Seleksies vanuit die Joseph Smith-vertaling van die Bybel

Die volgende is geselekteerde gedeeltes van die Joseph Smith-vertaling van die King James-Bybel (JSV). Die Here het die Profeet Joseph Smith geïnspireer om waarhede tot die King James-Bybelteks te herstel wat verlore geraak het sedert die oorspronklike woorde geskryf is. Hierdie herstelde waarhede het leerstellings verhelder en skriftuurlike begrip verbeter.

Omdat die Here sekere waarhede aan Joseph geopenbaar het wat die oorspronklike outeurs opgeteken het, is die Joseph Smith-vertaling anders as enige ander Bybelvertaling in die wêreld. In hierdie sin word die woord vertaling in ’n breër en op ’n ander wyse as normaalweg gebruik, want Joseph se vertaling was meer openbaring as letterlike vertaling van een taal in ’n ander.

Joseph Smith se vertaling van die King James-Bybel word verbind met of word genoem in verskeie afdelings van die Leer en Verbonde (sien afdelings 37, 45, 73, 76, 77, 86, 91, en 132). Die boek van Moses en Joseph Smith—Matthéüs is ook uittreksels uit die Joseph Smith-vertaling.

Vir meer inligting oor die Joseph Smith-vertaling, sien “Joseph Smith-vertaling (JSV)” in die Gids tot die Skrifture.

Die volgende illustrasie is ’n voorbeeld van ’n seleksie uit die Joseph Smith-vertaling:

Beeld

voorbeeld

JSV, Matthéüs 4:1, 5–6, 8–9. Vergelyk Matthéüs 4:1, 5–6, 8–9; soortgelyke veranderings is in Lukas 4:2, 5–11 aangebring

Jesus is deur die Gees gelei, nie deur Satan nie.

1 Toe is Jesus deur die Gees na die wildernis gelei om by God te wees.

5 Toe is Jesus opgeneem in die heilige stad en die Gees het hom op die bo-punt van die tempel geplaas.

6 Toe kom die duiwel na hom en sê, Indien U die Seun van God is, werp Uself af, want dit is geskrywe, Hy sal sy engele opdrag gee aangaande U, en in hulle hande sal hulle U dra, sodat U nie op enige tyd u voet teen ’n klip stamp nie.

8 En verder, Jesus was in die Gees, en dit neem hom na ’n uitermate hoë berg en toon aan Hom al die koninkryke van die wêreld en die heerlikheid daarvan.

9 En die duiwel het weer na Hom gekom, en gesê, Al hierdie dinge sal ek aan U gee, indien U sal neerval en my aanbid.

Hierdie verwysing in vetdruk is die gedeelte in Joseph Smith se vertaling van die King James-bybel. Omdat sy vertaling woorde tot die Bybelteks herstel het, mag die versnommers verskil van die uitgawe wat u gebruik.

Hierdie kruisverwysing dui die gedeelte in u Bybel aan wat u moet vergelyk met die Joseph Smith-vertaling.

Hierdie stelling verduidelik watter leerstelling Joseph Smith met sy vertaling verhelder het.

Dit is die teks soos Joseph Smith dit vertaal het. (Kursief is aangebring om die verskille met die King James-bewoording aan te toon.)