1 Na ɔbaa dɛ ber a Emi, Ewuradze Nyankopɔn, yii hɔn edzi no, Adam hyɛɛ ase dɛ ɔrodɔw asaase no do, na ^aɔrehyɛ hamu mbowadoma nyinara do, na ɔnam n’enyim mfifir mu ridzi n’edziban, dɛ mbrɛ Emi, Ewuradze ahyɛ no no. Na Eve, ne yer so, nye no yɛɛ edwuma.

2 Na Adam hun ne yer, na ^aɔwoo mbabanyin na ^bmbabaa maa no, na wɔhyɛɛ ase dɛ ^cwɔrodɔr na wɔrehyɛ asaase mã.

3 Ofi dɛm aber no dze kɔ, Adam ne mbabanyin na ne ^ambabaa warwaar hɔnho wɔ asaase no do na wɔdɔɔw asaase no, na wɔnyɛɛn nguan, na hɔn so wɔwoo mbabanyin na mbabaa.

4 Na Adam na ne yer Eve, bɔɔ Ewuradze dzin frɛɛ no, na wɔtsee Ewuradze ne ndze wɔ kwan a ɔdze kɔ ^aEden Ture no mu, ɔrekasa kyerɛ hɔn, na woennhu no; osiandɛ woesiw hɔn kwan wɔ ^bn’enyim.

5 Na ɔmaa hɔn mbrasɛm, dɛ ^awɔnsom Ewuradze hɔn Nyankopɔn, na wɔmfa hɔn nguan mu ^bmbakan mbɔ afɔr mma Ewuradze. Na Adam yɛɛ ^csetsie maa Ewuradze ne mbrasɛm.

6 Na nda pii ekyir no ^aEwuradze no bɔfoe yii noho kyerɛɛ Adam, see dɛ: Ebɛnadze ntsi na ^bebɔ afɔr ma Ewuradze? Na Adam see no dɛ: Minnyim, Ewuradze na ɔhyɛɛ me dɛ menyɛ.

7 Na nkyii bɔfo no kasaa see dɛ: Dɛm adze yi yɛ nyia Egya Woo no Kortoo no no ^an’afɔrbɔ ne ^bsaso, nyia ^cadom na nokwar ahyɛ no mã no.

8 Dɛm ntsi, adze nyinara a ebɛyɛ no yɛ no wɔ Ɔba no ne ^adzin mu, na ^bnu woho na ^cbɔ Nyankopɔn ne dzin frɛ no wɔ Ɔba no ne dzin mu daapem.

9 Na dɛm da no mu na ^aSunsum Krɔnkrɔn no tɔɔ Adam do, ɔno na ɔgye dase wɔ Egya na Ɔba ho, se dɛ: Emi nye nyia Egya ^bWoo no Kortoo no no fitsi aber yi na afebɔɔ, na osiandɛ ^cahwe ase ntsi ^dwɔbɔpon wo nye adasamba nyinara, dodowara mpo a wɔbɛpɛ no.

10 Na dɛm da no mu Adam hyiraa Nyankopɔn na onyaa ^amãhyɛ na ɔhyɛɛ ase dɛ ^bɔrehyɛ nkɔm fa asaase do ebusua ebusua nyinara ho, see dɛ: Nhyira nkã Nyankopɔn ne dzin, na osian me mbrato ntsi m’enyiwa ebue, na nkwa ber yi mu mebenya ^cenyigye, na bio ^dhonam mu no mubohu Nyankopɔn.

11 Na ne yer, ^aEve, tsee nsɛm yinom nyinara na n’enyi gyee, see dɛ: Sɛ nnyɛ hɛn mbrato a nkyɛ yerinnya ^bmbasantsen da, na yerunnhu papa na bɔn, nna hɛn mponee ho dɛwdzi, nye onnyiewiei nkwa a Nyankopɔn dze ma hɔn a wɔyɛ setsie nyinara.

12 Na Adam na Eve hyiraa Nyankopɔn ne dzin, na wɔkãa biribiara ^akyerɛɛ hɔn mbabanyin na hɔn mbabaa.

13 Na ^aSatan bae bɔforaa hɔn mu, see dɛ: Mo so meyɛ Nyame ne ba; na ɔhyɛɛ hɔn, see dɛ: Mma hom nngye nndzi; na ^bwɔanngye enndzi, na ^cwɔdɔɔ Satan koraa kyɛɛn Nyankopɔn. Na nyimpa hyɛɛ ase fi dɛm aber no dze kɔ no, bɛyɛɛ, ^dhonandze akɔndɔdze, na mbɔnsamdze.

14 Na Ewuradze Nyankopɔn nam ^aSunsum Krɔnkrɔn no do frɛɛ adasa na ɔhyɛɛ hɔn mbra dɛ ɔsɛ dɛ wonu hɔnho;

15 Na dodowara a ^awɔgyee Ɔba no dzii, na wonuu hɔnho fii hɔn bɔn ho no, ^bwɔbɛgye hɔn nkwa; na dodowara a wɔanngye enndzi na woennu hɔnho no, ^cwobobu hɔn fɔ; na nsɛm no fii Nyankopɔn n’anomu puei yɛɛ mbrasɛm a otsim hɔ, dɛm ntsi ɔwɔ dɛ wɔhyɛ mã.

16 Na Adam na ne yer, Eve, enngyaa dɛ wɔbɛfrɛ Nyankopɔn. Na Adam hun ne yer Eve, na onyinsenii na ɔwoo ^aCain, na ɔsee dɛ: Menya banyin efi Ewuradze hɔ; dɛm ntsi onnyi dɛ ɔpow ne nsɛm. Mbom hwɛ, Cain enntsie, see dɛ: Woana nye Ewuradze no a ɔwɔ dɛ mitsie no no?

17 Na onyinseen bio na ɔwoo no nuabanyin ^aAbel. Na Abel ^byɛɛ aso maa Ewuradze ne ndze. Na Abel hwɛ nguan do, mbom Cain dɔw hamu.

18 Na Cain ^adɔɔ Satan kyɛɛn Nyankopɔn. Na Satan hyɛɛ no, see dɛ: ^bBɔ afɔr ma Ewuradze.

19 Na mber guu mu no, ɔbaa dɛ Cain dze ekuadze bɔbɔɔ afɔr maa Ewuradze.

20 Na Abel, ɔno so dze no nguan mu mbakan, na dza wɔadodɔ seradze mu bi bae. Na Ewuradze n’enyi sɔɔ Abel, na ^an’afɔrbɔ;

21 Mbom Cain, nye ^an’afɔrbɔ dze n’enyi annsɔ. Afei Satan nyim iyi, na n’enyi gyee. Na Cain no bo fuuw kɛsenara, na no ntɔn himae.

22 Na Ewuradze see Cain dɛ: Ɔyɛ dɛn ntsi na wo bo efuw yi? Na ɔyɛ dɛn ntsi na wo ntɔn ehima yi?

23 Sɛ eyɛ papa a, ^awɔbɛgye wo ato mu. Na sɛ annyɛ papa a, bɔn kotow abowano, na Satan pɛ dɛ onya wo; na gyedɛ itsie me mbrasɛm, annyɛ dɛm a mibegyaa wo mu ama no, na ɔbɛyɛ hɔ ama wo dɛ mbrɛ ne pɛ tse. Na ebɔhwɛ no do;

24 Na ofi aber yi dze kɔ ebɛyɛ n’ator nyina hɔn egya; wɔbɛfrɛ wo ^aƆsɛɛbabanyin; osiandɛ ɔwo so ewɔ hɔ ansaana wɔrobɔ wiadze.

25 Na mber bɛba a wɔbɛkã dɛ—Dɛm ^aebusudze yinom hyɛɛ ase fi Cain do; osiandɛ ɔpoow afotu kɛse no a onyaa fii Nyankopɔn hɔ no; na iyi yɛ ndom a medze bɛba wo do, nna gyedɛ inu woho.

26 Na Cain no bo fuwii, na oenntsie Ewuradze ne ndze bio, nna oenntsie no nuabanyin Abel so, a ɔnantseew krɔnkrɔnyɛ mu wɔ Ewuradze enyim no.

27 Na Adam na ne yer dzii awerɛhow wɔ Ewuradze enyim, osian Cain na no nuanom ntsi.

28 Na ɔbaa dɛ Cain faa no nuanom mbanyin mu kor ne babaa waar no, na ^awɔdɔɔ Satan kyɛɛn Nyankopɔn.

29 Na Satan see Cain dɛ: Fa wo menmu dzi nsew kyerɛ me na sɛ ekã a ibowu; na ma wo nuanom no so mfa hɔn etsir ndzi nsew, nye Nyame tseasefo dɛ wɔrennkã; na sɛ wɔkã a ampaara dɛ wobowu; na iyi nye dɛ w’egya nnkɛtse; na ndɛ da yi mibeyi wo nuabanyin Abel ahyɛ wo nsamu.

30 Na Satan dzii nsew kyerɛɛ Cain dɛ ɔnyɛ dɛ mbrɛ ne mbra se no. Na wɔyɛɛ ndzɛmba yinom nyina wɔ nsumaamu.

31 Na Cain see dɛ: Nokwar meyɛ Mahan, dɛm esumadze kɛse yi no wura, dɛ ^amibedzi ewu na menya mfaso. Dɛm ntsi wɔfrɛɛ Cain Owura ^bMahan, na ɔhoahoaa noho wɔ n’emumuyɛdze mu.

32 Na Cain kɔr hamu, na Cain nye no nuabanyin Abel kasae. Na ɔbaa dɛ ber a wɔwɔ hamu hɔ no, Cain soɛɛr no nuabanyin Abel do, na okum no.

33 Na Cain ^ahoahoaa noho wɔ dza ɔayɛ no ho, see dɛ: moho atɔ me, ampaara dɛ mo nuabanyin no nguan no abɛyɛ medze.

34 Na Ewuradze see Cain dɛ: Wo nuabanyin Abel, wɔ hen? Na ɔsee dɛ: Minnyim. Ana emi nye mo nuabanyin no ^ahwɛfo?

35 Na Ewuradze see dɛ: Ebɛnadze na ayɛ yi? Wo nuabanyin no bɔgyaa ndze fi famu su frɛ me.

36 Na afei ndom bekã wo efi asaase a ɔahan n’anomu regye wo nuabanyin no bɔgyaa wɔ wo nsamu no.

37 Sɛ edɔw asaase a, ɔdze kɔr yi onnkeyi n’ahoɔdzen ama wo. ^aƆkobɔfo nye ɔwonawonafo na ebɛyɛ wɔ asaase do.

38 Na Cain see Ewuradze dɛ: Satan na ^aɔsɔɔ me hwɛe osian mo nuabanyin no nguan ntsi. Na mo bo fuwii so; osiandɛ egyee n’afɔrbɔ no na anngye medze no; m’asotwe sõ kyɛn dɛ mubotum asoa.

39 Hwɛ eyi me edzi ndɛ da yi efi Ewuradze n’enyim, na w’enyim na mubosuma efi; na mebɛyɛ kobɔfo nye wonawonafo wɔ asaase do; na ɔbɛba dɛ, obiara a obohu me no oboku me, osian mo bɔn ntsi, osiandɛ ndzɛmba yinom nnsuma Ewuradze.

40 Na Emi Ewuradze see no dɛ: Obiara a oboku wo no wobedzi no wer mpɛn esuon. Na Emi Ewuradze yɛɛ ^aasɛnkyerɛdze bi wɔ Cain ho, amma obi hu no a oeennku no.

41 Na woyii Cain edzi fii Ewuradze ^an’enyim, na ɔnye ne yer na n’enuanom dodowara kɛtsenaa Nod asaase do wɔ Eden no boka hɔ.

42 Na Cain hun ne yer, na onyinsenii na ɔwoo Enoch, na ɔwoo mbabanyin na mbabaa pii so. Na ɔkyekyeer kurow, na ɔfrɛɛ ^akuropɔn no ne dzin Enoch dɛ mbrɛ ne ba no ne dzin tse.

43 Na wɔwoo Irad maa Enoch, na mbabanyin na mbabaa binom so. Na Irad woo Mahujael, na mbabanyin nye mbabaa binom so. Na Mahujael woo Methusael na mbabanyin nye mbabaa binom so. Na Mathusael woo Lamech.

44 Na Lamech waar yernom beenu; baako ne dzin dze Adah, na kor so ne dzin dze Zillah.

45 Na Adah woo Jabal, ɔno nye hɔn a wɔtsena asese mu na wɔhwɛ anantwi do no hɔn egya; na no nuabanyin no ne dzin dze Jubal, ɔno nye asankubɔfo nye mbɛnhɛmfo nyinara hɔn egya.

46 Na Zillah, ɔno so woo Tubal Cain, ɔyɛ kɔɔber nye daadze edwimfo nyinara hɔn kyerɛkyerɛnyi. Na Tubal Cain n’akyerɛbaa ne dzin dze Naamah.

47 Na Lamech see ne yernom, Adah nye Zillah dɛ: Hom ntsie me ndze, hom Lamech ne yernom, hom nyɛ aso mma me kasaa; osiandɛ mekum ɔbarimba ma oepira me, na aberantsɛ bi ma ɔahaw me.

48 Sɛ wobedzi Cain ho wer mpɛn esuon a, nna ampa dɛ Lamech dze, ^ampɛn eduosuon esuon;

49 Na Lamech nye Satan dzii ^aahyɛmu, dɛ mbrɛ Cain yɛɛ no pɛpɛɛpɛr, ma ɔnam do bɛyɛɛ Owura Mahan no, nsumaamudze kɛse no a Satan nye Cain hɛɛn mu no no wura; na Irad, Enoch ne babanyin no, hun hɔn nsumaamudze no na ɔhyɛɛ ase dɛ ɔreda no edzi akyerɛ Adam ne mbabanyin no;

50 Dɛm ntsi Lamech no bo fuwii ma okum no, ɔnntse dɛ Cain dze yɛɛ no nuabanyin Abel, ama ɔdze enya mfaso, mbom okum no osian nsewdzi no ntsi.

51 Na ofi Cain n’aber do nna ^ansumaamu fɛkuwbɔ no wɔ hɔ, na hɔn dwumadzi no wɔ sum mu, na hɔn mu biara nyim no nua.

52 Dɛm ntsi Ewuradze maa ndom kãa Lamech na ne fifo, nye hɔn nyinara a wɔnye Satan edzi ahyɛmu no; osiandɛ wonndzi Nyankopɔn ne mbrasɛm no do, na Nyame n’enyi anngye ho, na ɔannsom hɔn, na hɔn ndwuma yɛ ebusudze, na wɔhyɛɛ ase tserɛɛw wɔ ^aadasamba nyinara mu. Na ɔwɔ adasamba mu.

53 Na adasambabaa no hɔn mu no wɔannkã dɛm ndzɛmba yinom, osiandɛ Lamech kãa nsumaamudze no kyerɛɛ ne yernom, na wɔtseew etua wɔ no do, na wɔbɔɔ dɛm ndzɛmba yinom ho dawur dze puei, na woennya ehumbɔbɔr;

54 Dɛm ntsi wɔpoow Lamech, na wɔpaam no, na ɔammba adasamba mu, bɛyɛ na oewu.

55 Na dɛm na ^asum mu dwumadzi hyɛɛ ase tserɛɛw wɔ adasamba nyinara mu.

56 Na Nyankopɔn dze ndom dzendzen doom asaase, na no bo fuuw emumuyɛfo, nye adasamba nyinara a ɔayɛ hɔn no;

57 Na wɔannyɛ aso amma ne ndze, nna wɔanngye ne ^aBa a Wɔwoo Kortoo no no enndzi, nyia ɔbɔɔ noho dawur dɛ ɔbɛba mber nkyekyɛmu ntamu, nyia woesiesie no ato hɔ fi wiadze fapem no.

58 Na dɛm na ɔmaa wɔhyɛɛ ase kãa ^aAsɛmpa no, fi ahyɛse no a wɔnam ^babɔfo krɔnkrɔn a wɔsomaa hɔn fii Nyankopɔn enyim, na ɔnam nankasa ne ndze do, nye ^cSunsum Krɔnkrɔn akyɛdze no do bɔɔ ho dawur no.

59 Na dɛm na ɔmaa wɔnam ayɛdze krɔnkrɔn do, sii ndzɛmba nyinara pi dze maa Adam, na wɔkãa Asɛmpa no, na ɔhyɛɛ ɔmom dɛ ɔnwɔ wiadze mu, nkesi n’ewiei, na dɛm na ɔyɛe. Amen.