ປຈສ, ມັດທາຍ 26:22, 24–25. ປຽບທຽບໃສ່ກັບ ມັດທາຍ 26:26–28; ປຈສ, ມາຣະໂກ 14:20–25
ເປັນເທື່ອທຳອິດ ພຣະເຢຊູຫັກເຂົ້າຈີ່ຂອງສິນລະລຶກເປັນປ່ຽງໆ ແລ້ວອວຍພອນມັນ. ສິນລະລຶກເປັນການລະນຶກເຖິງພຣະກາຍ ແລະ ໂລຫິດຂອງພຣະເຢຊູ.
22 ແລະ ໃນຂະນະທີ່ເຂົາເຈົ້າຮັບປະທານອາຫານ, ພຣະເຢຊູໄດ້ຢິບເຂົ້າຈີ່ຂຶ້ນມາ ແລະ ຫັກມັນເປັນປ່ຽງໆ, ແລະ ໄດ້ອວຍພອນມັນ, ແລະ ໄດ້ເອົາໃຫ້ສານຸສິດຂອງພຣະອົງກິນ, ແລະ ກ່າວວ່າ, ຈົ່ງຮັບກິນເຖີດ; ນີ້ເປັນການລະນຶກເຖິງເນື້ອກາຍຂອງເຮົາ ຊຶ່ງເຮົາໄດ້ໄຖ່ແທນພວກເຈົ້າ.
24 ເພາະນີ້ເປັນການລະນຶກເຖິງເລືອດຂອງເຮົາ ເພື່ອເປັນພັນທະສັນຍາໃໝ່, ຊຶ່ງເຮົາໄດ້ຫລັ່ງເພື່ອຫລາຍຕໍ່ຫລາຍຄົນທີ່ຈະເຊື່ອໃນນາມຂອງເຮົາ, ເພື່ອການປົດບາບຂອງພວກເຂົາ.
25 ແລະ ເຮົາມອບບັນຍັດຂໍ້ໜຶ່ງໃຫ້ແກ່ພວກເຈົ້າ, ວ່າພວກເຈົ້າຈະຍຶດຖື ທີ່ຈະເຮັດສິ່ງທີ່ພວກເຈົ້າເຄີຍເຫັນເຮົາເຮັດ, ແລະ ເປັນພະຍານເຖິງເຮົາ ຈົນເຖິງທີ່ສຸດຂອງຊີວິດ.