1 Na long dispela taim bihain long Mi, dispela Bikpela God, bin rausim ol long gaden, Edam stat long planim kaikai long graun, na long rulim olegat animal long graun, na long kaikai bread long hat wok bilong em, olsem Mi dispela Bikpela bin komandim em. Na Iv, meri bilong em, wok hat wantaim em.

2 Na Edam slip wantaim meri bilong em, na em karim ol pikinini man na pikinini meri, na ol kamapim planti moa long pulmapim dispela ples graun.

3 Na long dispela taim i go pinis, ol pikinini man na ol pikinini meri bilong Edam stat long buruk namel long ol yet tupela tupela long graun, na long wokim gaden long graun, na long lukautim ol pikinini sipsip, na ol tu karim ol pikinini man na ol pikinini meri.

4 Na Edam na Iv, meri bilong em, beten long nem bilong Bikpela, na ol harim nek bilong Bikpela long dispela wei i go long Gaden Iden, toktok long ol, na ol ino lukim em; bikos ol bin raus long ai bilong em.

5 Na em givim long ol komanmen, olsem ol mas wosipim dispela Bikpela God bilong ol, na ofarim dispela nambawan ol pikinini sipsip, bilong wanpela ofarin i go long Bikpela. Na Edam bin bihainim ol komanmen bilong Bikpela.

6 Na bihain long planti ol de wanpela ensel bilong Bikpela sowim em yet long Edam, na tok: bilong wanem na yu mekim ofa go long Bikpela? Na Edam i tokim em: mi no save, tasol Bikpela i komandim mi.

7 Na bihain dispela ensel tok, dispela samtingem i wankain olsem dispela ofa bilong Wanpela Pikinini Tasol bilong Papa, dispela em pulap long marimari na trut.

8 Olsem na, yu mas mekim olgeta dispela yu mekim insait long nem bilong Pikinini man, na yu mas tanim bel na beten long God insait long nem bilong Pikinini man oltaim oltaim.

9 Na long dispela de Holi Gos pundaun antap long Edam, dispela we holim rekod bilong Papa na Pikinini, na tok olsem: Mi tasol dispela Pikinini bilong Papa long stat, long nau i go na oltaim oltaim, na long taim yu i pundaun yu ken kamap ridim, na olgeta man meri, moa yet long planti lain husait i laik long bihainim.

10 Na long dispela taim Edam honaim God na pulmap wantaim Holi Gos, na stat long tokaut long wanem samting bai kamap long ol lain pipol husat i stap long ples graun, na tok olsem: honaim nem bilong God, bikos long pasin bilong mi long burukim lo ol ai bilong mi i op, na long dispela laip mi bai gat amamas, na gen long bodi mi bai lukim God.

11 Na Iv, meri bilong em, harim olegat ol dispela samting na amamas, na tok olsem: Sapos i no long pasin nogut bilong mitupela, mitupela bai no inap long gat ol tumbuna pikinini, na bai no inap long save long wanem samting i gutpela na nogut, na dispela amamas long redemsen bilong yumi, na dispel laip i nogat pinis bilong en, dispela we God givim i go long olgeta lain husat bihainim tok bilong Em.

12 Na Edam na Iv honaim nem bilong God, na ol tupela soim olgeta samting i go long olgeta pikinini man na pikinini meri bilong tupela.

13 Na Satan i kam namel long ol, na tok olsem: Mi tu wanpela pikinini man bilong God; na em komandim ol, na tok: Bilipim o nogat; na ol i no bilip, na ol lavim Satan moa long God. Na ol man stat long dispela taim bihaimim laik bilong skin, kamap olsem tewel, pawa bilong tewel winim ol.

14 Na dispela Bikpela God singautim ol man long dispela Holi Gos long olgeta hap na tok strong long ol mas tanim bel;

15 Na olsem planti i bilip long dispela Pikinini man, na tanim bel long ol pasin sin bilong ol, mas kisim bek; na olsem planti i no bilip na i no tanim bel, mas lus olgeta long kot; na dispela ol toktok i kamaut long maus bilong God wantaim tok strong; olsem na ol mas karim kaikai.

16 Na Edam an Iv, meri bilong em, kontiniu long beten i go long God. Na Edam silip wantaim meri bilong em Iv, na karim bel na karim Kein, na tok olsem: Mi kisim wanpela pikinini man i kam long Bikpela; olsem na em mas noken lusim ol toktok bilong em. Tasol lukim, Kein i no harim, na tok olsem: Husat em dispela Bikpela olsem Mi mas save long em?

17 Na Iv karim bel gen na karim barata bilong em Abel. Na Abel bihainim ol komanmen bilong Bikpela. Na Abel bin lukautim ol sipsip, tasol Kein bin wanpela husat i save mekim gaden.

18 na Kein lavim Satan moa long God. Na Satan tok strong long em, na tok olsem: mekim wanpela ofarin i go long Bikpela.

19 Bihain long dispela taim Kein karim wanpela ofarin bilong ol kaikai long gaden i go long Bikpela.

20 Na Abel, em tu karim olgeta nambawan pikinini bilong sipsip, na patpela. Na Bikpela i ekseptim Abel, na ofarin bilong em;

21 Tasol long Kein, na ofarin bilong em, Bikpela i no ekseptim. Nau Satan save long dispela, na em amamas. Na Kein i koros nogut tru, na pes bilong em senis olgeta.

22 Na Bikpela tok olsem long Kein: bilong wanem na yu koros nogut tru? Bilong wanem na pes bilong yu senis?

23 Sapos yu mekim gut, Mi bai ekseptim yu. Na sapos yu no mekim gut, sin stap arere long dua na Satan gat bikpela laik tru long kisim yu; Na tasol yu mas bihainim ol komanmen bilong mi, Mi bai mekim yu olsem long bosim ol samting, na em i mas go wantaim tingting na laik bilong em. Na yu mas rulim em.

24 Olsem na long dispela taim igo het yu mas kamap dispela papa bilong olgeta giaman toktok; na bai ol i kolim yu olsem Perdition; olsem yu tu bin stap pastaim long dispela wol.

25 Na long bihain taim ol man bai tok—olsem dispela ol nogut pasin Kein i bin kisim kam; olsem em i no laikim dispela bikpela kaunsel dispela bin kam long God; na dispela em wanpela tok daunim we mi bai putim long yu, inap long yu tanim bel.

26 Na kein bin belat, na harim toktok no moa long nek bilong Bikpela, na tu long Abel, brata bilong em, husat i wakabaut insait long holiness long ai bilong Bikpela.

27 Na Edam nad meri bilong em krai wantaim sore long ai bilong Bikpela, bikos long Kein na ol brata bilong em.

28 Na em kamap we Kein kisim wanpela pikinini meri bilong brata bilong em long maritim, na tupela i lavim Satan moa long God.

29 Na Satan tok long Kein olsem: mekim promis wantaim mi, na sapos yu soim aut dispela promis yu bai dai; na mekim ol brata bilong yu long mekim promis wantaim mi, na long dispela God i stap laip, olsem bai ol i no tokaut; olsem sapos ol tokaut, ol bai dai wantu; na dispela promis papa bilong yu bai noken save long en; na long dispela de Mi bai bringim brata bilong yu Abel long han bilong yu.

30 Na Satan promis long Kein olsem em bai wanbel long ol komanmen bilong em. Na olgeta ol dsipela samting ol bin mekim long hait.

31 Na Kein tok olsem: Trutru Mi em Mahan, dispela masta bilong dispela bigpela tok hait, olsem Mi bai kilim man na kisim bik nem. Olsem na kein ol bin singautim em Masta Mahan, na em apim nem bilong em yet long tingting nogut bilong em.

32 Na Kein wakabaut go long bus, na Kein toktok wantaim Abel, brata bilong em. Na em kamap we long taim tupela stap long bus, Kein kirap agensim Abel, brata bilong em, na kilim em i dai.

33 Na Kein apim nem bilong em yet long wanem dispela em bin mekim, na tok olsem: Mi i fri, wantu dispela ol sipsip bilong brata bilong mi stap long ol han bilong mi.

34 Na Bikpela tokim Kein olsem: Abel i stap we, brata bilong yu? Na em tok olsem: Mi no save. Olsem wanem? Mi stap tasol long lukautim brata bilong mi?

35 Na Bikpela tok olsem: Wanem dispela samting yu bin mekim? Dispela krai bilong blut bilong brata bilong yu mi harim long graun.

36 Na nau yu mas kisim strongpela tok long daunim yu long ples graun dispela bin opim maus bilong em long kisim blut bilong brata bilong yu long han bilong yu.

37 Taim yu planim kaikai long graun em bai long nau i go long bihain taim, ino inap gat strong long karim gutpela kaikai. Yu bai kamap olsem wanpela man i ranawe na hait i stap na kamap olsem wanpela husat bai raun long olgeta hap long dispela ples graun.

38 Na Kein tok olsem long Bikpela: Satan i traim mi bikos long ol pikinini sipsip bilong brata bilong mi. Na mi tu bin belat; long ofarin bilong em olsem yu bin ekseptim na i no bilong mi; panisman bilong mi em bikpela tru long mi karim.

39 Lukim yu bin rausim mi kamaut long dispela de long ai bilong Bikpela, Mi mas hait long ai bilong yu; na Mi bai kamap wanpela man i ranawe na hait i stap na kamap wanpela husat i raun long olgeta hap long dispela ples graun; na bihain, olsem husat i painim mi bai kilim mi, bikos long sin pasin bilong mi, bilong wanem dispela ol samting i no stap hait long Bikpela.

40 Na Mi dispela Bikpela tok i go long em: husat man i kilim yu, pei bek mas kamap long em sevenpela taim moa. Na Mi dispela Bikpela putim wanpela mak long Kein, sapos wanpela painim em mas kilim em.

41 Na Kein bin raus long stap bilong Bikpela, na wantaim meri bilong em na planti ol brata bilong em stap insait long kantri bilong Nod, Is long Iden.

42 Na Kein silip wantaim meri bilong em, na em karim bel na karim Enok, na Kein tu kamap papa long planti ol pikinini man na ol pikinini meri. Na em mekim wanpela bikpela taun, na givim nem long dispela bikplea taun bihain long nem bilong pikinini man bilong em, Enok.

43 Na long Enok bin bon Irat, na ol narapela pikinini man na pikinini meri. Na Irat kamap papa long Mehujael, na ol narapela pikinini man na pikinini meri. Na Mehujael kamap papa long Metusael, na ol narapela pikinini man na pikinini meri. Na Metusael kamap papa long Lamek.

44 Na Lamek kisim long em yet tupela meri long maritim; dispela nem bilong wanpela bin Ada, na nem bilong dispela narapela Sila.

45 Na Ada karim Jabal; em bin tumbuna man bilong ol samting olsem stap long haus sel, na ol bin lukautim ol bulumakau; na nem bilong brata bilong bin Jubal, husat bin tumbuna man bilong ol samting olsem long mekim music long gita na organ.

46 Na Sila, em tu karim Tubal Kein, wanpela instrakta bilong ol kain samting long bras na ain. Na Sista bilong Tubal Kein ol bin givim nem Naama.

47 Na Lamek tok olsem long ol meri bilong em, Ada na Sila: Harim nek bilong mi, yutupela ol meri bilong Lamek, bihaimim toktok bilong mi gut; bilong wanem Mi bin kilim wanpela yangpela man bikos em bin solapim mi.

48 Sapos wanpela kilim Kein God tok bai kisim hevi sevenpela moa, trutru Lemek bai kamap seventi na sevenpela moa;

49 Olsem Lemek bin mekim wanpela promis wantaim Satan, bihainim dispela pasin bilong Kein, long dispela we em bin kamap Masta Mahan bilong dispela bikpela tok hait olsem bin givim long Kein i kam long Satan; na Irad, dispela pikinini man bilong Inok, bin save long tok hait bilong ol, stat long tokaut long ol pikinini man bilong Edam;

50 Olsem na Lemek, bikos em bin belhat, kilim em, ino long wankain wei Kein bin kilim Abel, long as bilong kisim ol samting bilong em, tasol em kilim em bikos em bin mekim promis.

51 Olsem na, long dispela ol de bilong Kein, i bin gat wanpela hait kombinesen, na ol wok bilong ol bin insait long tudak, na ol bin save long olgeta man brata bilong em.

52 Olsem na Bikpela bin daunim Lemek, na haus lain bilong em, na olgeta dispela we bin promis wantaim Satan; olsem ol ino bin holim pas dispela ol komanmen bilong God, na ino amamasim God, na em ino minister i go long ol, na ol wok bilong ol bin nogut samting, na stat long spred namel long olgeta pikinini man bilong ol man. Na em bin namel long ol pikinini man bilong ol man.

53 Na dispela ol samting ol ino bin tokaut namel long ol pikinini meri bilong ol man, bikos olsem Lemek bin tokaut long dispela tokhait namellong ol meri bilong em, na ol agensim em, na tokaut long ol dispela samting ausait, na ino bin soim sore;

54 Olsem na ol lain bin les long Lamek, na rausim em go aut, na noken long kam namel long ol pikinini man, nogut bai em dai.

55 Na olsem dispela em ol wok bilong tudak stat long kam aut namel long olgeta pikinini man bilong man.

56 Na God i daunim dispela ples graun wantaim wanpela bikpela bagarap, na bin belhat wantaim ol lain husat mekim ol pasin nogut, wantaim olgeta ol pikinini man bilong ol man husat em bin mekim ol;

57 Bilong wanem ol bai no inap long bihainim nek bilong em, na no inap bilip long Wanpela Pikinini Man tasol, moa yet em husat i tokaut mas kam insait long dispela graun, husat bin redi long pastaim long stat bilong dispela wol.

58 Olsem na long tokaut long disppela Gospel, long taim bilong Edam, ol holi ensol bin kam daun long stap bilong God, na long nek bilong em yet, na long dispela presen bilong Holi Gos.

59 Olsem na olgeta samting i bin konfem i go long Edam, long wanpela holi odinens, na dispela Gospel ol i tokaut, na wanpela oda kam daun, olsem em mas kamap insait long dispela wol, inap long pinis; na em bin olsem. Amen.