabay nga tuig, giagian ko na usab ang samang hitabo. Misugod ako sa paghunahuna mahitungod sa unsay akong buhaton kon mahuman ko sa pag-eskwela, sama kon magmisyon ba. Nahibalo ako nga kon ako magserbisyo og misyon, nagkinahanglan ako nga motuo sa mga butang nga akong itudlo sa mga tawo.

Misugod ako sa pagseryoso sa akong pagtuon sa relihiyon. Labaw ka importante, misugod ako og seryoso nga pagtuon sa Basahon ni Mormon. Kini mao ang unang higayon ako nakabasa sa Basahon ni Mormon sa hinay ug sa mainampoong paagi. Ako nagpaabot nga dihadiha dayon mahibaloan nga ang basahon tinuod, sama sa nahitabo sa akong amahan kaniadto sa dihang siya mipasakop sa Simbahan. Ako nahibalo sa dihang ako mibasa niini, gibati ko ang kalipay ug mas duol sa Dios. Apan wala ako nianang sama og init nga pagbati.

Akong gigahin ang kataposang kapitulo nga basahon uban sa mga misyonaryo sa among area. Wala mahibalo kon unsay akong gibati, usa kanila misugod sa pagsulti mahitungod kon sa unsa nga paagi siya dihay sama nga kasinatian. Siya miingon nga alang sa pipila ka mga tawo, ang pag-angkon og usa ka pagpamatuod sama sa pag-on sa usa ka switch sa suga. Apan alang sa uban kini sama sa adlaw nga nagsaka. “Ug kana igo na alang kanako,” miingon siya.

Dili ako hingpit. Dili usahay ako makabasa og pipila ka adlaw, tungod lamang kay ako nakalimot, o usahay tungod kay ako naghimo og mga pasangil nga dili mobasa. Ang akong pagpamatuod sa Basahon ni Mormon nagtubo pa gihapon. Apan ako nagtuo nga kini tinuod. Aduna akoy lig-on nga paghigugma alang sa Basahon ni Mormon. Mas magsige ako og basa niini, mas kana nga gugma magtubo, ug ang akong mga pangutana natubag.

Ug sa pagkakaron kana igo na alang kanako.

Meka S., edad 17, Dublin, Ireland

Malingaw sa art, paggansilyo, ug sa paggitara.