Kev Foom Koob Hmoov Kom Nplij Siab thiab Ntuas, Xws Li cov Txiv Tsev txoj Kev Foom Koob Hmoov

Kom foom koob hmoov nplij ib tug neeg lub siab thiab ntuas nws los sis muab tus txiv tsev txoj kev foom koob hmoov, ib tug uas tuav lub Pov Thawj Hwj Mekhixedes los sis coob tus maj mam tso lawv tes saum tus neeg ntawd taub hau. Ces tus uas yog tus hais lus:

1. Hais tus neeg ntawd lub npe thiab lub xeem kom tag nrho.

2. Hais tias txoj koob hmoov no yog ua los ntawm txoj cai ntawm lub Pov Thawj Hwj Mekhixedes.

3. Hais lus foom koob hmoov, nplij siab, thiab ntuas tus neeg ntawd raws li tus Ntsuj Plig qhia.

4. Hais los ntawm Yexus Khetos lub npe thaum kawg.