¶ 1 NAE behe foki e Ahitofeli kia Abisalomi, Tuku keu fili mai ha kau tagata e toko taha mano moe toko ua afe, bea teu tuu hake mo tuli atu kia Tevita i he bo ni:

2 Bea teu hoko atu kiate ia lolotoga a ene ogojia mo nima vaivai, beau fakamanavahe‘i ia: bea e hola ae kakai kotoabe oku iate ia; bea teu ta‘i ae tu‘i toko taha be:

3 Bea teu toe omi kiate koe ae kakai kotoabe: koe tagata aia oku ke kumi oku hage ia koe liliu mai oe kakai kotoabe: bea e fiemalie ai ae kakai kotoabe.

4 Bea nae lelei ae lea ni kia Abisalomi, bea moe mātua kotoabe o Isileli.

5 Bea nae toki behe e Abisalomi, Ui eni foki kia Husai koe tagata Aliki, bea ke tau fanogo ki he ene lau aana.

6 Bea i he ene hoko mai a Husai kia Abisalomi, nae lea a Abisalomi kiate ia, o behe, Kuo behe ni ae lea kuo fai e Ahitofeli: te tau fai be ikai ki he ene lea? kabau e ikai, ke ke lea mai be koe.

7 Bea nae behe e Husai kia Abisalomi, Koe fakakaukau kuo lea aki e Ahitofeli oku ikai lelei i he gaahi aho koeni.

8 He nae behe e Husai, Oku ke ilo a hoo tamai bea mo ene kau tagata, koe kau tagata to‘a akinautolu, bea kuo nau mamahi i ho nau loto, o hage ko ha beaa kuo kaihaaji mei ai hono uhiki i he vao: bea ko hoo tamai koe tagata maheniai moe tau, bea e ikai te ne nofo fakataha moe kakai.

9 Vakai, kuo fufu eni ia i ha luo, be i ha botu kehe: bea e hoko o behe, oka to hifo ho nau niihi i he kamataaga, e behe eia kotoabe oku fanogo ki ai, Kuo fai ae teia i he lotolotoga oe kakai oku muimui kia Abisalomi.

10 Bea koia foki oku to‘a bea tatau hono loto moe loto o ha laione, e vaivai aubito: he oku ilo e Isileli katoa ko hoo tamai koe tagata to‘a ia, bea oku loto to‘a akinautolu oku kau moia.

11 Koia ko eku fakakaukau aaku ke tanaki kotoabe a Isileli kiate koe, mei Tani o a‘u atu ki Beasiba, ke hage koe oneone oe matātahi a ho nau toko lahi; bea ko koe, ke alu koe ki he tau.

12 Bea behe, te tau hoko atu kiate ia i ha botu be e ilo ai ia, bea te tau to hifo ki ai o hage koe to hifo ae hahau ki he fuga kelekele: bea iate ia bea moe kau tagata kotoabe oku kau moia e ikai aubito tuku ke toe ha nau toko taha.

13 Bea kabau foki kuo ne hu atu ki ha kolo, e toki omi ai e Isileli katoa ha gaahi maea ki he kolo koia, bea te tau tohoaki ia ki he vaitafe, kae oua ke taeilo‘i i ai hano momoi foi maka jii e taha.

14 Bea nae behe e Abisalomi bea moe kau tagata kotoabe o Isileli, Oku lelei hake ae fakakaukau a Husai koe tagata Aliki i he fakakaukau a Ahitofeli. He nae tuutuuni e Jihova ke veuveuki ae fakakaukau lelei a Ahitofeli, koeuhi kae omi e Jihova ae kovi kia Abisalomi.

¶ 15 Bea nae toki behe ai e Husai kia Satoki mo Abiata koe ogo taulaeiki, Nae behe mo behe ae fakakaukau nae fai e Ahitofeli kia Abisalomi bea moe kau mātua o Isileli; bea kuo behe mo behe a eku fakakaukau aaku.

16 Koia foki mo fekau fakatootoo, bea tala kia Tevita, o behe, Oua naa ke nofo i he bo ni i he botu ataatā oe toafa, ka ke mole atu ke vave; telia naa fogia hifo ae tu‘i bea moe kakai kotoabe oku iate ia.

17 Ka koeni nae nofo a Jonatane mo Ahimasi o ofi ki Eni‐lokeli; he nae tabu e na hu mai ki he kolo: koia nae alu ai ha fefine o ne tala ia kiate kinaua; bea naa na alu o fakaha ia ki he tu‘i ko Tevita.

18 Ka nae mamata kiate kinaua ha tamajii, bea ne fakaha ia kia Abisalomi: ka naa na alu fakatootoo fakatouoji, o na hoko ki he fale o ha tagata i Bahulimi, aia nae ma‘u ha luo vaikeli i hono lotoā, bea naa na alu hifo ki ai.

19 Bea nae omi e he fefine ha mea ufiufi o ne ufiufi aki ae gutu oe luo vai, bea nae folofolahi ki ai ae fua‘i uite aia nae momoji; bea nae ikai ilo‘i ae mea koia.

20 Bea i he hoko mai ae kau tamaioeiki a Abisalomi ki he fefine i he fale, naa nau behe, Kofaia a Ahimasi bea mo Jonatane? Bea nae behe e he fefine kiate kinautolu, Kuo na mole atu ki he kauvai e taha. Bea hili e nau kumi mo taeilo‘i akinaua, naa nau toe alu ki Jelusalema.

21 Bea nae hoko o behe, hili e nau alu, naa na alu hake mei he luo vaikeli, o na o mo fakaha kia Tevita, koe tu‘i, o na behe kia Tevita, Tuu hake, bea alu fakatootoo atu ki he kau vai: he kuo behe ni ae fakakaukau a Ahitofeli kiate kimoutolu.

22 Bea nae toki tuu hake ai a Tevita, bea moe kakai kotoabe nae iate ia, bea naa nau aa atu ki he kauvai e taha o Joatani: i he ene maa hake ae aho nae ikai toe ha toko taha nae tae aa atu i Joatani.

¶ 23 Bea i he ene mamata e Ahitofeli kuo ikai fai a ene fakakaukau aana, naa ne ai ae hekaaga ki he ene asi, bea ne tuu hake, bea nae alu ia ki hono abi, bea ki hono kolo, bea naa ne tuku ae fekau ki hono fale, bea ne tautau eia ia, o ne mate, bea nae tanu ia i he faitoka o ene tamai.

24 Bea hili ia nae ha‘u a Tevita ki Mehanemi. Bea nae aa atu a Abisalomi i Joatani, aia moe kau tagata kotoabe o Isileli nae iate ia.

¶ 25 Bea nae fakanofo e Abisalomi a Amasa koe eiki bule oe tau koe fetogi o Joabe: bea ko Amasa koe foha ia oe tagata aia nae higoa ko Itila koe tagata Isileli, aia nae alu o mohe mo Abikali koe ofefine o Naasi, bea koe tokoua kia Seluia koe fa‘e a Joabe.

26 Koia nae nofo ai a Isileli mo Abisalomi i he fonua o Kiliati.

¶ 27 Bea nae hoko o behe, i he ene hoko mai a Tevita ki Mehanemi,  nae ha‘u a Sobi koe foha o Naasi mei Laba i he fānau a Amoni, mo Mekili koe foha o Amieli o Lotibale, mo Basilai koe tagata Kiliati mei Lokelimi,

28 O  nau omi ae gaahi moheaga, moe gaahi ibu, moe gaahi ibu kelekele, moe uite, moe baale, moe mahoaa, moe uite nae tunu, moe bini, moe faahiga bini nae tunu.

29 Moe honi, moe bota, moe faga sibi, moe jisi mei he  huhua oe faga bulu fefine,  koe mea ma a Tevita, bea moe kakai kotoabe nae iate ia, ke nau kai: he naa nau behe, Kuo fiekaia ae kakai, mo ogojia, mo fieinua, i he toafa.