DJS, Mateo 4:1, 5–6, 8–9 (enzanisa Mateo 4:1, 5–6, 8–9; zvakafana nezvakashandurwa muna Ruka 4:2, 5–11)
(Jesu akatungamirwa neMweya, kwete naSatani.)
1 Zvino Jesu akatungamirwa neMweya, kuenda murenje, kuti ave naMwari.
5 Zvino Jesu akatorwa akaendwa naye muguta dzvene, uye Mweya ukamuisa panharire yetemberi.
6 Zvino dhiabhorosi akauya kwaari uye akati, Kana uri Mwanakomana waMwari, zvikande pasi: nokuti zvakanyorwa kunzi, Achapa ngirozi dzake hutariri pamusoro pako: uye mumaoko adzo dzichakusimudza, kuti panguva ipi zvayo usarovere rutsoka rwako padombo.
8 Uye zvakare, Jesu akanga ari muMweya, uye ukamutora ukamukwidza mugomo rakareba zvikuru, uye ukamuratidza umambo hwose hwepasi nokubwinya kwahwo.
9 Uye dhiabhorosi akauya kwaari zvakare, uye akati, Zvose izvi ini ndinokupa, kana ukawira pasi uye ukandinamata.
DJS, Mateo 4:11 (enzanisa Mateo 4:11)
(Jesu akatuma ngirozi kunoparidza kuna Johane Mubapatidzi.)
11 Uye zvino Jesu akaziva kuti Johane akandwa mutirongo, uye akatuma ngirozi, uye tarisai, dzakauya dzikamuparidzira.
DJS, Mateo 4:18 (enzanisa Mateo 4:19)
(Maporofita veTestamente yaKare vakataura nezvaJesu.)
18 Uye akati kwavari, Ndini iye uyo akanyorwa nezvake nevaporofita; nditeverei, uye ndichakuitai varedzi vevanhu.
DJS, Mateo 4:22 (enzanisa Mateo 4:23)
(Jesu akarapa vanhu mukati meavo vaitenda muzita rake.)
22 Uye Jesu akaenda muGarirea yose achidzidzisa mumasinagogo avo, uye achiparidza vhangeri reumambo; uye achirapa ndudzi dzose dzehurwere uye ndudzi dzose dzezvirwere mukati mevanhu vaitenda muzita rake.