He Kape nō te Pukapuka a Aperahama

Whakaahua 1 Ko Koropa, tōna tikanga ko te orokohanganga tuatahi, e tata ake ana ki Tikitiki o Rangi, te kāinga rānei o te Atua. Te tuatahi i te kāwanatanga, te whakamutunga e pā ana ki te tatau taima. Ko te tatauranga e rite ana ki te taima Tikitiki o Rangi, ko taua taima Tikitiki o Rangi, arā, kotahi te rā ki tētahi kupeti. E rite ana te rā kotahi i Koropa ki ngā tau kotahi mano e rite ana ki te tatauranga taima o tēnei whenua, e huaina ana e ngā Ihipiana ko Hahohe.

Whakaahua 2 E tū ana ki te taha o Koropa, e huaina ana e ngā Ihipiana ko Oripini, koia anō tētahi aorangi whakahaere nui e tata atu ki Tikitiki o Rangi, ki te wāhi rānei e noho nei te Atua; e pupuri ana ki te kī o te mana hoki, e rite ana ki ērā atu aorangi; pērā i te mea kua whakakitea mai nei e te Atua ki a Aperahama, i a ia e tāpae whakahere ana ki runga i te ahurewa, i hangaia nei e ia ki te Ariki.

Whakaahua 3 Kua hangaia hei tohu mō te Atua, e noho ana ki runga i tōna torona, e kākāhuria ana ki te kaha me te mana; me tētahi karauna o te māramatanga mau tonu i tōna māhunga; e tohu ana anō hoki mō ngā Kupu-matua nunui o te Tohungatanga Tapu, pērā me te mea i whakakitea mai nei ki a Arama i te Kāri o Erene, pērā hoki ki a Heta, ki a Noa, ki a Merekihereke, ki a Aperahama, ā, ki te hunga katoa kua whakakitea nei te Tohungatanga ki a rātou.

Whakaahua 4 Ko ngā whakarite ki te kupu Hīperu Raukianga, tōna tikanga ko te takiwā whānui, ko te kikorangi rānei o ngā rangi; he whika tatau hoki, ki tā te Ihipiana ko tōna tikanga ko te kotahi mano; e whakaritea ana ki te tatauranga taima o Oripihi, e ōrite ana ki te tataura taima o Koropa.

Whakaahua 5 E huaina ana i te reo Ihipiana ko Enihiko-ana-taha; ko tēnei tētahi o ngā aorangi whakahaere anō hoki, ā, e kīa ana e ngā Ihipiana ko te Rā, ā, kia tangohia tōna māramatanga i Koropa mā roto i te mea takawaenga ko Kaewhanaraha, koia te Kī matua, kia pēnei kē rānei te kupu, te mana whakahaere, e whakahaerehia ana ētahi atu aorangi, whetū rānei tekau mā rima, pērā hoki a Whorihi, te marama rānei, te Ao me te Rā i ō rāua hurihanga ā-tau. E whiwhi ana tēnei aorangi i tōna kaha mā roto i te mea takawaenga o Kiri-who-hi-he, o Ha-ko-kau-pima rānei, ko ngā whetū i whakaritea ki ngā nama 22 me te 23, e whiwhi māramatanga mai i ngā hurihanga o Koropa.

Whakaahua 6 E tohu ana mō tēnei ao i ōna tōpito e whā.

Whakaahua 7. E tohu ana mō te Atua e noho ana i runga i tōna torona, e whakakitea ana mā roto i ngā rangi ngā kupu-Matua o te Tohungatanga; pērā hoki, ko te tohu o te Wairua Tapu ki a Aperahama, i runga i te āhua o te kūkupa.

Whakaahua 8. E mau ana ngā tuhinga tē taea te whakakite atu ki te ao; engari kei roto anake i te Temepara Tapu o te Atua.

Whakaahua 9. Kāore e tika ana kia whakakitea mai i tēnei wā.

Whakaahua 10. Waihoki.

Whakaahua 11. Waihoki. Mehemea e taea ana e te ao te rapu i ēnei nama, tukua kia pērā. Āmine.