ជំពូកទី ១៦
ពួកសាសន៍នីហ្វៃណាដែលជឿតាមសាំយូអែល បានទទួលបុណ្យជ្រមុជទឹកពីនីហ្វៃ — សាំយូអែលពុំអាចត្រូវសម្លាប់ដោយព្រួញ និងដោយដំថ្មទាំងឡាយរបស់ពួកគេបានឡើយ — ជនខ្លះធ្វើចិត្តរឹងរូស ហើយជនខ្លះទៀតឃើញពួកទេវតាទាំងឡាយ — ពួកអ្នកដែលគ្មានជំនឿនិយាយថា វាមិនសមនឹងជឿដល់ព្រះគ្រីស្ទ និងការយាងមកនៃទ្រង់នៅក្រុងយេរូសាឡិមឡើយ។ ប្រមាណជាឆ្នាំ ៦–១ ម.គ.ស.។
១ហើយឥឡូវនេះ ហេតុការណ៍បានកើតឡើងថា មានមនុស្សជាច្រើនបានឮពាក្យរបស់សាំយូអែលជាសាសន៍លេមិន ដែលលោកបាននិយាយនៅលើកំផែងក្រុង។ ហើយអស់អ្នកណាដែលជឿដល់ពាក្យរបស់លោកក៏បានទៅ ហើយស្វែងរកនីហ្វៃ ហើយកាលពួកគេបានជួបនឹងលោក គេបានទទួលសារភាពដល់លោកនូវអំពើបាបទាំងឡាយរបស់គេ ហើយពុំប្រកែកឡើយ ដោយមានបំណងចង់ទទួលបុណ្យជ្រមុជទឹកថ្វាយព្រះអម្ចាស់។
២ប៉ុន្តែអស់អ្នកណាដែលពុំជឿដល់ពាក្យរបស់សាំយូអែល ក៏ខឹងនឹងលោក ហើយពួកគេបានចោលដុំថ្មទៅលើលោកនៅលើកំផែង ហើយមនុស្សជាច្រើនបានបាញ់ព្រួញទៅលើលោក នៅពេលលោកឈរលើកំផែង ប៉ុន្តែព្រះវិញ្ញាណនៃព្រះអម្ចាស់ បានស្ថិតនៅជាមួយនឹងលោក ដរាបដល់គេពុំអាចគប់ដុំថ្មត្រូវលោក ឬក៏បាញ់ព្រួញត្រូវលោកឡើយ។
៣ឥឡូវនេះ កាលពួកគេបានឃើញថា ពួកគេពុំអាចធ្វើអ្វីត្រូវលោកយ៉ាងនេះ មានមនុស្សជាច្រើនទៀត បានជឿដល់ពាក្យពេចន៍របស់លោក ដរាបដល់គេទៅរកនីហ្វៃដើម្បីទទួលបុណ្យជ្រមុជទឹក។
៤ត្បិតមើលចុះ នីហ្វៃកំពុងតែធ្វើបុណ្យជ្រមុជទឹក និងព្យាករ និងផ្សាយ ស្រែកហៅឲ្យប្រជាជនប្រែចិត្ត បង្ហាញនូវទីសម្គាល់ទាំងឡាយ និងការណ៍អស្ចារ្យទាំងឡាយ សម្ដែងនូវកអព្ភូតហេតុទាំងឡាយក្នុងចំណោមប្រជាជន ដើម្បីឲ្យពួកគេអាចដឹងថា ព្រះគ្រីស្ទនឹងយាងមកក្នុងពេលខយ៉ាងខ្លី —
៥ប្រាប់ដល់ពួកគេអំពីការណ៍ទាំងឡាយ ដែលនឹងត្រូវកើតឡើងក្នុងពេលយ៉ាងខ្លី ដើម្បីឲ្យពួកគេដឹង ហើយចងចាំនូវពេលដែលការណ៍ទាំងនោះកើតឡើងថា ការណ៍ទាំងនោះបានប្រាប់ដល់ពួកគេពីមុនក្នុងគោលបំណងឲ្យពួកគេជឿ ហេតុដូច្នេះហើយ អស់អ្នកណាដែលជឿដល់ពាក្យពេចន៍របស់សាំយូអែល បានទៅរកលោកដើម្បីទទួលបុណ្យជ្រមុជទឹក ព្រោះពួកគេបានមកដោយប្រែចិត្ត ហើយទទួលសារភាពនូវអំពើបាបទាំងឡាយរបស់ខ្លួន។
៦ប៉ុន្តែពួកគេច្រើន ពុំជឿដល់ពាក្យពេចន៍របស់សាំយូអែលទេ ហេតុដូច្នេះហើយ កាលពួកគេបានឃើញថា ពួកគេពុំអាចចោលដុំថ្ម និងបាញ់ព្រួញត្រូវលោកទេ ទើបពួកគេបានស្រែកប្រាប់ទៅពួកមេទ័ពរបស់គេថា ៖ ចូរចាប់ជននោះ ហើយចងវា ត្បិតមើលចុះ វាមានអារក្សមួយ ហើយដោយសារអំណាចនៃអារក្ស ដែលនៅក្នុងខ្លួនវា នោះពួកយើងពុំអាចចោលត្រូវវាដោយដុំថ្ម ហើយពុំអាចបាញ់ព្រួញត្រូវវាទេ ហេតុដូច្នេះហើយ ចូរចាប់វាចង ហើយនាំវាយកទៅ។
៧ហើយនៅពេលពួកគេទៅចាប់លោក មើលចុះ លោកបានលោតចុះពីលើកំផែង ហើយបានរត់គេចចេញពីដែនដីរបស់គេទៅ មែនហើយ លោកបានទៅដល់ប្រទេសរបស់លោកផ្ទាល់ ហើយបានចាប់ផ្ដើមផ្សាយ ហើយព្យាករក្នុងចំណោមប្រជាជនរបស់លោក។
៨ហើយមើលចុះ ចាប់ពីពេលនោះមក ពុំដែលឮដំណឹងអ្វីពីលោកនៅក្នុងចំណោមពួកនីហ្វៃទៀតឡើយ ម្ល៉ោះហើយ នោះគឺជារឿងទាំងឡាយរបស់ប្រជាជន។
៩ម្ល៉ោះហើយ ក៏ចប់ឆ្នាំទីប៉ែតសិបប្រាំមួយក្នុងរជ្ជកាលនៃពួកចៅក្រមទៅលើប្រជាជននីហ្វៃ។
១០ម្ល៉ោះហើយ ក៏ចប់ឆ្នាំទីប៉ែតសិបប្រាំពីរក្នុងរជ្ជកាលនៃពួកចៅក្រមទៅ ឯមនុស្សច្រើនស្ថិតនៅក្នុងភាពឆ្មើងឆ្មៃ និងសេចក្ដីទុច្ចរិតនៅឡើយ ឯមនុស្សភាគតិចដើរយ៉ាងត្រង់តទៅចំពោះព្រះ។
១១ហើយនេះគឺជាកាលៈទេសៈទាំងឡាយផងដែរ នៅឆ្នាំទីប៉ែតសិបប្រាំបីក្នុងរជ្ជកាលនៃពួកចៅក្រម។
១២ហើយមានការប្រែប្រួលតែបន្តិចបន្តួចប៉ុណ្ណោះទេ ក្នុងរឿងប្រជាជន លើកលែងតែប្រជាជនបានចាប់ផ្ដើមរឹងរូសក្នុងអំពើទុច្ចរិត ហើយបានធ្វើថែមឡើងនូវអ្វីៗដែលផ្ទុយនឹងព្រះបញ្ញត្តិទាំងឡាយនៃព្រះ នៅឆ្នាំទីប៉ែតសិបប្រាំបួនក្នុងរជ្ជកាលនៃពួកចៅក្រម។
១៣ប៉ុន្តែហេតុការណ៍បានកើតឡើងថា នៅឆ្នាំទីកៅសិបក្នុងរជ្ជកាលនៃពួកចៅក្រម ប្រជាជនបានឃើញទីសម្គាល់កដ៏ធំៗជាច្រើន និងការណ៍អស្ចារ្យទាំងឡាយ ហើយពាក្យពេចន៍របស់ពួកព្យាការីបានចាប់ខផ្ដើមបំពេញ។
១៤ហើយពួកទេវតាបានលេចមកឯមនុស្ស និងពួកអ្នកប្រាជ្ញ ហើយបានប្រកាសដល់ពួកគេ នូវដំណឹងដ៏រីករាយអំពីសេចក្ដីអំណរយ៉ាងអស្ចារ្យ ម្ល៉ោះហើយ នៅក្នុងឆ្នាំនេះបទគម្ពីរទាំងឡាយបានចាប់កផ្ដើមបំពេញ។
១៥ទោះជាយ៉ាងណាក៏ដោយ គង់តែប្រជាជនបានចាប់ផ្ដើមធ្វើចិត្តរឹងរូសដែរ គឺពួកគេទាំងអស់ លើកលែងតែមួយ ដែលមានជំនឿខ្ពស់ជាងគេប៉ុណ្ណោះ គឺទាំងពួកសាសន៍នីហ្វៃ និងពួកសាសន៍លេមិនផង ហើយបានចាប់ផ្ដើមពឹងផ្អែកទៅលើកម្លាំងផ្ទាល់ខ្លួនរបស់គេ និងទៅលើប្រាជ្ញាកផ្ទាល់ខ្លួនរបស់គេ ដោយនិយាយថា ៖
១៦ការណ៍ខ្លះៗពួកគេអាចស្មានត្រូវនៅក្នុងចំណោមការណ៍ជាច្រើន ប៉ុន្តែមើលចុះ យើងដឹងថា កិច្ចការដ៏មហិមា និងអស្ចារ្យទាំងអស់នេះ ដែលបាននិយាយមកនេះ នឹងពុំអាចកើតឡើងបានទេ។
១៧ហើយពួកគេបានចាប់ផ្ដើមទាញហេតុផល និងទាស់គ្នាក្នុងចំណោមពួកគេ ដោយនិយាយថា ៖
១៨ជាការណ៍មួយកពុំសមហេតុសមផលដែលថា តួអង្គមួយដូចជាព្រះគ្រីស្ទនឹងយាងមកទេ បើសិនជាដូច្នោះមែន ហើយទ្រង់ជាព្រះរាជបុត្រានៃព្រះ ជាព្រះវរបិតានៃស្ថានសួគ៌ និងផែនដី ដូចដែលបាននិយាយមែន ហេតុអ្វីបានជាទ្រង់ពុំបង្ហាញរូបអង្គទ្រង់ដល់យើងនៅទីនេះផង ដូចជាទ្រង់បង្ហាញរូបអង្គទ្រង់ដល់ពួកគេ នៅឯក្រុងយេរូសាឡិម?
១៩មែនហើយ ហេតុអ្វីបានជាទ្រង់ពុំបង្ហាញរូបអង្គទ្រង់នៅលើដែនដីនេះផង ដូចជានៅលើដែនដីយេរូសាឡិម?
២០ប៉ុន្តែមើលចុះ យើងដឹងថា នេះគឺជាកសណ្ដាប់អាក្រក់ ដែលត្រូវបានបន្តមកដល់យើង ដោយពួកអយ្យកោរបស់យើង ដើម្បីធ្វើឲ្យយើងជឿដល់ការណ៍ដ៏មហិមា និងអស្ចារ្យ ដែលនឹងកើតឡើង ប៉ុន្តែពុំមែននៅក្នុងចំណោមពួកយើងទេ ប៉ុន្តែនៅក្នុងដែនដីដែលនៅសែនឆ្ងាយ ជាដែនដីមួយដែលយើងពុំស្គាល់ ហេតុដូច្នេះហើយ ទើបពួកគេអាចទុកឲ្យយើងនៅក្នុងភាពល្ងង់ខ្លៅ ព្រោះយើងពុំអាច ខមើលឃើញដោយភ្នែកផ្ទាល់របស់យើងបានទេថា ការណ៍ទាំងនោះពិត។
២១ហើយដោយការវៃឆ្លាត និងបច្ចេកទេសអាថ៌កំបាំងនៃអ្នកអាក្រក់ ពួកគេនឹងធ្វើឡើងនូវការអាថ៌កំបាំងដ៏អស្ចារ្យ ដែលយើងពុំអាចយល់ ដែលនឹងរក្សាយើងទុកជាអ្នកបម្រើដល់ពាក្យរបស់គេ និងជាអ្នកបម្រើដល់គេផង ព្រោះយើងពឹងផ្អែកទៅលើគេដើម្បីបង្រៀនយើងនូវព្រះបន្ទូល ម្ល៉ោះហើយ ពួកគេនឹងទុកយើងឲ្យល្ងង់ខ្លៅ បើសិនជាយើងបណ្ដោយខ្លួនឲ្យគេធ្វើយ៉ាងនេះ គឺអស់មួយជីវិតរបស់យើង។
២២ហើយប្រជាជននៅមានការណ៍ជាច្រើនទៀត ដែលប្រជាជនសន្និដ្ឋានឃើញនៅក្នុងចិត្តគេ ដែលជាការឆ្កួតលីលា និងកឥតប្រយោជន៍ ហើយពួកគេត្រូវរំខានជាខ្លាំង ព្រោះអារក្សសាតាំងបានចាក់រុកគេឲ្យធ្វើអំពើទុច្ចរិតពុំឈប់ឈរ មែនហើយ វាបានដើរផ្សាយនូវពាក្យចចាមអារ៉ាមទាំងឡាយ និងការទាស់ទែងគ្នាទាំងឡាយនៅពាសពេញលើផ្ទៃដែនដី ដើម្បីវាអាចធ្វើឲ្យចិត្តមនុស្សរឹងទទឹងទាស់នឹងអ្វីៗដែលល្អ ហើយទាស់នឹងអ្វីៗដែលនឹងកើតឡើង។
២៣ហើយទោះបីជាមានទីសម្គាល់ និងការណ៍អស្ចារ្យទាំងឡាយ កើតឡើងនៅក្នុងចំណោមប្រជាជនរបស់ព្រះអម្ចាស់ និងការណ៍ដ៏អស្ចារ្យជាច្រើនដែលគេបានធ្វើក៏ដោយ គង់តែអារក្សសាតាំងនៅតែក្ដាប់ជាប់ដួងចិត្តមនុស្សច្រើននៅលើផ្ទៃដែនដីនេះ។
២៤ម្ល៉ោះហើយ ក៏ចប់ឆ្នាំទីកៅសិបក្នុងរជ្ជកាលនៃពួកចៅក្រមទៅលើប្រជាជននីហ្វៃ។
២៥ម្ល៉ោះហើយ ក៏ចប់គម្ពីរហេលេមិន ស្របតាមបញ្ជីរបស់ហេលេមិន និងពួកកូនប្រុសរបស់លោក៕ :៚