¶ 1 BEA i he ene tuku ki mui jii e Tevita ae tumutumu  oe mouga, vakai, nae fakafetaulaki mai kiate ia a Siba koe tamaioeiki a Mifiboseti, bea  kuo omi moia ae faga asi e ua nae fua kavega, bea nae fakaheka ki ai ae ma e uageau, moe fuhiga kalebi momoa e teau, moe fua‘i akau e teau oe faahita‘u mafana, bea moe hina oe uaine.

2 Bea nae behe e he tu‘i kia Siba, Koeha hono uhiga oe gaahi mea ni? Bea nae behe e Siba, Koe ogo asi oku ma ae kakai oe fale oe tu‘i ke heka ki ai; bea koe ma moe fua‘i akau oe faahita‘u mafana, koe mea ia ke kai e he kau talavou; bea koe uaine, koe mea ia ke inu ai akinautolu e vaivai i he toafa.

3 Bea nae behe e he tu‘i, Bea kofaa ae foha o hoo eiki? Bea nae behe e Siba ki he tu‘i, Vakai, oku nofo ai be ia i Jelusalema: he naa ne behe, Koe aho eni e toe omi kiate au e he fale o Isileli ae buleaga o eku tamai.

4 Bea nae toki behe ai e he tu‘i kia Siba, Vakai, oku aau aia kotoabe nae ia Mifiboseti. Bea nae behe e Siba, Oku ou fakaabaaba kiate koe, bea tuku, e tu‘i, ke ofeina au i ho ao.

¶ 5 Bea i he ene hoko mai ae tu‘i ko Tevita ki Bahulimi, vakai, nae ha‘u mei ai ha tagata mei he faahiga moe fale o Saula, aia nae higoa ko Simi, koe foha o Kela: bea nae ha‘u be ia, bea kabe mai be i he ene ha‘u.

6 Bea naa ne lijigi ae gaahi maka kia Tevita, bea ki he kau tamaioeiki kotoabe a Tevita koe tu‘i: ka nae tutuu ae kakai kotoabe, moe kau tagata to‘a kotoabe, ki hono nima toomatau mo hono toohema.

7 Bea nae behe ae lea a Simi i he ene kabe, Hu mai, hu mai, akoe koe tagata bani toto, bea ko koe koe tagata oe agakovi:

8 Kuo toe totogi kiate koe e Jihova ae toto kotoabe oe fale o Saula, aia kuo ke fetogi i he bule; bea kuo tuku e Jihova ae buleaga ki he nima o Abisalomi ko ho foha: bea vakai, kuo moua koe i hoo kovi, koeuhi koe tagata bani toto koe.

¶ 9 Bea nae toki behe ai e Abisai koe tama o Seluia ki he tu‘i, Koeha e tuku ke kabe ai ae kuli mate ni ki hoku eiki koe tu‘i? Oku ou kole kiate koe, tuku au keu alu atu o tuuji a hono ulu.

10 Bea nae behe e he tu‘i, Koeha au kiate kimoutolu, ae gaahi tama o Seluia? tuku be ke ne kabe mai, he kuo behe e Jihova kiate ia, Kabe kia Tevita. Bea ka kuo behe, kohai e behe  atu, Koeha kuo ke fai behe ai?

11 Bea nae behe e Tevita kia Abisai, bea mo ene kau tamaioeiki kotoabe, Vakai, ko hoku foha aia nae ha‘u mei hoku fatu, oku kumi ki he eku moui: bea ka kuo behe ikai e gofua hake ke fai ia e he tagata Benijimani ni? tuku noa ai be ia, bea tuku be ke ne kabe; he kuo fekau ia e Jihova.

12 Hei ilo e afio e Jihova ki he eku mamahi, bea totogi lelei au e Jihova koeuhi ko ene kabe kiate au he aho ni.

13 Bea i he ene alu atu a Tevita bea mo ene kau tagata i he hala, nae alu atu a Simi i he tahifohifo oe mouga, o feouga atu moia, bea naa ne kabe be mo alu, bea ne liji ae gaahi maka kiate ia, mo ne laku ae efu  kiate ia.

14 Bea koe tu‘i, bea moe kakai kotoabe nae iate ia, naa nau omi ki he botu koia, ke mālōlō ai, he kuo nau ogojia.

¶ 15 Bea nae hoko mai ki Jelusalema, a Abisalomi bea moe kakai tagata kotoabe o Isileli, bea nae  alu moia a Ahitofeli.

16 Bea nae hoko o behe, i he ene hoko mai kia Abisalomi a Husai koe tagata Aliki, koe kaiga o Tevita, nae behe e Husai kia Abisalomi, Ke moui ae tui, ke moui ae tu‘i.

17 Bea nae behe e Abisalomi kia Husai, Ko hoo ofa eni ki ho kaiga? koeha nae ikai te ke alu ai mo ho kaiga?

18 Bea nae behe e Husai kia Abisalomi Ikai; ka koia oku fili e Jihova, bea moe kakai ni, bea moe kau tagata kotoabe o Isileli, teu kau moia, bea koia be teu nofo ki ai.

19 Bea kohai foki oku totonu keu tauhi ki ai? ikai i he ao o hono foha? o hage ko eku tauhi i he ao o hoo tamai, teu behe foki au i ho ao oou.

¶ 20 Hili ia nae behe e Abisalomi kia Ahitofeli, Mou fakakaukau iate kimoutolu be koeha te tau fai.

21 Bea nae behe e Ahitofeli kia Abisalomi, Alu atu koe ki he jinifu o hoo tamai, aia kuo ne tuku ke leohi ae fale; bea e fanogo e Isileli kotoabe kuo fehianekina aubito koe e hoo tamai: bea e toki malohi ai ae nima okinautolu kotoabe oku kau mo koe.

22 Koia naa nau folahi atu ai ha fale tubenu i he tua fale ki oluga: bea nae hu atu ki ai a Abisalomi ki he jinifu o ene tamai i he ao o Isileli kotoabe.

23 Bea koe fakakaukau a Ahitofeli aia naa ne fai i he gaahi aho koia, nae hage koe eke e ha tagata ki he folofola ae Otua: nae behe be ae fakakaukau a Ahitofeli kia Tevita bea mo Abisalomi fakatouoji.