Kev Muab lub Pov Thawj Hwj thiab Kev Tsa Ua Ib lub Luag Hauj Lwm

Muaj ob pawg ntawm lub pov thawj hwj: lub pov thawj hwj Aloos thiab lub pov thawj hwj Mekhixedes. Thaum yus muab lub pov thawj rau ib tug txiv neej, ces yus kuj muab nws tsa rau ib lub luag hauj lwm los ntawm lub pov thawj hwj ntawd. Tom qab tau muab ob lub pov thawj hwj no rau ib tug txiv neej, ces tsuas yuav tau muab tus ntawd tsa rau lwm lub luag hauj lwm los ntawm lub pov thawj hwj ntawd xwb.

Ceg txheem ntseeg tus thawj tswj hwm los sis ib tug uas tuav lub Pov Thawj Hwj Mekhixedes uas tus thawj tswj hwm coj muaj cai muab ib tug txiv neej tsa rau lub luag hauj lwm ua ib tug txwj laug. Tsuas yog cov uas tuav lub Pov Thawj Hwj Mekhixedes muaj cai sawv hauv lub voj voog.

Ceg txheem ntseeg los sis ib tug pov thawj hlob uas nws coj muaj cai muab neeg tsa rau lub luag hauj lwm ua ib tug pov thawj hlob. Tsuas yog cov pov thawj hlob muaj cai sawv hauv lub voj voog.

Ib tug pov thawj los sis ib tug uas tuav lub Pov Thawj Hwj Mekhixedes muaj cai tsa ib tug tub hluas tsa rau lub luag hauj lwm ua ib tug dikas, xib hwb, los sis pov thawj. Tus npisov yuav tsum tso cai rau nws.Tus npisov los sis ib tug uas nws txib yuav tsum nyob ntawd.

Ib tug neeg yuav tsum yog ib tug pov thawj los sis ib tug uas tuav lub Pov Thawj Hwj Mekhixedes kom pab muab neeg tsa rau lub Pov Thawj Hwj Aloos.

Kom muab lub pov thawj hwj rau ib tug neeg thiab tsa nws rau ib lub luag hauj lwm los ntawm lub pov thawj hwj, ib tug uas tuav lub pov thawj hwj uas tus npisov pom zoo ua los sis coob tus maj mam tso lawv tes saum tus neeg lub taub hau. Ces tus uas yog tus hais lus:

1. Hais tus neeg ntawd lub npe thiab lub xeem kom tag nrho.

2. Hais txoj cai uas nws tus kheej tuav kom ua tau txoj kab ke ntawd (yog lub Pov Thawj Hwj Aloos los sis lub Pov Thawj Hwj Mekhixedes).

3. Muab lub Pov Thawj Hwj Aloos los sis lub Pov Thawj Hwj Mekhixedes rau nws, tsuas tsis hais li no yog tias twb tau muab lawm.

4. Muab tus neeg ntawd tsa rau ib lub luag hauj lwm los ntawm lub Pov Thawj Hwj Aloos los sis lub Pov Thawj Hwj Mekhixedes thiab muab tag nrho tej kev muaj cai, hwj chim, thiab txoj cai ntawm lub luag hauj lwm ntawd.

5. Hais lus foom koob hmoov raws li tus Ntsuj Plig qhia.

6. Hais los ntawm Yexus Khetos lub npe thaum kawg.

Kom muab ib tug neeg tsa rau ib lub luag hauj lwm los ntawm lub pov thawj hwj tom qab tau muab lub pov thawj hwj tsim nyog rau nws lawm, tus neeg uas muab tus neeg tsa tsis hais qhov 3.