Tok I Go Pas

Pel bilong Bikpela Prais em i wanpela seleksen long ol sampela impoten hap bilip na doktrin bilong dispela Sios bilong Jisas Krais bilong ol Seint long Las De. Dispela ol samting Profet Joseph Smith i bin tanim tok na mekim kamap, na klostu olgeta bin kamaut insait long niuspepa bilong Sios long taim bilong em.

Dispela nambawan bung bilong ol raiting karim taitol Pel bilong Bikpela Prais i bin kamap long 1851 i kam long Elda Franklin D. Richards, taim em i bin wanpela memba bilong dispela kaunsel bilong Twelpela na presiden bilong Britis Misin. Tingting bilong dispela ol raiting em i long mekim moa isi long kisim sampela ol dispela impotentoktok we long taim bilong Joseph Smith i bin gat liklik luksave. Taim ol memba bilong Sios kamap planti moa long olgeta hap long Yurop na Amerika, i bin gat dispela laik long mekim dispela ol toktokkamap redi. Pel bilong Bikpela Prais i kisim planti luksave na bihain kamap wanpela standat buk bilong Sios long eksen bilong nambawan Presidensi na dispela jeneral konferens long Salt Lake City long Oktoba 10, 1880.

Sampela ol senis bin kamap long ol samting i stap insait long taim ol laik bilong Sios i bin nidim. Long 1878 sampela ol liklik hap buk bilong Moses i no bin stap insait long dispela nabawan kopi, tasol nau Sios i putim ol wantaim. Long 1902 sampela pat bilong Pel Bilong Bikpela Prais we i bin ripit insait long Doktrin na ol Kavanen Sios i bin rausim. Long stretim toktok long ol sapta na vers, wantaim ol sampela nout aninit long pes, bin kamap long 1902. Dispela nambawan buk ol i bin putim aut wantaim indeks na dabol-kolom pes, i kamap pinis long 1921. Nogat ol narapela senis i bin kamap i go inap long Epril 1976, long dispela taim tupela ol aitem bilong revelesen Sios i bin putim wantaim. Long 1979 dispela ol tupela aitem Sios i bin rausim long Pel Bilong Bikpela Prais na putim insait long Doktrin na ol Kavanen, we nau ol i stap long seksen 137 na 138. Long kopi bilong nau sampela ol senis Sios i bin mekim long go wantaim ol pastaim raiting.

Neks em i wanpela sotpela tok save long ol samting i stap insait:

1. Ol seleksen i kam long dispela Buk bilong Moses. Dispela em i autim long buk bilong Jenesis long Baibel Joseph Smith tanim tok long en, taim em i stat long Jun 1830.

2. Buk bilong Abraham. Em i wanpela gutpela ol tingting i kam long ol raitin bilong Abraham. Joseph Smith stat long tanim tok insait long 1835 bihain long em i kisim sampela ol raitin antap long wanpela Isip haptok. Dispela tanim tok Joseph Smith stat long prinim aut wanpela bihain long narapela long Times and Seasons statin long Mas 1, 1842, long Nauvoo, Illinois.

3. Joseph Smith- Matyu. Em i wanpela autim long testimoni bilong Matyu insait long Baibel we Joseph Smith i bin tanim tok long en. (lukim Doktrin na ol Kavanen 45:60–61 dispela tok strong i kam long God long statim tanim tok long dispela Nupela Testaman).

4. Joseph Smith-Histori. Dispela em ol autim i kam long tok orait testimoni na histori bilong Joseph Smith, dispela we em na ol man bilong rait bilong em redim insait long 1838–1839 na dispela i bin putim aut wanpela bihain long narapela insait long Times and Seasons long Nauvoo, Illinois, statin long Mas 15, 1842.

5. Dispela ol Bilip bilong Sios bilong Jisas Krais bilong ol Seint long Las de. Dispela em i wanpela tok orait i kam long Joseph Smith long putim aut ol bilip bilong Sios long Times and Seasons Mas 1, 1842, long go wantaim wanpela liklik histori bilong dispela Sios ol lain i bin save long en olsem dispela Wentworth Letter.