Kyerɛwsɛm
Moses 7


Tsir 7

(Mumu 1830)

Enoch kyerɛkyerɛ, odzi nkorɔfo no hɔn kan, na otutu mbepɔw—Ɔkyekyer Zion kuropɔn no—Enoch dzi kan hu Nyimpa Ba no Ne mbae, No werdambɔ afɔrbɔ, nye Ahotseweefo hɔn wusoɛr—Odzi kan hu Nsanananmu Ber no, Mboaboano no, Mbae a Otsĩa Ebien no, nye Zion a ɔbɛsan aba no.

1 Na ɔbaa dɛ Enoch sɔɔw ne kasaa no do, see dɛ: Hwɛ, hɛn egya Adam kyerɛkyerɛɛ ndzɛmba yinom, na dodowara agye edzi na wɔabɛyɛ Nyankopɔn ne amba, na dodowara anngye enndzi, na wɔahera wɔ hɔn bɔn mu, na wɔdze bsuro, rohwɛ kwan, wɔ ahohyehye mu, osian Nyankopɔn n’ebufuhyew a obohue egu hɔn do no ntsi.

2 Na ofi dɛm mber no dze kɔ no Enoch hyɛɛ ase dɛ ɔrehyɛ nkɔm, se nkorɔfo no, dɛ: Ber a murutu kwan no, na migyinaa Mahujah bea do no, na musui frɛɛ Ewuradze no, ndze fi sor bae, see dɛ—Dan woho, na kɔ bepɔw Simeon do.

3 Na ɔbaa dɛ medaan moho na mokɔr bepɔw no do; na ber a migyinaa bepɔw no do no, muhun dɛ sor ebue, na wɔdze aenyimnyam efura me;

4 Na muhun Ewuradze; na ogyinaa m’enyim, na ɔkasae kyerɛɛ me, mpo tsedɛ nyimpa rekasa kyerɛ obi, aenyim na enyim; na ɔsee me dɛ: bHwɛ, na medze wiadze bɛkyerɛ wo wɔ mber a ɔyɛ ebusuasantsen pii.

5 Na ɔbaa dɛ muhun wɔ Shum ne bɔnsa mu, na hwɛ, nyimpa dɔmtutuw a wɔtsetse asese mu, a wɔyɛ nkorɔfo a wɔwɔ Shum.

6 Na bio Ewuradze see me dɛ: Hwɛ; na mohwɛe dze kɔr etsifi afamu, na muhun nkorɔfo a wɔwɔ Canaan, a wɔtsetse asese mu.

7 Na Ewuradze see me dɛ: Hyɛ nkɔm; na mehyɛɛ nkɔm, see dɛ: Hwɛ nkorɔfo a wɔwɔ Canaan, a wɔdɔɔ sõ, wɔbɔkɔ nye nkorɔfo a wɔwɔ Shum akɔkõ, na woekuku hɔn na wɔasɛɛ hɔn korakora; na nkorɔfo a wɔwɔ Canaan bɛkyekyɛ hɔn mu wɔ asaase no do, na asaase no bɛyɛ kɛsɛɛ na hwee rimmfir do, na nyimpa biara nnkɛtsena hɔ gyedɛ nkorɔfo a wɔwɔ Canaan;

8 Na hwɛ, Ewuradze dze ndom a ɔyɛ ɔhyew kɛse bɛkã asaase no, na no do bɛyɛ kɛsɛɛ dze ekesi afebɔɔ; na anwoma tuntum bɛkataa Canaanmba do, na wobuu hɔn enyimtsia wɔ nyimpa nyina mu.

9 Na ɔbaa dɛ Ewuradze see me dɛ: Hwɛ; na mohwɛe, na muhun Sharon asaase, nye Enoch asaase, na Omner asaase, nye Heni asaase, nye Shem asaase, nye Haner asaase, nye Hanannihah asaase, nye nyimpa nyinara a wɔtsetse do;

10 Na Ewuradze see me dɛ: Kɔ dɛm nkorɔfo yi hɔ, na se hɔn dɛ—Hom annu homho, amma maammfa ndom ammbɔdom hɔn, ma woennwuwu.

11 Na ɔmaa me mbrasɛm dɛ ɔsɛ dɛ amunnuma wɔ Egya no, na Ɔba no dzin mu, nyia badom na nokwar ahyɛ no mã no, nye cSunsum Krɔnkrɔn no, nyia ɔgye dase wɔ Egya no nye Ɔba no hɔnho no.

12 Na ɔbaa dɛ Enoch kɔr do dɛ ɔrefrɛ nkorɔfo no nyinara, gyedɛ nkorɔfo a wɔwɔ Canaan no nko, dɛ wonnu hɔnho;

13 Na dɛm ntsi Enoch ne agyedzi bɛyɛɛ kɛsenara ma odzii Nyankopɔn no nkorɔfo no hɔn enyim, na hɔn atamfo no baa dɛ wɔnye hɔn robɔkõ; na ɔkãa Ewuradze n’asɛm, na asaase wosowee, na bmbepɔw tutui, dɛ ma ɔhyɛɛ no mpo; na cesutsen no mu nsu danee fii hɔn kwan do; na wɔtsee nwendadze hɔn su fi sar no do; na aman nyinara suroo kɛsenara, dtum kɛse wɔ Enoch n’asɛm no mu, tum kɛse wɔ kasa a Nyankopɔn dze maa no no mu.

14 Po no bun ase so asaase fii bae, Nyankopɔn no nkorɔfo no hɔn atamfo suroo kɛsenara, ntsi woguanee kegyinaa ekyirekyir na wɔkɔr asaase no a ofii po no bun ase bae no do.

15 Na aahoɔdzenfo a wɔwɔ asaase no do, so, kegyinaa ekyirekyir, na nkorɔfo nyinara a wɔkõe tsiaa Nyankopɔn no, ndom baa hɔn do;

16 Ofi dɛm aber no dze kɔ no akõkoekõ na bɔgyakã baa hɔn mu; mbom Ewuradze bae na ɔnye no nkorɔfo bɛtsenae, na wɔtsenaa ase wɔ tseneneeyɛ mu.

17 Ewuradze noho asuro baa aman nyinara do, Ewuradze n’enyimnyam yɛɛ kɛse wɔ no nkorɔfo do. Na Ewuradze bhyiraa asaase no, na wohyiraa hɔn wɔ mbepɔw no do, nye mbea a ɔkrɔn no do, na wɔyɛɛ prɔmprɔm.

18 Na Ewuradze frɛɛ no nkorɔfo aZion, osiandɛ wonyaa akoma bkor na adwen kor, na wɔtsenaa ase wɔ tseneneeyɛ mu; na ohianyi biara nnyi hɔn mu.

19 Na Enoch sɔɔw ne nsɛmpakã no do wɔ tseneneeyɛ mu dze kyerɛɛ Nyame no nkorɔfo no. Na ɔbaa dɛ ne nda mu no, ɔkyekyeer kuropɔn na wɔfrɛɛ no Krɔnkrɔnyɛ Kuropɔn, Zion mpo.

20 Na ɔbaa dɛ Enoch nye Ewuradze kasae; na ɔsee Ewuradze dɛ: Ampaara dɛ aZion bɛtsena hɔ dwodwoodwo afebɔɔ. Mbom Ewuradze see Enoch dɛ: Zion na mehyira, na mbom nkorɔfo a wɔaka no medze ndom akã hɔn.

21 Na ɔbaa dɛ Ewuradze maa Enoch hun dɔm nyinara a wɔtsetse asaase no do no; na ɔhwɛe; na hwɛ, Zion, dɛm aber no mu ara na awɔfaa no kɔr sor. Na Ewuradze see Enoch dɛ: Hwɛ bea a metse afebɔɔ.

22 Na Enoch so hwɛɛ nkorɔfo a wɔaka a wɔyɛ Adam ne mbabanyin no; na wɔyɛ Adam n’asefo nyinara a wɔafora gyedɛ Cain n’asefo nko, osiandɛ Cain n’asefo no abir, na woennya kwan wɔ hɔn mu.

23 Na ɔno ekyir wɔfaa Zion kɔr asor, Enoch bhwɛe, na hwɛ, caman nyinara a wɔwɔ asaase no do wɔ n’enyim;

24 Na ebusuasantsen kodu ebusuasantsen do bae; nna Enoch wɔ sor na awɔamaa no do, mpo wɔ Egya no, na Nyimpa Ba no bo mu; na hwɛ, Satan no tum akata asaase nyinara enyi.

25 Na ohun abɔfo a worisian fi sor; na ɔtsee ndze kɛse bi dɛ ɔrekã dɛ: Hom ndue, hom ndue hom a hom tsetse asaase no do.

26 Na ohun Satan; na ankɔnsɔnkɔnsɔn kɛse bi wɔ ne nsamu, na ɔdze bsum kataa asaase nyinara enyi; na ɔhwɛɛ sor na ɔserewee, na cn’abɔfoe dzii dɛw.

27 Na Enoch hun aabɔfo a worisian fi sor, a wɔregye Egya na Ɔba no hɔnho bdase; na Sunsum Krɔnkrɔn no tɔɔ dodowara do, na sor tum no maa hɔn do kɔr Zion.

28 Na ɔbaa dɛ ɔsor Nyankopɔn no hwɛɛ nkorɔfo no a wɔaka no, na osui; na Enoch gyee ho dase see dɛ: Ɔyɛ dɛn ntsi na ɔsor su, na okyi nyinsuwa dɛ nsu rotɔ gu mbepɔw do yi?

29 Na Enoch see Ewuradze dɛ: Ɔyɛ dɛn ntsi na itum asu, ber a eyɛ krɔnkrɔn, na ifi mbersantsen kesi mbersantsen?

30 Ana obotum aba dɛ nyimpa botum akan asaase do huntuma, nyew, ansaase ɔpepe ɔpepe tse dɛ iyi, onnkotum ayɛ bwɔabɔdze no dodow ahyɛse; na wo ntwamutam da ho tserɛw; na eso ewɔ hɔ, na wo bo mu wɔ hɔ; na idzi pɛrpɛr so; ɔwo eyɛ mbɔbɔrhufo na eyɛ ɔyamuyiefo afebɔɔ;

31 Na ɔwo afa Zion ato w’ankasa wo bo mu, efi w’abɔdze nyinara mu, ofi mbersantsen kesi mbersantsen; na ɔnnyɛ hwee mbom aasomdwee, bpɛrpɛrdzi, na cnokwardzi nye w’ahengua tsebea; na ehumbɔbɔr bedzi w’enyim na ɔnnkɔbɔ adze; ɔyɛ dɛn na itum su?

32 Ewuradze see Enoch dɛ: Hwɛ w’enuanom yinom; wɔyɛ mankasa me ansaano edwindze, na medze hɔn bnyimdzee maa hɔn, wɔ da a mobɔɔ hɔn no no mu; na Eden Ture no mu, na medze nyimpa ne c maa no;

33 Na w’enuanom no mase hɔn, na mama hɔn mbrasɛm so, dɛ awɔndodɔ hɔnho nkorkor, na dɛ wɔnyɛ setsie mma emi, hɔn Egya; mbom hwɛ, wonnyi dɔ, na wokyir hɔnankasa hɔn bɔgyaa;

34 Na m’ebufuw ne agya adzɛw tsia hɔn; na m’ebufuhyew mu na mebɛma bnsuyirii aba hɔn do, osiandɛ m’ebufuhyew adzɛw wɔ hɔn do.

35 Hwɛ, meyɛ Nyankopɔn; aKrɔnkrɔn Nyimpa nye me dzin; Ɔpamfo Nyimpa nye me dzin; na Onnyi Ewiei na Onnyiewiei so nye me bdzin.

36 Dɛm ntsi, mobotum atsen me nsa mu ma asõ abɔdze nyinara a mayɛ do; na am’enyiwa botum ehwira hɔn mu so, na me nsaano edwindze nyina mu no, bemumuyɛdze kɛse a ɔtse dɛm nnsii da tse dɛ dza ɔwɔ w’enuanom mu yi.

37 Mbom hwɛ, hɔn bɔn bogu hɔn egyanom etsifi; Satan bɛyɛ hɔn egya, na awerɛhow bɛyɛ hɔn kyɛfa; na ɔsor bosu egu hɔn do, me nsaano edwindze nyinara mpo; dɛm ntsi ana onnyi dɛ ɔsor sũ, ber a ohu dɛ woyinom bohu amandze?

38 Mbom hwɛ woyinom a w’enyiwa hu hɔn yi bɛhera wɔ nsuyirii mu; na hwɛ, mobɔtow hɔn mu; mesiesie aefiadze ama hɔn.

39 Na anyia masan mu eyi no no atotɔ aserɛ wɔ m’enyim. Dɛm ntsi, obohu amandze dze ama hɔn bɔn; susuampaara dɛ wobonu hɔnho wɔ dɛm da no a nyia bMasan Mu Eyi no no bɛsan aba me nkyɛn, nye dɛm da no a wɔbɔkɔ cahohyehye mu no;

40 Dɛm ntsi, osian iyi ntsi na ɔsor bosu, nyew, nye me nsaano edwindze nyinara.

41 Na ɔbaa dɛ Ewuradze kasaa kyerɛɛ Enoch, na ɔkãa ndzeyɛe nyinara a adasamba reyɛ no; dɛm ntsi Enoch nyim, na ɔhwɛɛ hɔn emumuyɛdze, nye hɔn awerɛhow, na osui na ɔtseen n’abasa mu, na an’akoma yeyeree yɛɛ tɛtɛɛtɛr tse dɛ mbersantsen; na n’abadaa nunuu no; na mbersantsen nyina wosowee.

42 Na Enoch hun aNoah so, nye bn’ebusua; dɛ Noah ne mbabanyin nyinara hɔn asefo benya honam mu nkwagye.

43 Dɛm ntsi Enoch hun dɛ Noah apam ansu-hɛn; na dɛ Ewuradze n’enyi agye ho, na ɔdze nankasa ne nsa esuo mu; na mbom emumuyɛfo no a wɔaka no nsuyirii bae bɛmeen hɔn.

44 Na ber a Enoch hun iyi, odzii awerɛhow kɛse, na osui wɔ n’enuanom no ntsi, na ɔsee ɔsor dɛ: aMeremma kwan mma biribiara nnkyekye mo werɛ; mbom Ewuradze see Enoch dɛ: Ma w’akoma do, na dzi dɛw; na hwɛ.

45 Na ɔbaa dɛ Enoch hwɛe; na ofi Noah do no, ohun asaase do ebusua ebusua nyinara; na osui frɛɛ Ewuradze, see dɛ: Ebɛn da na Ewuradze bɛba? Dabɛn na wɔbɛkã Ɔtseneneenyi no no bɔgyaa egu, ama hɔn a wosu nyinara enya aahosan na woenya onnyiewiei nkwa?

46 Na Ewuradze see dɛ: Ɔbɛyɛ amber nkyekyɛmu ntamu, wɔ emumuyɛdze nye werdzi nda no mu.

47 Na hwɛ, Enoch hun da no a Nyimpa Ba no reba no, wɔ honam mu mpo; na ne kra enyi gyee, see dɛ: Wɔama Ɔtseneneenyi no do, na woekum aEguamba no fi wiadze ne fapem, na ɔnam gyedzi do mehyɛ Egya no no bo mu, na hwɛ, bZion nye me wɔ hɔ.

48 Na ɔbaa dɛ Enoch hwɛɛ aasaase tɔw no nyina do; na ɔtsee ndze bi fi n’ayamudze mu rese dɛ: Mundue, mundue, adasa hɔn nã, miridzi yaw, mahaw, osian me mba hɔn emumuyɛdze ntsi. Dabɛn na bmebɛgye m’ahom, na wɔbɛtsew moho efi cefĩfĩdze a ofi mo mu epue yi ho? Dabɛn na mo Bɔadze bɛtsew moho, ma magye m’ahom, na ndzeyɛtsenenee bɛtsena m’enyi do mber kakra?

49 Na ber a Enoch tsee dɛ asaase rekã mmɔn no, osui, na osui frɛɛ Ewuradze, see dɛ: O Ewuradze, ana irinnya ehumbɔbɔr wɔ asaase do? Ana irinnhyira Noah ne mba?

50 Na ɔbaa dɛ Enoch sɔɔw no su do frɛɛ Ewuradze, see dɛ: Meserɛ wo, O Ewuradze, wɔ nyia Ewoo no Kortoo no no ne dzin mu, Jesus Christ mpo, dɛ ibohu Noah na n’asefo mbɔbɔr, dɛ nsuyirii nnkɛba abakata asaase do bio da.

51 Na Ewuradze enntum annhom do, na ɔnye Enoch dzii ahyɛmu, na ɔkãa ntam nye Enoch dzii nsew, dɛ ɔnnkɛma ansuyirii aba bio; ama woetum afrɛ Noah ne mba no;

52 Na ɔhyɛɛ ɔmom a wonnkotum adan no no mae, dɛ wobohu an’asefo mber nyina wɔ aman nyinara mu mber dodow a asaase yi bɛtsena hɔ no;

53 Na Ewuradze see dɛ: Nhyiranyi nye nyia n’asefo mu na Messiah no befi aba; osiandɛ ɔsee dɛ—Emi nye aMessiah no, Zion ne bHen, Ɔsor cBotan, dza ɔtra dɛ mbersantsen; nyia ɔfa abow no mu na odua mo do dfow no nnkɔhwe ase da; dɛm ntsi, nhyira nye hɔn a makã hɔnho asɛm no, osiandɛ wɔdze daapem enyigye endwom bɛba.

54 Na ɔbaa dɛ Enoch sui frɛɛ Ewuradze, see dɛ: Ber a Nyimpa Ba no bɛba wɔ honam mu no, ana asaase bɛgye n’ahom? Meserɛ wo, kyerɛ me dɛm ndzɛmba yinom.

55 Na Ewuradze see Enoch dɛ: Hwɛ, na ɔhwɛe na ohun aNyimpa Ba no dɛ wɔama no do wɔ bmbeamudua do, dɛ mbrɛ adasa yɛ no;

56 Na ɔtsee ndze kɛse; na ɔsorsor n’enyim katae; na Nyankopɔn n’abɔdze nyinara sui; na asaase asii nkrum; na mbotan mu paapaae; na ahotseweefo no bsoɛrsoɛree, na cwɔhyɛɛ hɔn ahenkyɛw wɔ Nyimpa Ba no dn’abanyimfa, wɔdze enyimnyam ahenkyɛw pii hyɛɛ hɔn.

57 Na aesunsum pii a wogu befiadze no puei bae, na wobegyinaa Nyankopɔn n’abanyimfa; na hɔn a wɔaka no wɔdze hɔn ahyɛ sum nkɔnsɔnkɔnsɔn mu ekodu atsɛmbu da kɛse no.

58 Na bio Enoch sui na ɔfrɛɛ Ewuradze, see dɛ: Dabɛn na asaase bɛgye n’ahom?

59 Na Enoch hun Nyimpa Ba no dɛ ɔrofow kɔ Egya no ne nkyɛn; na ɔfrɛɛ Ewuradze, see dɛ: Ana ennkɛsan aba asaase do bio? Susuampaara dɛ eyɛ Nyame, na minyim wo, na akã ntam akyerɛ me, na ahyɛ me dɛ mimbisa wɔ nyia Ewoo no Kortoo no no ne dzin mu; ɔwo na ayɛ me, na ama me kwan wɔ w’ahengua no ho, na nnyɛ mankasa bi, mbom ɔnam w’ankasa w’adom do; dɛm ntsi, mibisa wo, dɛ eremmba asaase do bio.

60 Na Ewuradze see Enoch dɛ: Ber a metse ase yi, dɛmara so mpo na mebɛba wɔ anda a odzi ewiei no mu, wɔ emumuyɛdze nye werdzi nda no mu, dze ahyɛ nsew a medzi akyerɛ wo no mã, dza ɔfa Noah ne mba ho no.

61 Na da no bɛba ma asaase no aaagye n’ahom, mbom ansaana dɛm da no bɛba no ɔsorsor bbɛhyɛ sum, na cnkataenyim kebii bɛkata asaase do; na sor bɔwosow, na asaase so; na amandzehu kɛse bɛba adasamba mu, mbom mo nkorɔfo no dze dmobɔkora hɔn do;

62 Na atseneneeyɛ na mebɛma efi sor aba famu; bnokwar na mebɛma efi casaase mu epue, ma wɔagye ddase wɔ nyia me Woo no Kortoo no noho; no ewusoɛr fi owu mu; nyew, nye adasa nyinara owusoɛr so; na tseneneeyɛ na nokwar na mebɛma woetwuw afa asaase no do tse dɛ nsuyirii, ma fwɔaboaboa me mpamufo no ano efi asaase ne mfɛndzanan nyinara mu, dze hɔn aba bea a mibesiesie no, Kuropɔn Krɔnkrɔn, ama mo nkorɔfo aabɔ hɔn asen do, na wɔaahwɛ ber a medze bɛba no kwan; osiandɛ hɔ na me ntamadan no besi, na wɔbɛfrɛ no Zion, gJerusalem Fofor.

63 Na Ewuradze see Enoch dɛ: Ber no ɔwo na wo akuropɔn nyinara behyia hɔn hɔ, na yɛbɛgye hɔn ato hɛn bo mu, na wobohu hɛn; na yɛbɛbaar hɔn kɔn, na hɔn so bɛbaar hɛn kɔn, na yɛbɛfew hɛn ano nkorkor;

64 Na hɔ bɛyɛ me tsenabew, na ɔbɛyɛ Zion, dza obefi m’abɔdze nyinara a mayɛ mu aba no; na mfe aapem ntamu no asaase no bbɛgye n’ahom.

65 Na ɔbaa dɛ Enoch hun da no a Nyimpa Ba no dze abɛba wɔ nda a odzi ewiei no mu no, dze abɛtsena asaase no do wɔ tseneneeyɛ mu mfe apem ntamu no;

66 Mbom ansaana dɛm da no bɛba no, ohun abɛbrɛsɛ kɛse wɔ emumuyɛfo no hɔn mu; na ohun po so, dɛ ɔayɛ begyabegya, na adasa hɔn akoma aetutu, dze suro rohwɛ Otumfo Nyankopɔn bn’atsɛmbu no kwan, dza ɔbɛba emumuyɛfo do no.

67 Na Ewuradze dze ndzɛmba nyinara kyerɛɛ Enoch, dze kesi wiadze n’ewiei mpo; na ohun atseneneefo no hɔn da no, hɔn pon dɔn no, na onyaa aenyigye ne mãhyɛ.

68 Na aZion ne nda nyinara wɔ Enoch ne nda mu no yɛ mfe ahaebiasa eduosia-enum.

69 Na Enoch na no nkorɔfo nyinara nye Nyame anantsewee, na ɔtsenaa Zion ne finimfin; na ɔbaa dɛ nna Zion nnyi hɔ, osiandɛ Nyankopɔn faa no kɔree dze no kɔtoo nankasa no bo mu; na ofi dɛm aber no na wɔkãa dɛ, Zion Eguan.