Kev Tis Npe thiab Foom Koob Hmoov rau cov Me Nyuam

Feem ntau yus muab ib tug me nyuam tis npe thiab foom koob hmoov rau nws nyob hauv kev sib ntsib thaum yoo mov thiab hais lus tim khawv nyob hauv pawg ntseeg uas nws niam nws txiv nyob. Tus npisov yuav tsum pom zoo yog tias yuav foom koob hmoov rau tus me nyuam hauv ib qho chaw thiab lub sij hawm txawv.

Raws li pawg npisov qhia, cov uas tuav lub Pov Thawj Hwj Mekhixedes koom ua ib lub voj voog kom tis npe thiab foom koob hmoov rau ib tug me nyuam. Lawv tso lawv tes hauv qab tus me nyuam, los yog tso tes saum ib tug me nyuam hlob zog lub taub hau. Ces tus uas yog tus hais lus:

1. Hais Leej Txiv Saum Ntuj Ceeb Tsheej lub npe ib yam li thaum thov Vajtswv.

2. Hais tias txoj koob hmoov no yog ua los ntawm txoj cai ntawm lub Pov Thawj Hwj Mekhixedes.

3. Hais lub npe uas tau tis rau tus me nyuam

4. Hais lus rau tus me nyuam.

5. Foom koob hmoov rau tus me nyuam raws li tus Ntsuj Plig qhia.

6. Hais los ntawm Yexus Khetos lub npe thaum kawg.