Umfanekiso lotsetfwe eNcwadzini ya-Abrahama

Umdvwebo 1. IKolobe, lokusho indalo yekucala, ledvutane kakhulu nesilestiyali, noma lapho kuhlala khona Nkulunkulu. Lengeyekucala embusweni, neyekugcina ngalokuphatselene nekubalwa kwesikhatsi. Kubala ngekwesikhatsi sesilestiyali, sikhatsi sesilestiyali lesisho lilanga linye lelilingana nebudze bengalo. Lilanga linye kuyo iKolobe lilingana neminyaka leyinkhulungwane ngekubala kwalomhlaba, lokubitwa ngemaGibhithe ngeJah-oh-eh.

Umdvwebo 2. Ime edvute neKolobe, ibitwa ngemaGibhithe ngekutsi yi-Oliblishi, lokungulenye indalo lenkhulu lebusako edvute nesilestiyali noma indzawo lapho kuhlala khona Nkulunkulu; futsi lephetse sikhiya semandla, ngalokuphatselene nalamanye emaplanethi; njengoba embulwa nguNkulunkulu ku-Abrahama, ngesikhtasi enta umhlatjelo elatini, awantela iNkhosi.

Umdvwebo 3. Wentelwe kumela Nkulunkulu, ahleti esihlalweni sakhe sebukhosi, embetse emandla leligunya; anemchele wekukhanya kwaphakadze enhloko yakhe; futsi ukhombisa emagama lamaKhulu ebuPhristi lobuNgcwele, njengoba embulelwa Adamu eNsimini yase-Edeni, kanjalo naSethi, Nowa, Melkhisedeki, Abrahama, nakubo bonkhe lokwembulwa kubo lobuPhristi.

Umdvwebo 4. Uhambisana neligama lesiHebheru lelitsi Rawukeyangi, lelisho umkhatsi, noma sibhakabhaka semazulu; futsi luphawu lolusho inombolo, ngesiGibhithe lolusho inkhulungwane yinye; loluhambisana nekubala sikhatsi se-Oliblishi, lelingana neKolobe ekutungeleteni kwayo nekubala kwayo sikhatsi.

Umdvwebo 5. Ibitwa ngesiGibhithe ngekutsi yi-Enish-go-on-doshi; lena ngulenye futsi yemaplanethi labusako, ibitwa ngemaGibhithe ngekutsi Lilanga, futsi itfola kukhanya kwayo kuyo iKolobe ngelusito lweKae-e-vanrashi, lokuSikhiya lesikhulu, noma, ngalamanye emagama, ngemandla labusako, labusa lamanye emaplanethi noma tinkhanyeti letilishumi nesihlanu letime ndzawonye, kanjalo njengeFlowesi noma iNyanga, uMhlaba kanye neLilanga kuko kutungeleta kwako ngemnyaka. Leplanethi itfola emandla ayo ngelusito lweKli-flos-is-es, noma ngeHa-ko-kawu-bhimu, tinkhanyeti letikhonjiswe ngetinombolo 22 na 23, letitfola kukhanya ekutungeleteni kweKolobe.

Umdvwebo 6. Umele lomhlaba emagunjini awo lamane.

Umdvwebo 7. Umele Nkulunkulu ahleti esihlalweni sakhe sebukhosi, embula ngemazulu emagama lamaKhulu ebuPhristi; kanjalo nesibonakaliso saMoya loNgcwele ku-Abrahama, esimeni selituba.

Umdvwebo 8. Ucuketse imibhalo lengeke yembulwe emhlabeni; kodvwa ingatfolakala eThempelini leliNgcwele laNkulunkulu.

Umdvwebo 9. Akukafaneli wembulwe kulesikhatsi samanje.

Umdvwebo 10 Nawo futsi.

Umdvwebo 11. Nawo futsi. Uma umhlaba ungatitfola leti tinombolo, akube njalo. Amen.