1 Ao ngkai, tariu aika kam tangiraki, n aron are I taekinna nakoimi bwa N na moana au taetae ni burabeti, taraia, aio kanoan au taeka ni burabeti—bwa bwaai ni kabane ake e taekin ^aTinoti, aika taekan te bata are Iteraera, are e kabootauia iai ma te kai te oriwa ae ribanaki, a na bon bane ni koro bukiia.

2 Ao n te bong are e arora iai baina n te kauatai ni ^akamaiuia ana botanaomata, ao bon te bong, eng, ae te kabanea n tai are a na nako iai ana ^btia mwakuri te Uea ni ^cmwaakana, bwa a na ^dkamwarakea ma ni kaitiaka ana ^enne ni kurebe; ao i mwin aio ao e na roko te ^ftoki.

3 Ao a na kakabwaiaki ake a tia ni kakaonimaki ni mwakuri i nanon ana nne ni kurebe; ao ai korakorara rekenikaia ake a na teweaki nakon nneia! Ao e na ^akabuekaki te aonaba n te ai.

4 Ai korakorara ana nanoanga te Atua nakoira, ngkai e uringa te bata are ^aIteraera, aika wakaa ma mwanga; ao e arora ^bbaina nakoia i nanon te bong ae bwanin; ao bon aomata ngaia aika a ^cbonotaninga ma ni ngurengure i buakoia; ma a na bane ni kamaiuiaki ni kabane ake a aki kamatoai nanoia nako nanon uean te Atua.

5 Mangaia ae tariu aika a tangiraki, I kamatoa au bubuti nakoimi bwa kam na rairinanomi, ao ni karaoia ma te nano ni koaua ae bwanin, ao n ^ateimatoa i nanon te Atua ngkai e na teimatoa ma ngkami. Ao kam na tai kamatoa nanomi ngkai e arora ^bbaina n nanoanga nakoimi n ootan te ngaina.

6 Eng, ngkana kam ongo bwaanana n te bong aio, ao tai kamatoai nanomi; bwa bukin teraa ngkai kam ^amate?

7 Bwa taraia, kam a tia ni kamwarakeaki n ana taeka te Atua ae raoiroi i nanon te bong ae bwanin, e koaua bwa kam na karaoa ae buakaka, bwa kam aonga ni ^akarenakoaki nako nanon te ai?

8 Taraia, kam na rawa n ongo taeka aikai? Kam na rawa n ongo aia taeka burabeti; ao kam na aki kan ongo naba n taian taeka ni kabane ake a tia n taekinaki ni kaineti ma Kristo, e ngae ngkai a mwaiti ake a tia n taekinna; ao n aki kakoaua ana taeka Kristo ae raoiroi, ma mwaakan te Atua, ma te ^abwaintituaraoi ae te Tamnei ae Raoiroi, ma ni karekea ana kairiri te Tamnei ae Tabu, ma ni bwainikirina te babaire ae korakora ni kaboia, are e a tia ni katauraoaki ibukimi?

9 Kam aki ataia bwa ane e karaoi bwaai aikai, ao e na tei ma te kamamaeaki ao namakinan te ^abure imatan ana ^bkai ni motikitaeka te Atua, ni mwaakan te kaboaki ma te mangauti are e mena iroun Kristo?

10 Ao n aron naba mwaakan te ^amoti, bwa e aki kona ni kaakeaki te moti, ao e na nako nanon te ^bnei n ai ma te burimton, ae aki kona ni katokaki urana, ma bubuna ae waerake n aki totoki, ae te nei n ai ma te burimton ao te ^ckammarakaki ae ^daki totoki.

11 O ngaia ae tariu aika kam tangiraki, kam na rairinanomi, ao kam na rin i nanon te ^amataroa ae wariki, ao ni waaki iaon te kawai ae irariki, ni karokoa reken te maiu ae akea tokina.

12 O kam na ^akawanawanaingkami; tera ae N na kona riki n taekinna?

13 Ni kabanean au taeka, I a kaboo nakoimi, ni karokoa te tai are N na manga kaitibo iai ma ngkami imatan ana kai ni motikitaeka te Atua ae kakukurei, ae te kai ae e na kaonia aika a ^abuakaka n te maaku ae korakora. Amen.