Tsir 1Ɔhen Benjamin kyerɛkyerɛ ne mbabanyin no hɔn egyanom hɔn kasaa na nkɔnhyɛsɛm—Hɔn kyerɛwsɛm a ɔwɔ mprɛtse horow no do no ama woeetum akora hɔn nyamesom na hɔn enyibue do—Wɔhyɛ Mosiah ɔhen na wɔdze kyerɛwsɛm nye ndzɛmba bi so ma no esie. Bɛyɛ mfe 130–124 Ansaana wɔbɔwo Christ. Tsir 2Ɔhen Benjamin kasa kyerɛ no nkorɔfo—Ɔkã ne pɛrpɛrdzi, ayamuyie na ne nyamesu wɔ n’ahendzi ber mu ho asɛm—Otu hɔn fo dɛ wɔnsom hɔn Sor Hen—Hɔn a wɔtsew Nyame do etua no bohu amandze tse dɛ ogya a onndum da mu. Bɛyɛ mfe 124 Ansaana wɔbɔwo Christ. Tsir 3Ɔhen Benjamin sɔw ne kasaa do—Ewuradze Tumfo bɔsom adasa mu wɔ dɛtse honandua mu—Bɔgya befi no honandua no tokur biara mu egu wɔ ber a Ɔrobɔ werdam dze ama wiadze bɔn no—Ne dzin nko mu na nkwagye nam ba—Adasa botum nam no Werdambɔ no do eyi honammunyi no efi ma wɔabɛyɛ Ahotseweefo—Emumuyɛfo hɔn ahohyehye bɛyɛ dɛ ogya baka na brimstone. Bɛyɛ mfe 124 Ansaana wɔbɔwo Christ. Tsir 4Ɔhen Benjamin sɔw ne kasaa do—Osian Werdambɔ no ntsi na nkwagye ba—Gye Nyame dzi ma wɔngye wo nkwa—Nya gyedzi a otsim ama akɔdo enya bɔnfakyɛ—Fa w’ahodze ma ehiafo—Yɛ ndzɛmba nyina wɔ nyansa nye kwan pa do. Bɛyɛ mfe 124 Ansaana wɔbɔwo Christ. Tsir 5Ahotseweefo no nam gyedzi do bɛyɛ Christ ne mbabanyin na mbabaa—Afei wɔdze Christ ne dzin frɛ hɔn—Ɔhen Benjamin kyerɛkyerɛ hɔn dɛ wongyina pintsinn na mma wonnhihim wɔ ndwuma pa ne yɛ mu. Bɛyɛ mfe 124 Ansaana wɔbɔwo Christ. Tsir 6Ɔhen Benjamin kyerɛw nkorɔfo no edzin na oyi asɔfo dɛ wɔnkyerɛkyerɛ hɔn—Mosiah bɛyɛ ɔhen tseneneenyi. Bɛyɛ mfe 124–121 Ansaana wɔbɔwo Christ. Tsir 7Ammon kohu Lehi-Nephi asaase no a Limhi yɛ ɔhen wɔ do no—Limhi no nkorɔfo yɛ Lamanfo hɔn nkowaa—Limhi san kã hɔn abakɔsɛm—Nkɔnhyɛnyi (Abinadi) agye dase dɛ Christ nye Nyame na adze nyinara Egya—Hɔn a wodua efĩfĩdze no bobu ekyinehyia-mframa, na hɔn a wɔdze hɔn werɛ hyɛ Ewuradze mu no wɔbɛgye hɔn. Bɛyɛ mfe 121 Ansaana wɔbɔwo Christ. Tsir 8Ammon kyerɛkyerɛ Limhifo no—Osũa nsɛm a ɔwɔ Jaredfo mprɛtse eduonu anan do no—Adzehufo na wotum kyerɛ nsɛm a ɔwɔ tsetse mprɛtse do ase—Akyɛdze biara nnyi hɔ a ɔso sen nyia ɔyɛ adzehufo. Bɛyɛ mfe 121 Ansaana wɔbɔwo Christ. Tsir 9Zeniff dzi dɔm bi a wofi Zarahemla enyim dɛ wɔrekɛgye Lehi-Nephi asaase no—Lamanfo hɔn hen ma hɔn kwan dɛ wɔmfa—Ɔkõ si Lamanfo na Zeniff no nkorɔfo no ntamu. Bɛyɛ mfe 200–187 Ansaana wɔbɔwo Christ. Tsir 10Ɔhen Laman wu—No nkorɔfo no yɛ abɔyafo na wɔpɛ bɔgya na wɔgye ator amambra dzi—Zeniff na no nkorɔfo dzi hɔn do konyim. Bɛyɛ mfe 187–160 Ansaana wɔbɔwo Christ. Tsir 11Ɔhen Noah dzi hen wɔ etsirmɔdzen mu—Ɔnye ne yernom na no nwewefo gye hɔn enyi wɔ asakasakabra bɔ mu—Abinadi hyɛ nkɔm dɛ wɔbɛfa nkorɔfo no akɔ nkowaasom mu—Ɔhen Noah hwehwɛ dɛ oboku no. Bɛyɛ mfe 160–150 Ansaana wɔbɔwo Christ. Tsir 12Ɔnam nkɔm a Abinadi hyɛ wɔ nkorɔfo no hɔn nsɛɛe na ɔhen Noah no wu ho ntsi, wɔdze no to efiadze—Asɔfo atorfo no san si kyerɛwsɛm no do na wɔyɛ dɛ gyama wodzi Moses ne mbra no do—Abinadi hyɛ ase kyerɛkyerɛ hɔn Mbra Du no. Bɛyɛ mfe 148 Ansaana wɔbɔwo Christ. Tsir 13Tum a ofi sor bɔ Abinadi ho ban—Ɔkyerɛkyerɛ Mbra Du no—Nnyɛ Moses mbra no nko mu na nkwagye fi ba—Nyankopɔn Nankasa dze Noho bɛyɛ werdambɔ na Ɔapon No nkorɔfo. Bɛyɛ mfe 148 Ansaana wɔbɔwo Christ. Tsir 14Isaiah kã Messiah ho asɛm—Wɔda Messiah a wɔbrɛɛ no adze no na n’amandzehu edzi—Ɔdze Ne kra bɔ afɔr ma bɔn na ɔyɛ ntamugyinafo ma mbratofo—Fa to Isaiah 53 ho. Bɛyɛ mfe 148 Ansaana wɔbɔwo Christ. Tsir 15Mbrɛ Christ si yɛ Egya nye Ɔba no nyina—Ɔbɛyɛ ntamugyinafo na Ɔasoa No nkorɔfo hɔn mbrato—Hɔn nye nkɔnhyɛfo krɔnkrɔn no nyina yɛ N’asefo—Ɔdze Owusoɛr ba—Mbofra nkakraba wɔ onnyiewiei nkwa. Bɛyɛ mfe 148 Ansaana wɔbɔwo Christ. Tsir 16Nyankopɔn pon nyimpa fi hɔn yew na asehwe tsebew mu—Hɔn a wɔwɔ wiadze su no gyina hɔn ananmu tse dɛ mbrɛ ɔpon bi nnyi hɔ—Christ dze owusoɛr ba dze ma nkwa a onnyi ewiei anaa dze ma afɔbu a onnyi ewiei. Bɛyɛ mfe 148 Ansaana wɔbɔwo Christ. Tsir 17Alma gye dzi na ɔkyerɛw Abinadi ne nsɛm no—Abinadi wu wɔ ogya mu—Ɔhyɛ nkɔm dɛ hɔn a woruku no no bɛyar na wobodua ogya mu ewu. Bɛyɛ mfe 148 Ansaana wɔbɔwo Christ. Tsir 18Alma kã nyamesɛm wɔ kokoa mu—Ɔdze enuma ahyɛmudzi no to gua na onuma binom wɔ Mormon esu mu—Ɔkyekyer Christ N’Asɔr na ɔhyɛ asɔfo—Wɔyɛ pampam suomu na wɔkyerɛkyerɛ nkorɔfo no—Alma na no nkorɔfo guan fi ɔhen Noah nsa kɔ sar no do. Bɛyɛ mfe 147–145 Ansaana wɔbɔwo Christ. Tsir 19Gideon per dɛ oboku ɔhen Noah—Lamanfo kyer nsera wɔ asaase no do—Ɔhen Noah wu wɔ ogya mu—Limhi dzi hen a otua tow. Bɛyɛ mfe 145–121 Ansaana wɔbɔwo Christ. Tsir 20Noah n’asɔfoe kɛkyekyer Laman mbabaa no bi guan—Lamanfo tu hɔn nsordaafo ma wɔkɔ Limhi na no nkorɔfo do dɛ wɔnye hɔn rokɔkõ—Wɔbɔ Laman nsordaafo gu na wɔpata hɔn. Bɛyɛ mfe 145–123 Ansaana wɔbɔwo Christ. Tsir 21Lamanfo hwe Limhi no nkorɔfo na wodzi hɔn do konyim—Limhifo hyia Ammon na ɔsakyer hɔn—Wɔkã Jaredfo mprɛtse eduonu anan no ho asɛm kyerɛ Ammon. Bɛyɛ mfe 122–121 Ansaana wɔbɔwo Christ. Tsir 22Wɔyɛ nhyehyɛɛ a nkorɔfo no botum edua do eguan efi Laman nkowaasom mu—Wɔma Lamanfo nom nsã bobow—Nkorɔfo no guan, san kɔ Zarahemla na wɔbɔsom Ɔhen Mosiah. Bɛyɛ mfe 121–120 Ansaana wɔbɔwo Christ. Tsir 23Alma pow dɛ obedzi hen—Ɔsom dɛ ɔsɔfopanyin—Ewuradze tsẽa No nkorɔfo, na Lamanfo dzi Helam asaase do konyim—Amulon, Ɔhen Noah n’asɔfoe etsiɔdzenfo no ne kandzifo bɛhyɛ Laman ahentum ase dzi hen. Bɛyɛ mfe 145–121 Ansaana wɔbɔwo Christ. Tsir 24Amulon tseetsee Alma na no nkorɔfo—Sɛ wɔbɔ mpaa a woboku hɔn—Ewuradze yɛ ma hɔn adzesoa yɛ har—Oyi hɔn fi nkowaasom mu na wɔsan kɔ Zarahemla. Bɛyɛ mfe 145–120 Ansaana wɔbɔwo Christ. Tsir 25Mulek n’asefo a wɔwɔ Zarahemla no bɛyɛ Nephifo—Wɔtse Alma na Zeniff hɔn nkorɔfo ho nsɛm—Alma numa Limhi na no nkorɔfo nyina—Mosiah ma Alma tumdzi dɛ ɔnkyekyer Nyankopɔn N’Asɔr no. Bɛyɛ mfe 120 Ansaana wɔbɔwo Christ. Tsir 26Ekyingyefo gya Asɔrmba no pii kɔ bɔn mu—Wɔdze onnyiewiei nkwa bɔ Alma anohoba—Hɔn a wonu hɔnho na wonuma hɔn no wonya bɔnfakyɛ—Asɔrmba ndzebɔnyɛfo a wonu hɔnho na wɔkã hɔn bɔn kyerɛ Alma nye Ewuradze no benya bɔnfakyɛ; annyɛ dɛm a, wɔrennkan hɔn nka asɔrmba ho. Bɛyɛ mfe 120–100 Ansaana wɔbɔwo Christ. Tsir 27Mosiah bra atseetsee na ɔkã pɛryɛ ho asɛm—Alma kakraba na Mosiah ne mbabanyin baanan no per dɛ wɔbɛsɛɛ Asɔr no—Ɔbɔfo yi noho kyerɛ hɔn na ɔhyɛ hɔn dɛ wongyaa hɔn kwan bɔn a wɔnam do no—Alma tɔ mmum—Ɔwɔ dɛ wɔwo adasamba nyina fofor ama woenya nkwagye—Alma na Mosiah ne mbabanyin no bɔ enyigyesɛm ho dawur. Bɛyɛ mfe 100–92 Ansaana wɔbɔwo Christ. Tsir 28Mosiah ne mbabanyin no kɛkã asɛmpa no kyerɛ Lamanfo no—Mosiah dua adzehudze abo ebien a no do kyerɛ nsɛm a ɔwɔ Jaredfo hɔn mprɛtse do no ase. Bɛyɛ mfe 92 Ansaana wɔbɔwo Christ. Tsir 29Mosiah kã to gua dɛ wɔmfa atsɛmbuafo nhyɛ ahemfo ananmu—Ahemfo bɔn gya hɔn nkorɔfo kɔ bɔn mu—Nkorɔfo no yi Alma kakraba ma ɔbɛyɛ ɔtsɛmbuafo panyin—Ɔnoara so nye sɔfopanyin a ɔhwɛ Asɔr no do—Alma panyin na Mosiah wu. Bɛyɛ mfe 92–91 Ansaana wɔbɔwo Christ.