Kev Foom Koob Hmoov rau cov Neeg Mob

Kev foom koob hmoov rau cov neeg mob “los ntawm kev tso tes rau saum taub hau” muaj ob feem: kev pleev roj thiab kev foom koob hmoov kom muab kev pleev roj khi cia. Yog tias tsis muaj cov roj uas tau muab fij tseg, ces muaj cai foom koob hmoov rau ib tug neeg los ntawm txoj cai ntawm lub Pov Thawj Hwj Mekhixedes tsis tas ua kev pleev roj.

Ib tug uas tuav lub Pov Thawj Hwj Mekhixedes ua txoj kev pleev roj. Nws:

1. Tso ib tee roj uas tau muab fij tseg saum tus neeg lub taub hau.

2. Maj mam tso nws tes saum tus neeg lub taub hau thiab hais tus neeg ntawd lub npe thiab lub xeem kom tag nrho.

3. Hais tias nws ua los ntawm txoj cai ntawm lub Pov Thawj Hwj Mekhixedes.

4. Hais tias nws pleev cov roj uas tau muab fij tseg kom pleev roj thiab foom koob hmoov rau cov neeg mob thiab txom nyem.

5. Hais los ntawm Yexus Khetos lub npe thaum kawg.

Kom tau muab txoj kev pleev roj khi cia, ib tug uas tuav lub Pov Thawj Hwj Mekhixedes los sis coob tus maj mam tso lawv tes saum tus neeg lub taub hau. Ces tus uas yuav muab kev pleev roj khi cia:

1. Hais tus neeg ntawd lub npe thiab lub xeem kom tag nrho.

2. Hais tias nws muab txoj kev pleev roj khi cia los ntawm txoj cai ntawm lub Pov Thawj Hwj Mekhixedes.

3. Hais lus foom koob hmoov raws li tus Ntsuj Plig qhia.

4. Hais los ntawm Yexus Khetos lub npe thaum kawg.