Kyerɛwsɛm
Moses 6


Tsir 6

(Ɔbrafɛw—Mumu 1830)

Adam n’asefo sie nkaa nwoma—N’asefo atseneneefo no kãa nnuho nsɛm—Nyankopɔn yi Noho kyerɛ Enoch—Enoch kã asɛmpa no—Wɔda nkwagye ho nhyehyɛɛ no edzi kyerɛ Adam—Ne nsa kã ennuma nye asɔfodzi no.

1 Na aAdam yɛɛ aso maa Nyankopɔn ne ndze, na ɔsee ne mbabanyin dɛ wonnu hɔnho.

2 Na Adam hun ne yer bio, na ɔwoo babanyin, na ɔtoo no dzin aSeth. Na Adam hyɛɛ Nyankopɔn ne dzin enyimnyam; na ɔsee dɛ: Nyankopɔn ama me ba kor so, dze ahyɛ Abel a Cain kum no no ananmu.

3 Na Nyankopɔn yii noho kyerɛɛ Seth, na ɔanntsew etua, mbom ɔbɔɔ aafɔr a ɔsɔ enyi, tse dɛ no nuabanyin Abel nedze no. Na no so woo babanyin, na ɔtoo no dzin Enos.

4 Na nkyii mbarimba yinom hyɛɛ ase abɔɔ Ewuradze ne dzin, na Ewuradze hyiraa hɔn.

5 Na wɔdze ankaa nwoma siei, no mu na wɔkyerɛɛw Adam ne kasaa, osiandɛ wɔdze maa dodowara a wɔfrɛɛ Nyankopɔn dɛ wondua sunsum no ne bnkenyan do nkyerɛw;

6 Na wɔnam hɔn do na wɔkyerɛkyerɛɛ hɔn mba dɛ wɔnkenkan na wɔnkyerɛw hɔn kasaa no a no ho tsew na fĩ nnyi ho no.

7 Afei aAsɔfodzi kor yi ara a ɔwɔ hɔ ahyɛse no, bɛtsena hɔ dze ekesi wiadze n’ewiei so.

8 Afei nkɔnhyɛsɛm yi na Adam kãe, ber a aSunsum Krɔnkrɔn no kenyaan no no, na Nyankopɔn ne bmba no kyerɛɛw hɔn cebusuasantsen dze siei. Na iyi nye Adam n’ebusuasantsen dnwoma no, na ɔsee dɛ: Da a Nyankopɔn bɔɔ nyimpa no, Nyankopɔn ne saso do na ɔyɛɛ no;

9 Nankasa ne nyimpadua asu do, ɔbanyin na ɔbaa, na ɔbɔɔ bhɔn, na ohyiraa hɔn, na cɔfrɛɛ hɔn Adam, wɔ da a wɔbɔɔ hɔn na wɔbɛyɛɛ dakra atseasefo wɔ asaase a ɔyɛ Nyankopɔn en’ananadzegua no do.

10 Na aAdam dzii mfe ɔha eduasa, na ɔwoo babanyin wɔ ne saso do, wɔ nankasa no bsu do, na ɔtoo no dzin Seth.

11 Na Adam ne nda mu no, ber a ɔwoo Seth, n’ekyir no yɛ mfe ahaawɔtwe, na ɔwoo mbabanyin na mbabaa pii;

12 Na nda a Adam dzii nyinara yɛ mfe ahaakron eduasa, na owui.

13 Seth dzii mfe ɔha nye enum, na ɔwoo Enos, na ɔhyɛɛ nkɔm ne nda nyinara mu, na ɔkyerɛkyerɛɛ ne babanyin Enos wɔ Nyankopɔn n’akwan no mu; dɛm ntsi Enos so hyɛɛ nkɔm.

14 Na Seth woo Enos n’ekyir no, odzii mfe ahaawɔtwe nye esuon, na ɔwoo mbabanyin na mbabaa pii.

15 Na adasamba dɔree wɔ asaase enyi nyina do. Na dɛm nda no mu Satan nyaa atum kɛse wɔ nyimpa mu, na ɔdzɛwee wɔ hɔn akoma mu; na ofi dɛm aber no do na akokoeko na bɔgyakã bae; na nyimpa maa ne nsa do tsia nankasa no nua, na odzii ewu, osian bnsumaamu ndwuma ntsi, wɔperee hwehwɛɛ tum.

16 Na Seth ne nda nyinara yɛɛ mfe ahaakron nye duebien, na owui.

17 Na Enos dzii mfe eduokron no, na ɔwoo aCainan. Na Enos nye Nyame no nkorɔfo nkaa no fii asaase a wɔfrɛ no Shulon do na wɔbɛtsenaa anohoba asaase do, dza ɔdze nankasa ne babanyin a ɔato no dzin Cainan too do no.

18 Na Enos woo Cainan no n’ekyir no odzii mfe ahaawɔtwe nye duenum, na ɔwoo mbabanyin nye mbabaa pii. Na Enos ne nda nyinara yɛɛ mfe ahakron nye enum, na owui.

19 Na Cainan dzii mfe eduosuon no, na ɔwoo Mahalaleel; na Cainan woo Mahalaleel no n’ekyir no odzii mfe ahaawɔtwe eduanan, na ɔwoo mbabanyin nye mbabaa. Na Cainan ne nda nyinara yɛɛ mfe ahaakron nye du, na owui.

20 Na Mahalaleel dzii mfe eduosia enum, na ɔwoo Jared; na Mahalaleel woo Jared no n’ekyir no odzii mfe ahaawɔtwe nye eduasa, na ɔwoo mbabanyin na mbabaa. Na Mahalaleel ne nda nyinara yɛɛ mfe ahaawɔtwe eduokron enum, na owui.

21 Na Jared dzii mfe ɔha eduosia ebien no, na ɔwoo aEnoch; na Jared woo Enoch no n’ekyir no, odzii mfe ahaawɔtwe, na ɔwoo mbabanyin nye mbabaa. Na Jared kyerɛkyerɛɛ Enoch Nyame n’akwan nyinara mu.

22 Na iyi nye Adam ne mbabanyin hɔn ebusuasantsen, nyia ɔyɛ aNyankopɔn ne babanyin no, ɔno na Nyankopɔn nankasa nye no twetwee nkɔmbɔ no.

23 Nna wɔyɛ ankorɔfo a wɔkã tseneneeyɛ ho nsɛm, na wɔkasaa na bwɔhyɛɛ nkɔm, na wɔfrɛɛ nyimpa nyinara, wɔ mbea nyinara, dɛ cwonnu hɔnho; na wɔkyerɛkyerɛɛ adasamba dgyedzi.

24 Na ɔbaa dɛ Jared ne nda nyinara yɛɛ mfe ahaakron eduosia ebien, na owui.

25 Na Enoch dzii mfe eduosia enum no, na ɔwoo aMethuselah.

26 Na ɔbaa dɛ Enoch tuu kwan wɔ asaase no do wɔ nkorɔfo no mu; na n’akwantu mu no, Nyankopɔn no Sunsum fi sor, na ɔbɛtsenaa no mu.

27 Na ɔtsee ndze fi sor, se dɛ: Enoch, mebabanyin, hyɛ nkɔm kyerɛ nkorɔfo yi, na se hɔn dɛ—Hom nnu homho, na dɛm na Ewuradze se: Mo abo efuw nkorɔfo yi, na m’ebufuhyew adzɛw etsia hɔn, osiandɛ hɔn akoma ayɛ dzen, na hɔn baso esisiw, na hɔn enyiwa cnntum nnhu ekyir;

28 Na osian ebusuasantsen pii yinom, ofi da a mobɔɔ hɔn no, awɔafom kwan, na wɔapow me, na wɔaper edzi hɔnankasa hɔn apam ekyir wɔ sum mu; na hɔnankasa hɔn ebusudze mu na wɔahyehyɛ ewudzi, na woenndzi mbrasɛm no a, medze maa hɔn egya, Adam no.

29 Dɛm ntsi, hɔnankasa akã ntanhun, na ɔnam hɔnankasa hɔn ansewdzi do dze owu aba hɔnankasa hɔn do; na mesiesie bhɛl ama hɔn, sɛ woennu hɔnho a;

30 Na iyi nye ɔmom a, medze ama fi wiadze ahyɛse, dza ofi mankasa m’anomu, ofitsi fapem do, na ofi mo nkowaa hɔn anomu, hom egyanom do na mehyɛɛ ɔmom no, dɛ mbrɛ wɔdze bɔkɔ wiadze, dze ekesi n’ewiei mpo.

31 Na ber a Enoch tsee dɛm nsɛm yinom no, ɔbɔɔ no mu adze wɔ asaase no do, wɔ Ewuradze enyim, na ɔkasaa wɔ Ewuradze enyim, see dɛ: Ɔyɛ no dɛn na medzi bem wɔ w’enyim yi, na meyɛ abrantsɛ, na mo nkorɔfo nyinara kyir me; na me kasaa yɛ anyaa; ana meyɛ w’akowaa?

32 Na Ewuradze see Enoch dɛ: Kɔ na kɛyɛ dza mahyɛ wo no, na obiara nnkotum epira wo. Bue aw’ano, na wɔbɛhyɛ no mã, na mebɛyɛ wo kasamaafo, osiandɛ honam nyinara hyɛ me nsa, na mebɛyɛ dza mehwɛ a oye ma me.

33 Se nkorɔfo yi dɛ: Hom ansan mu nyi ndɛ da yi, dɛ wɔbɔsom Ewuradze Nyankopɔn a ɔyɛɛ hom no.

34 Hwɛ mo Sunsum wɔ wo do, dɛm ntsi wo nsɛm nyinara mebɛgye ato mu, na ambepɔw nyinara boguan efi w’enyim, na besutsen bɛdan efi hɔn kwan do; na ebɛtsena mo mu, na mo so matsena wo mu; dɛm ntsi enye me cnnantsew.

35 Na Ewuradze kasaa kyerɛɛ Enoch, na ɔsee no dɛ: Fa dɛtse yɛ w’enyiwa do, na hohor, na ibohu. Na ɔyɛe.

36 Na ohun aesunsum a Nyankopɔn abɔ; na ohun ndzɛmba so a wonntum mmfa bhonam enyiwa nnhu; na ofi dɛm aber no dze ba na dɛm kasa yi tahyee wɔ asaase no do dɛ: cAdzehunyi na Ewuradze eyi dze ama no nkorɔfo.

37 Na ɔbaa dɛ Enoch kyiin asaase no do, wɔ nkorɔfo no mu, ogyinaa akoko na mbea a ɔkrɔn do, na ɔdze ndze kɛse tseatseaa mu gyee dase tsiaa hɔn ndwuma; na ɔtoo nyimpa nyinara afintsindua wɔ ɔno ntsi.

38 Na wɔbae betsiei no, wɔ mbea a ɔkrɔn no do, see asese ahwɛdofo no dɛ: Hom ntweɔn ha na hom nhwɛ asese no do, ber a yɛrokɔ ekyir hɔ akɔhwɛ adzehunyi no, osiandɛ ɔrehyɛ nkɔm, na adze bi a ɔyɛ nwanwa wɔ asaase yi do; nyimpa bɔyafo bi aba hɛn mu.

39 Na ɔbaa dɛ ber a wotsiee no no, obiara ammfa ne nsa ennsuo no mu; osiandɛ suro kãa hɔn nyinara a wotsiee no no; osiandɛ ɔnye Nyame nantsewee.

40 Na ɔbarimba bi baa no hɔ, ne dzin dze Mahijah, na ɔsee no dɛ: Kã kyerɛ hɛn pefee woana nye wo, na ifi hen na ebae?

41 Na ɔsee hɔn dɛ: Mifi Cainan asaase do bae, hɛn egyanom asaase, asaase a ɔyɛ tsenenee dze besi ndɛ da yi. Na m’egya kyerɛkyerɛɛ me Nyame n’akwan nyinara.

42 Na ɔbaa dɛ, ber a mutuu kwan fii Cainan asaase do wɔ po no boka no, muhun enyido-adzehu bi; na hwɛ, ɔsorsor na muhunii, na Ewuradze nye me kasae, na ɔmaa me mbrasɛm; dɛm ntsi, osian dɛm adze yi ho, dɛ mibedzi mbrasɛm no do ntsi, na mekã nsɛm yinom to gua.

43 Na Enoch sɔɔw ne kasaa do, see dɛ: Ewuradze no a ɔnye me kasae no, ɔnoara so nye ɔsor Nyankopɔn no, na ɔyɛ me Nyankopɔn, na hom Nyankopɔn, na hom yɛ m’enuanom, na ebɛnadze ntsi na hom ma homho aapam, na hom pow ɔsor Nyankopɔn yi?

44 Ɔyɛɛ sor, na aasaasebn’ananadzegua; na fapem a ɔwɔ hɔ no yɛ nedze. Hwɛ, ɔno na ɔtowee, na dɔmtutuw na ɔdze hɔn aba n’enyi do.

45 Na owu aba hɛn egyanom do; eso yenyim hɔn, yennkotum etwa ator, na hɔn nyinara mu dza odzii hɔn kan no mpo yenyim no, Adam mpo.

46 Na ankaa nwoma no yɛakyerɛw ma ɔwɔ hɛn nkyɛn, tse dɛ nhwɛdo a Nyankopɔn nam ne nsatseaba do dze mae no; na wɔdze mae wɔ hɛnankasa hɛn kasaa mu.

47 Na ber a Enoch kãa Nyankopɔn ne nsɛm no kyerɛe no, nkorɔfo no ho wosowee, na woenntum enngyina n’enyim.

48 Na ɔsee hɔn dɛ: Osiandɛ Adam ahwee ase ntsi, na yɛwɔ ha yi; na ɔnam n’asehwe do na bowu bae; na yenya kyɛfa wɔ awerɛhow na mbusu mu.

49 Hwɛ Satan aba adasamba mu, na aɔsɔ hɔn hwɛ ama wɔaasom no; na nyimpa abɛyɛ bhonandze, cakɔndɔdze, na mbɔnsamdze, na dwoesiw hɔn kwan efi Nyankopɔn enyim.

50 Mbom Nyankopɔn ama hɛn egyanom ehu dɛ otwar dɛ nyimpa nyinara nu hɔnho.

51 Na ɔdze nankasa ne ndze frɛɛ hɛn egya Adam, see dɛ: Meyɛ Nyankopɔn; Mobɔɔ wiadze, nye anyimpa bansaana wɔreba honam mu.

52 Na ɔkãa so kyerɛɛ no dɛ: Sɛ ebɛdan aba mo hɔ, na etsie me ndze, na agye edzi, enu woho efi wo mbrato nyinara ho, na awoenuma wo, wɔ nsu mpo mu, wɔ me Ba a Wɔwoo no Kortoo no no ne dzin mu, nyia badom na nokwar ahyɛ no mã, cJesus Christ no, ddzin kortsee a wɔdze bɛma wɔ ɔsor n’ase, no hɔ na enkwagye befi aba adasamba do, hom nsa bɛkã Sunsum Krɔnkrɔn n’akyɛdze no, hom bebisa ndzɛmba nyinara wɔ ne dzin mu, na biribiara a hom bebisa no, wɔdze bɛma hɔn.

53 Na hɛn egya Adam kasaa kyerɛɛ Ewuradze, na ɔsee dɛ: Ebɛnadze ntsi na ɔwɔ dɛ nyimpa nu hɔnho na wonuma hɔn wɔ nsu mu? Na Ewuradze see Adam dɛ: Hwɛ medze wo mbrato wɔ Eden Ture no mu aakyɛ wo.

54 Dɛm ntsi na kasa yi tahyee wɔ nkorɔfo no mu dɛ, aNyankopɔn ne Ba no abɔ bwerdam dze ama ahyɛse mfom no, iyi ntsi wonnkotum dze awofo hɔn bɔn asoa hɔn cmba, osiandɛ wodzi mu fi wiadze ne fapem.

55 Na Ewuradze kasae kyerɛɛ Adam, see dɛ: Susuampaara dɛ wonyinseen wo mba wɔ abɔn mu no, dɛmara so na sɛ wɔhyɛ ase dɛ worinyin a, bɔn nyin wɔ hɔn akoma mu, na wɔsɔ bwenwen hwɛ, ama woeehu papa no bo a ɔsom.

56 Na wɔdze ama hɔn dɛ wonhu soronko a ɔda papa na bɔn ntamu. Dɛm ntsi wɔyɛ hɔnankasa hɔn do aahwɛfo, na maama hom mbra kor so na mbrasɛm.

57 Dɛm ntsi hom mfa nkyerɛkyerɛ hom mba, dɛ nyimpa nyinara a wɔwɔ beebiara, wɔ dɛ awonu hɔnho, annyɛ dɛm a wonnkotum enya Nyankopɔn ahenman no ayɛ hɔndze, osiandɛ adze bbiara a noho nntsew no nnkotum atsena hɔ, anaadɛ cɔatsena n’enyim, osiandɛ, dɛ mbrɛ Adam kãe no, dNyimpa Krɔnkrɔn nye ne dzin, na nyia Ɔwoo no Kortoo no no ne dzin nye eNyimpa Ba, Jesus Christ mpo, fƆtsɛmbuafo tseneneenyi, nyia ɔbɛba mber nkyekyɛmu ntamu no.

58 Dɛm ntsi mema wo mbrasɛm, dɛ kyerɛkyerɛ wo amba ndzɛmba yinom a irinngya bi, se dɛ:

59 Ɔnam mbrato do na asehwe bae, dɛm asehwe no na ɔdze owu ba, na susuampaara dɛ wɔnam nsu do woo hom too wiadze yi mu no, nye bɔgya, nye asunsum a meyɛe, na ɔmaa bhuntuma bɛyɛɛ ɔkra tseasefo, dɛmara so na ɔwɔ dɛ wɔnam cnsu, nye Sunsum mu dwɔwo hom fofor to ɔsor ahenman no mu, na wɔnam bɔgya no do tsew homho, nyia me Woo no Kortoo no no no bɔgyaa no mpo, ama wɔaatsew homho efi bɔn nyinara ho, na hom eenyi agye fonnyiewiei nkwasɛm no ho wɔ wiadze yi mu, nna onnyiewiei nkwa wɔ wiadze a ɔreba no mu, bɛkyebo genyimnyam no mpo;

60 Na ɔnam ansu do hom dzi mbrasɛm no do; ɔnam Sunsum no do woebu hom bbem, na ɔnam cbɔgya no do dwɔatsew homho;

61 Dɛm ntsi wɔdze ama dɛ ɔntsena hom mu; ɔsor ho dase no; aƆwerɛkyekyefo no; bɛkyebo enyimnyam asomdwee ndzɛmba no; ndzɛmba nyinara no nokwar no; dza okenyan ndzɛmba nyinara no, dza ɔyɛ ma ndzɛmba nyinara nya nkwa; dza onyim ndzɛmba nyina, na ɔwɔ tum nyinara tse dɛ nyansa, ehumbɔbɔr, nokwardzi, pɛrpɛrdzi, na atsɛmbu.

62 Na afei, hwɛ, mese wo dɛ: Iyi nye ankwagye nhyehyɛɛ a ɔwɔ hɔ ma nyimpa nyinara, ɔnam mankasa nyia me bWoo no Kortoo no no no bɔgyaa do, nyia ɔbɛba wɔ mber nkyekyɛmu ntamu no.

63 Na hwɛ, ndzɛmba nyinara wɔ hɔn saso, na wɔbɔɔ ndzɛmba nyinara na wɔyɛe ma awɔaagye moho dase, honam mu ndzɛmba, na sunsum mu ndzɛmba nyinara; ndzɛmba a ɔwɔ sorsor, nye ndzɛmba a ɔwɔ asaase mu, nye ndzɛmba a ɔwɔ asaase n’ase, sor na ase nyinara: ndzɛmba nyinara gye moho dase.

64 Na ɔbaa dɛ, ber a Ewuradze nye hɛn egya Adam kasae no, Adam sui frɛɛ Ewuradze, na Ewuradze no aSunsum hwiim no na ɔdze no kɔree kɛhyɛɛ nsu mu, na wɔdze no hyɛɛ bnsu no ase, na wɔdze no fii nsu no mu puei.

65 Na dɛm na wonumaa no, na Nyankopɔn no Sunsum sianee baa no do, na dɛm na Sunsum no awoo no, na wokenyaan no wɔ bmu-nyimpa mu.

66 Na ɔtsee ndze fi sor, rese dɛ: Wɔdze ogya, nye Sunsum Krɔnkrɔn aenuma wo. Iyi nye Egya nye Ɔba hɔn bdasee, fitsi aber yi na afebɔɔ;

67 Na ɔwo idzi onyia no a onnyi nda ahyɛse anaa mfe ewiei ne anhyehyɛɛ no do, fi mfesantsen nyina kesi mfesantsen nyina no.

68 Hwɛ, ɔwo ayɛ akor wɔ mo mu, Nyankopɔn ne ba, ɔnam dɛm ntsi hɔn nyinara botum aabɛyɛ me bmba. Amen.