Mokuna 83.
He Hoikeana i Haawi ia ma o Iosepa la, ka Mea Ike, ma Kuokoa, [Independence,] Kalana o Iakekona, Misouri, Aperila, la 30, M. H. 1832.
1. He oiaio, penei wahi a ka Haku, ma ke ano he pakui i na kanawai o ka Ekalesia e pili ana i na wahine a me na keiki, ka poe he mau lala o ka Ekalesia, ka poe i make ka lakou mau kane, a i ole, ko lakou mau makuakane.
2. He kuleana ko na wahine maluna o ka lakou mau kane no ko lakou malama ia ana, a hiki i ka lawe ia ana aku o ka lakou mau kane, a ina aole lakou he poe lawehala, e loaa no ia lakou ke kuleana hoahanau piha iloko o ka Ekalesia;
3. A ina aole lakou i kupaa, aole e loaa ia lakou ke kuleana hoahanau piha iloko o ka Ekalesia; aka nae, he hiki no ia lakou ke noho maluna o ko lakou mau aina hooilina e ku i na kanawai o ka aina.
4. A he kuleana ko na keiki a pau maluna o ko lakou mau makua no ko lakou malama ia ana a hiki i ko lakou oo ana.
5. A mahope aku o ia manawa he kueana ko lakou i ka Ekalesia, a i ole, ma kekahi olelo ana, i ko ka Haku hale-hoahu, ina aole loaa i ko lakou mau makua ka waiwai e haawi aku ai ia lakou i mau hooilina.
6. A e hoolako ia ka hale-hoahu ma na waiwai i hoolaa ia o ka Ekalesia, a e hoolako ia na wahinekanemake a me na keiki makua ole a me ka poe ilihune pu no hoi. Amene.