ယာကုပ်

ကျမ်းစာများ

မော်မုန်ကျမ်း

အကြောင်းအရာများ
နိဒါန်းနှင့် သက်သေများ
၁ နီဖိုင်း
၂ နီဖိုင်း
ယာကုပ်
ဧနုတ်
ယာရုမ်
ဩမနိ
မော်မုန်၏စကားများ
မောဇိယ
အယ်လမာ
ဟေလမန်
၃ နီဖိုင်း
၄ နီဖိုင်း
မော်မုန်
ဧသာ
မော်ရော်နိုင်း
မော်မုန်ကျမ်းအတွက် ကိုးကားချက်လမ်းညွှန်

ယာကုပ်

အခန်းကြီး ၁
ယာကုပ်နှင့် ယောသပ်သည် လူတို့အား ခရစ်တော်ကို ယုံကြည်၍၊ သူ၏ပညတ်တော်တို့ကို စောင့်ထိန်းကြစေခြင်းငှာ ဖျောင်းဖျရန်ကြိုးစားကြ၏—နီဖိုင်းသေ၏—ဆိုးညစ်ခြင်းသည် နီဖိုင်းအမျိုးသားတို့၌ ပျံ့နှံ့၏။ ဘီစီ ၅၄၄–၄၂၁ ခန့်။
အခန်းကြီး ၂
ယာကုပ်သည် စည်းစိမ်ဥစ္စာတို့ကို တပ်မက်ခြင်း၊ မာနတရားနှင့် ကာမအပြစ်ရှိခြင်းတို့ကို ထုတ်ဖော်ပြောကြား၏—လူသားတို့သည် မိမိတို့၏အပေါင်းအဖော်တို့ကို ကူညီမစရန် စည်းစိမ်ဥစ္စာတို့ကို ရှာဖွေရမည်—နီဖိုင်းအမျိုးသားတို့၌ အဘယ်သူမျှ ဇနီးတစ်ယောက်ထက်ပို၍ မယူရဟု ကိုယ်တော်ရှင်မိန့်တော်မူ၏—ကိုယ်တော်ရှင်သည် မိန်းမတို့၏ ကာမအပြစ်ကင်းစင်ခြင်းကို နှစ်သက်တော်မူ၏။ ဘီစီ ၅၄၄–၄၂၁ ခန့်။
အခန်းကြီး ၃
စိတ်နှလုံးစင်ကြယ်သောသူတို့သည် ဘုရားသခင်၏ နှစ်သက်စရာကောင်းသော နှုတ်ကပတ်တော်ကို လက်ခံရရှိကြ၏—လာမန်အမျိုးသားတို့၏ ဖြောင့်မတ်ခြင်းသည် နီဖိုင်းအမျိုးသားတို့၏ ဖြောင့်မတ်ခြင်းထက် သာလွန်၏—ယာကုပ်သည် မတရားသောမေထုန်၊ ကိလေသာလွန်ကျူးခြင်းနှင့် အပြစ်မှန်သမျှတို့၏ဘေးကို သတိပေး၏။ ဘီစီ ၅၄၄–၄၂၁ ခန့်။
အခန်းကြီး ၄
ခပ်သိမ်းသောပရောဖက်တို့သည် ခမည်းတော်ကို ခရစ်တော်၏နာမတော်အားဖြင့် ကိုးကွယ်ကြ၏—အာဗြဟံ၏ ဣဇာက်ကို ပူဇော်ခြင်းသည် ဘုရားသခင်နှင့် တစ်ပါးတည်းသောသားတော်၏ ပုံဆောင်ခြင်းဖြစ်၏—လူသားတို့သည် အပြစ်ဖြေခြင်းမင်္ဂလာအားဖြင့်၊ ဘုရားသခင်ထံသို့ မိတ်သဟာယဖွဲ့ကြရမည်—ယုဒလူမျိုးတို့သည် အုတ်မြစ်ကျောက်ကို ငြင်းပယ်ကြလိမ့်မည်။ ဘီစီ ၅၄၄–၄၂၁ ခန့်။
အခန်းကြီး ၅
ယာကုပ်သည် ဇေနုတ်၏ ယဉ်သောသံလွင်ပင်နှင့် ရိုင်းသောသံလွင်ပင်တို့၏ ပုံပမာနှင့်စပ်လျဉ်း၍၊ ကိုးကား၍ ပြောပြ၏—ထိုအပင်တို့သည် ဣသရေလအမျိုးတို့နှင့် တစ်ပါးအမျိုးသားတို့၏ ပုံသဏ္ဌာန်ဖြစ်ကြ၏—ဣသရေလအမျိုးတို့၏ ကွဲပြားပြန့်ကျဲခြင်းနှင့် စုဝေးခြင်းကို နိမိတ်ပြထား၏—နီဖိုင်းအမျိုးသားများ၊ လာမန်အမျိုးသားများနှင့် ဣသရေလအမျိုးသားခပ်သိမ်းသို့ အရိပ်အမြွက်များ ပြထား၏—တစ်ပါးအမျိုးသားတို့ကို ဣသရေလအမျိုးများထဲသို့ အကိုင်းဆက်၍စိုက်လိမ့်မည်—နောက်ဆုံးတွင် ဥယျာဉ်သည် လောင်မြိုက်လိမ့်မည်။ ဘီစီ ၅၄၄–၄၂၁ ခန့်။
အခန်းကြီး ၆
ကိုယ်တော်ရှင်သည် နောက်ဆုံးသောကာလ၌ ဣသရေလအမျိုးတို့ကို ပြန်လည်ပေါင်းစည်းစေလိမ့်မည်—ကမ္ဘာမြေကြီးသည် မီးနှင့်လောင်မြိုက်လိမ့်မည်—လူသားတို့သည် ကန့်နှင့်ရောသောမီးအိုင်ကို ရှောင်ရန် ခရစ်တော်၏နောက်သို့ လိုက်ကြရမည်။ ဘီစီ ၅၄၄–၄၂၁ ခန့်။
အခန်းကြီး ၇
ရှေရင်သည် ခရစ်တော်ကို ငြင်းပယ်၏၊ ယာကုပ်နှင့် ရန်တွေ့၏၊ နိမိတ်လက္ခဏာကို တောင်းဆို၍၊ ဘုရားသခင်၏ဒဏ်ခတ်တော်မူခြင်းကို ခံရ၏—ခပ်သိမ်းသောပရောဖက်တို့သည် ခရစ်တော်နှင့် သူ၏အပြစ်ဖြေခြင်းမင်္ဂလာအကြောင်းကို ဟောလေ၏—နီဖိုင်းအမျိုးသားတို့သည် မိမိတို့နေ့ရက်များကို အရပ်ရပ်သို့လည်သောသူများ၊ ဒုက္ခဆင်းရဲ၌မွေးဖွားသူများနှင့် လာမန်အမျိုးသားတို့၏ အမုန်းခံရသူများအဖြစ် အသက်ရှင်နေထိုင်ကြ၏။ ဘီစီ ၅၄၄–၄၂၁ ခန့်။