ជំពូកទី ១០
ព្រះអម្ចាស់ទ្រង់ប្រទានឲ្យនីហ្វៃនូវអំណាចភ្ជាប់ — លោកត្រូវបានប្រទានអំណាចឲ្យចង និងស្រាយនៅលើផែនដី និងនៅលើស្ថានសួគ៌ — លោកបញ្ជាឲ្យប្រជាជនប្រែចិត្ត បើពុំនោះសោតទេនឹងត្រូវវិនាស — ព្រះវិញ្ញាណនាំលោកពីហ្វូងមនុស្សមួយទៅហ្វូងមនុស្សមួយទៀត។ ប្រមាណជាឆ្នាំ ២១–២០ ម.គ.ស.។
១ហើយហេតុការណ៍បានកើតឡើងថា មានការបែកបាក់មួយផុសឡើងនៅក្នុងចំណោមប្រជាជន ដរាបដល់ពួកគេបានបែកគ្នា ហើយចែកផ្លូវគ្នារៀងៗខ្លួន ចោលនីហ្វៃនៅតែម្នាក់ឯង នៅពេលដែលលោកកំពុងតែឈរនៅកណ្ដាលពួកគេ។
២ហើយហេតុការណ៍បានកើតឡើងថា នីហ្វៃបានដើរសំដៅទៅឯផ្ទះរបស់លោក ហើយកសញ្ជឹងគិតដល់ការណ៍ទាំងឡាយ ដែលព្រះអម្ចាស់ទ្រង់បានបង្ហាញដល់លោក។
៣ហើយហេតុការណ៍បានកើតឡើងថា នៅពេលដែលលោកកំពុងតែសញ្ជឹងគិត — ដោយទន់ខ្សោយជាខ្លាំង ដោយព្រោះអំពើទុច្ចរិតរបស់ប្រជាជននៃសាសន៍នីហ្វៃ កិច្ចការសម្ងាត់ទាំងឡាយនៃសេចក្ដីងងឹតរបស់គេ និងអំពើឃាតកម្មទាំងឡាយរបស់គេ និងអំពើប្លន់របស់គេ និងអំពើទុច្ចរិតគ្រប់បែបយ៉ាងរបស់គេ — ហើយហេតុការណ៍បានកើតឡើងថា នៅពេលដែលលោកកំពុងតែសញ្ជឹងគិតនៅក្នុងចិត្តលោកនៅឡើយនោះ មើលចុះ មានសំឡេងមួយបន្លឺមកលោកថា ៖
៤នីហ្វៃអើយ អ្នកមានពរហើយ ព្រោះការណ៍ទាំងឡាយដែលអ្នកបានធ្វើនោះ ត្បិតយើងបានឃើញថា អ្នកបានប្រកាសប្រាប់ពាក្យរបស់យើង ដោយកគ្មាននឿយហត់ គឺជាពាក្យដែលយើងបានប្រទានដល់អ្នកឲ្យដល់ប្រជាជននេះ។ ហើយអ្នកពុំបានខ្លាចពួកគេ ហើយពុំបានរកជីវិតរបស់ខអ្នកផ្ទាល់ ប៉ុន្តែបានស្វែងរកគបំណងរបស់យើងវិញ ហើយបានកាន់តាមបញ្ញត្តិទាំងឡាយរបស់យើង។
៥ហើយឥឡូវនេះ ពីព្រោះអ្នកបានធ្វើការនេះដោយឥតនឿយហត់ដូច្នេះ មើលចុះ យើងនឹងប្រទានពរឲ្យអ្នករហូតតទៅ ហើយយើងនឹងធ្វើឲ្យអ្នកខ្លាំងពូកែនៅក្នុងសម្ដី និងក្នុងចរិយា ក្នុងសេចក្ដីជំនឿ និងក្នុងកិច្ចការទាំងឡាយ មែនហើយ គឺដើម្បីឲ្យគ្រប់ការណ៍កទាំងអស់ ត្រូវបានសម្រេចដល់អ្នក ស្របតាមខពាក្យរបស់អ្នក ព្រោះអ្នកនឹងគពុំប្រាថ្នាអ្វី ដែលផ្ទុយពីបំណងរបស់យើងឡើយ។
៦មើលចុះ អ្នកជានីហ្វៃ ហើយយើងជាព្រះ។ មើលចុះ យើងប្រកាសប្រាប់ការណ៍នេះដល់អ្នក នៅវត្តមាននៃពួកទេវតារបស់យើងថា អ្នកនឹងមានអំណាចលើប្រជាជននេះ ហើយនឹងវាយផែនដីនេះ ដោយកអំណត់អត់ និងដោយជំងឺអាសន្នរោគ និងការបំផ្លិចបំផ្លាញ ស្របតាមអំពើទុច្ចរិតរបស់ប្រជាជននេះ។
៧មើលចុះ យើងប្រទានឲ្យអ្នកនូវអំណាចថា ទោះជាអ្វីក៏ដោយ ដែលអ្នកនឹងកភ្ជាប់នៅលើផែនដី ក៏នឹងត្រូវបានភ្ជាប់នៅលើស្ថានសួគ៌ដែរ ហើយទោះជាអ្វីក៏ដោយ ដែលអ្នកនឹងស្រាយនៅលើផែនដី ក៏នឹងត្រូវបានស្រាយលើស្ថានសួគ៌ដែរ ម្ល៉ោះហើយ អ្នកនឹងមានអំណាចនៅក្នុងចំណោមប្រជាជននេះ។
៨ម្ល៉ោះហើយ បើសិនជាអ្នកនឹងនិយាយទៅកាន់ព្រះវិហារបរិសុទ្ធនេះ ឲ្យវាបែកទៅជាពីរ នោះវានឹងបានសម្រេចដូច្នោះ។
៩ហើយបើសិនជាអ្នកនឹងនិយាយទៅកាន់កភ្នំនេះថា ៖ ចូរឯងបន្ទាប ហើយរាបស្មើចុះ នោះវានឹងធ្វើបានសម្រេចដូច្នោះ។
១០ហើយមើលចុះ បើសិនជាអ្នកនឹងនិយាយថា ព្រះទ្រង់នឹងវាយប្រជាជននេះ នោះវានឹងកើតឡើងដូច្នោះ។
១១ហើយឥឡូវនេះ មើលចុះ យើងបញ្ជាអ្នកថា អ្នកត្រូវទៅ ហើយប្រកាសប្រាប់ដល់ប្រជាជននេះថា ព្រះអម្ចាស់ដ៏ជាព្រះ គឺជាព្រះដ៏មានមហិទ្ធិឫទ្ធិ ទ្រង់មានព្រះបន្ទូលដូច្នេះថា ៖ លើកលែងតែអ្នករាល់គ្នាប្រែចិត្ត បើពុំនោះសោតទេ នោះអ្នករាល់គ្នានឹងត្រូវបានវាយ គឺរហូតដល់កសេចក្ដីបំផ្លិចបំផ្លាញផង។
១២ហើយមើលចុះ ឥឡូវនេះ ហេតុការណ៍បានកើតឡើងថា កាលព្រះអម្ចាស់ទ្រង់មានព្រះបន្ទូលទាំងនេះទៅកាន់នីហ្វៃរួចហើយ នោះលោកបានឈប់ ហើយមិនបានទៅផ្ទះរបស់លោកទេ ប៉ុន្តែបានត្រឡប់ទៅឯហ្វូងមនុស្សទាំងឡាយ ដែលនៅរាយលើផ្ទៃដែនដីវិញ ហើយបានចាប់ផ្ដើមប្រកាសដល់ពួកគេនូវព្រះបន្ទូលនៃព្រះអម្ចាស់ ដែលមានព្រះបន្ទូលមកលោកនោះ អំពីការបំផ្លិចបំផ្លាញរបស់ពួកគេ បើសិនជាពួកគេមិនប្រែចិត្តទេ។
១៣ឥឡូវនេះ មើលចុះ ទោះជាមានអព្ភូតហេតុដ៏ធំ ដែលនីហ្វៃបានធ្វើ ដោយប្រាប់ពួកគេអំពីសេចក្ដីស្លាប់របស់លោកមេចៅក្រមនោះក៏ដោយ គង់តែពួកគេបានធ្វើចិត្តរឹងរូស ហើយពុំបានស្ដាប់តាមព្រះបន្ទូលទាំងឡាយនៃព្រះអម្ចាស់ឡើយ។
១៤ហេតុដូច្នេះហើយ នីហ្វៃបានប្រកាសទៅពួកគេនូវព្រះបន្ទូលនៃព្រះអម្ចាស់ថា ៖ ព្រះអម្ចាស់ទ្រង់មានព្រះបន្ទូលដូច្នេះថា លើកលែងតែអ្នករាល់គ្នាប្រែចិត្ត បើពុំនោះសោតទេ នោះអ្នករាល់គ្នានឹងត្រូវបានវាយ គឺរហូតដល់សេចក្ដីបំផ្លិចបំផ្លាញផង។
១៥ហើយហេតុការណ៍បានកើតឡើងថា កាលនីហ្វៃបានប្រកាសទៅពួកគេនូវព្រះបន្ទូលហើយ មើលចុះ ពួកគេនៅតែធ្វើចិត្តរឹងរូស ហើយមិនព្រមស្ដាប់តាមពាក្យសម្ដីរបស់លោកសោះ ហេតុដូច្នេះហើយ ពួកគេបានជេរប្រមាថលោក ហើយបានរកចាប់លោក ដើម្បីពួកគេអាចដាក់លោកទៅក្នុងគុក។
១៦ប៉ុន្តែមើលចុះ ព្រះចេស្ដានៃព្រះស្ថិតនៅជាមួយនឹងលោក ហើយពួកគេពុំអាចចាប់លោក យកទៅដាក់គុកបានឡើយ ព្រោះលោកត្រូវបានព្រះវិញ្ញាណយកទៅ ហើយនាំចេញពីកណ្ដាលពួកគេ។
១៧ហើយហេតុការណ៍បានកើតឡើងថា លោកបានទៅមុខនៅក្នុងព្រះវិញ្ញាណ គឺពីហ្វូងមនុស្សមួយទៅហ្វូងមនុស្សមួយទៀត ដោយបានប្រកាសព្រះបន្ទូលនៃព្រះ គឺរហូតដល់លោកបានប្រកាសព្រះបន្ទូលទៅពួកគេទាំងអស់គ្នា ឬបានផ្សាយទៅក្នុងចំណោមប្រជាជនទាំងអស់។
១៨ហើយហេតុការណ៍បានកើតឡើងថា ពួកគេពុំព្រមស្ដាប់តាមពាក្យសម្ដីរបស់លោកទេ ហើយក៏ចាប់ផ្ដើមមានការទាស់ទែងគ្នា ដរាបដល់ពួកគេបានបែកគ្នា ហើយបានចាប់ផ្ដើមសម្លាប់គ្នាទៅវិញទៅមកដោយដាវ។
១៩ម្ល៉ោះហើយ ក៏ចប់ឆ្នាំទីចិតសិបមួយក្នុងរជ្ជកាលនៃពួកចៅក្រមទៅលើប្រជាជននីហ្វៃ៕