¶ 1 BEA hili eni nae hoko o behe, nae bekia ae tu‘i oe fānau a Amoni, bea nae hoko moia i he bule a hono foha ko Hanuni.

2 Bea nae behe ai e Tevita, Teu fakaha ae ofa kia Hanuni koe foha o Naasi, koeuhi koe fakaha ae ofa kiate au e he ene tamai. Bea nae fekau atu e Tevita a ene kau tamaioeiki ke nau fakafiemaiie‘i ia koeuhi ko ene tamai. Bea nae ha‘u  ai ae kau tamaioeiki a Tevita ki he fonua oe fānau a Amoni.

3 Bea nae behe e he houeiki oe fānau o Hanuni ko ho nau eiki, Oku ke mahalo, kuo fai fakaabaaba a Tevita ki hoo tamai, i he ene fekau mai ae kau fakafiemalie kiate koe? Ikai kuo fekau mai e Tevita a ene kau tamaioeiki kiate koe, koeuhi ke nau hakule ae kolo, bea mamata ki ai, bea ke nau lava‘i ia?

4 Koia nae buke e Hanuni ae kau tamaioeiki a Tevita, mo ne tele fakabotu taha a ho nau fakabau, mo ne tuuji fakavaeua a ho nau gaahi kofu vala,  o fai mei he tuugaiku, mo ne toki fekau ke nau alu.

5 Bea i he e nau hoko o fakaha ia kia Tevita, naa ne fekau atu  ha niihi ke fakafetaulaki atu kiate kinautolu, he naa nau ma lahi aubito: bea nae behe e he tu‘i, Mou tatali i Jeliko kae oua ke toe tubu a ho mou kava, bea mou toki ha‘u.

¶ 6 Bea i he vakai e he fānau a Amoni kuo nau namukū i he ao o Tevita, nae fekau atu e he fānau a Amoni, mo nau totogi ki he kakai Silia nae  nofo i Bete‐lehobi, moe kakai Silia i Soba, koe kau tagata haele e toko ua mano, bea mei he tu‘i ko Meaka ae kau tagata e toko taha afe, bea moe kau tagata e toko taha mano moe toko ua afe mei a Isitobi.

7 Bea i he ene fanogo ki ai a Tevita, naa ne fekau atu a Joabe, bea mo ene kau tagata tau kotoabe.

8 Bea nae hu mai kitua ae fānau a Amoni, bea naa nau fakanofo ae tau i he huaga oe matani kolo: ka nae tuu kehe fakataha i he ataatā ae kakai Silia o Soba, bea mo Lehobi, bea mo Isitobi, bea mo Meaka.

9 Bea i he ene mamata e Joabe kuo fakanofo mai ae tau mei mua bea mei mui, naa ne fili mai ae kau to‘a kotoabe o Isileli nae ogoogoa, mo ne tuku  akinautolu ke tau‘i ae kakai Silia:

10 Bea ko hono toe oe kakai naa ne tuku ki he nima o hono tokoua ko Abisai, koeuhi ke ne tau‘i aki  akinautolu ae fānau a Amoni.

11 Bea naa ne behe, Kabau e malohi fau ae kakai Silia kiate au, te ke toki tokoni mai ekoe: bea kabau e malohi fau kiate koe ae fānau a Amoni, teu toki hau au o tokoni kiate koe.

12 Mou loto to‘a, bea ke tau fai o galigali tagata koeuhi ko ho tau kakai, bea moe gaahi kolo o ho tau Otua: bea ke fai e Jihova aia oku lelei kiate ia.

13 Bea nae unuunu atu a Joabe, bea moe kakai nae iate ia, ke  nau tau‘i ae kakai Silia: bea naa nau hola mei hono ao.

14 Bea i he jio ae fānau a Amoni oku hola ae kakai Silia, naa nau toki hola foki mei he ao o Abisai, o nau hu ki he kolo. Koia nae foki mai a Joabe mei he fānau a Amoni, o ne ha‘u ki Jelusalema.

¶ 15 Bea i he vakai e he kakai Silia kuo teia akinautolu i he ao o Isileli, naa nau tanaki fakataha akinautolu.

16 Bea nae fekau atu e Hetatesa, o ne omi ae kakai Silia nae nofo i he tua vaitafe: bea naa nau ha‘u ki Elami; bea nae tataki akinautolu e Sobaki koe eiki bule ki he kau tau a Hetatesa.

17 Bea i hono fakaha eni kia Tevita, naa ne tanaki fakataha a Isileli katoa, bea naa nau aa atu i Joatani, o nau hoko atu ki Elami. Bea nae teuteu‘i ae tau ae kakai Silia kia Tevita, bea naa nau tau mo ia.

18 Bea nae feholaki ae kakai Silia mei he ao o Tevita: bea nae tamate‘i e Tevita ae  kau tagata nae heka i he gaahi jaliote e fitugeau oe kakai Silia, bea moe kau heka hose e toko fa mano, bea naa ne ta‘i a Sobaki koe eiki bule oe nau kau tau, aia nae mate i ai.

19 Bea i he jio ae haa tu‘i kotoabe nae toka kia Hetatesa, kuo teia akinautolu i he ao o Isileli, naa nau alea ke nau melino mo Isileli, bea naa nau toka mai kiate kinautolu. Koai nae manavahe ai ae kakai Silia ke toe tokoni ki he fānau a Amoni.