1 Ha koʼág̃a che, Moroni, ahaíkuri umi ñeʼẽ ojeʼevaʼekue chéve, chemanduʼaháicha; ha amombeʼu ndéve umi mbaʼe asellavaʼekue; upévare ani epoko hese embohasa hag̃ua; péva oñembotovégui ndehegui, haʼeʼỹramo ára upe rireguápe Tupã ohecha porã vove iñarandúpe.

2 Ha péina ápe, ikatu mbaʼe oñemeʼẽ ndéve rehechauka planchakuéra umi oipytyvõtavape oñeguenohẽ hag̃ua tesakãme ko tembiapo;

3 Ha Tupã puʼaka rupi ojehechaukáta mbohapýpe; upévare oikuaa porãta hikuái koʼã mbaʼe añeteguaha.

4 Ha mbohapy testígo juru rupive oñemoañetéta koʼã mbaʼe; ha mbohapy testimónio, ha ko tembiapo, ojehechaukatahápe Tupã puʼaka ha avei iñeʼẽ, omeʼẽvagui testimónio Túva, ha Taʼýra, ha Espíritu Santo—ha opa koʼãva opuʼãta testimónioramo yvóra rehe ára pahápe.

5 Ha oñearrepentíramo ha ou hikuái Túvape Jesús rérape, oñemog̃uahẽta chupekuéra Tupã rréinope.

6 Ha koʼág̃a, ndaguerekóiramo autorida koʼã mbaʼerã, pehusga peẽ; peikuaátagui aguerekoha autorida, cherecha ha ñañemboʼy vove Tupã renondépe ára pahápe. Amén.