Éter Kuatiañeʼẽ

1 Ha koʼág̃a che, Moroni, añepyrũ amombeʼu umi tekove ymaguarégui oñehundivaʼekue Ñandejára po rupive ko tetã nortegua ári.

2 Ha ajapo che ñemombeʼu umi veinticuatro pláncha ojuhuvaʼekuégui Limhi tavayguakuéra, ha hérava Éter Kuatiañeʼẽ.

3 Ha chéve g̃uarã niko ko mombeʼu ñepyrũha pehẽngue, oñeʼẽva yvóra jejapóre, ha avei Adán-re, ha peteĩ ñemombeʼu upe ára guive jepe tórre guasu peve, ha opa mbaʼe oikovaʼekue yvypóra raʼykuéra apytépe upe ára peve, umíva oĩ judio-kuéra apytépe—

4 Upévare ndahaíri umi mbaʼe oikovaʼekue Adán ára guive upe ára peve; ha katu oĩ umi pláncha ári; ha pe ojuhúva, ipuʼakáta ohupyty hag̃ua opa ñemombeʼu.

5 Ha katu péina ápe, che nameʼẽmbái ñemombeʼu, ha katu che ameʼẽ peteĩ ñemombeʼu pehẽnguénte, tórre guive ára oñehundi peve hikuái.

6 Ha péicha ameʼẽ ñemombeʼu. Éter ohaivaʼekue koʼã kuatiajehaipyre, ha haʼékuri Coriantor ñemoñare.

7 Coriantor haʼékuri Morón raʼy.

8 Ha Morón haʼékuri Etem raʼy.

9 Ha Etem haʼékuri Ahah raʼy.

10 Ha Ahah haʼékuri Set raʼy.

11 Ha Set haʼékuri Shiblón raʼy.

12 Ha Shiblón haʼékuri Com raʼy.

13 Ha Com haʼékuri Coriántum raʼy.

14 Ha Coriántum haʼékuri Amnigadda raʼy.

15 Ha Amnigadda haʼékuri Aarón raʼy.

16 Ha Aarón haʼékuri Het ñemoñare, haʼéva Heartom raʼy.

17 Ha Heartom haʼékuri Lib raʼy.

18 Ha Lib haʼékuri Kish raʼy.

19 Ha Kish haʼékuri Corom raʼy.

20 Ha Corom haʼékuri Leví raʼy.

21 Ha Leví haʼékuri Kim raʼy.

22 Ha Kim haʼékuri Moriantón raʼy.

23 Ha Moriantón haʼékuri Riplákish ñemoñare.

24 Ha Riplákish haʼékuri Shez raʼy.

25 Ha Shez haʼékuri Het raʼy.

26 Ha Het haʼékuri Com raʼy.

27 Ha Com haʼékuri Coriántum raʼy.

28 Ha Coriántum haʼékuri Emer raʼy.

29 Ha Emer haʼékuri Omer raʼy.

30 Ha Omer haʼékuri Shule raʼy.

31 Ha Shule haʼékuri Kib raʼy.

32 Ha Kib haʼékuri Oríah raʼy, haʼéva Jared raʼy.

33 Ha upe Jared oúkuri ijoykeʼy ha hogaguakuéra ndive, ha ambuekuéra hogaguakuéra ndive, upe tórre guasúgui, ára Ñandejára omoypytũramoguare tavayguakuéra ñeʼẽ, ha oñeʼẽmeʼẽ iñekoʼõime oñemosarambitaha hikuái opa yvy ape ári; ha Ñandejára heʼi haguéicha tavayguakuéra oñemosarambi.

34 Ha Jared joykeʼy haʼe haguére peteĩ kuimbaʼe kakuaa ha imbaretéva, ha ojehechaporãva Ñandejárare, Jared, ijoykeʼy heʼi chupe: Ejerure Ñandejárape, ani hag̃ua ñanemoapañuãi ñaikũmby hag̃ua ñane ñeʼẽ.

35 Ha ojehu Jared joykeʼy ojerure Ñandejárape, ha Ñandejára oiporiahuvereko Jared-pe; upévare haʼe nomoapañuãi Jared ñeʼẽ; ha Jared ha ijoykeʼy noñemoapañuãi.

36 Upémarõ heʼi Jared ijoykeʼýpe: Ejerure jey Ñandejárape, ikatu mbaʼe oipeʼa ipochy umi ñande angirũvagui, ani hag̃ua omoapañãi iñeʼẽnguéra.

37 Ha ojehu Jared joykeʼy ojerure Ñandejárape, ha Ñandejára oiporiahuvereko iñangirũnguéra ha hogaguakuérape avei, ha nomoapañuãi chupekuéra.

38 Ha ojehu Jared oñeʼẽ jey ijoykeʼýpe, heʼívo: Tereho ha eporandu Ñandejárape ñanemosẽtapa ko tetãgui, ha ñanemosẽtaramo ko tetãgui, ejerure chupe moõpa jahavaʼerã. Ha máva piko oikuaáne Ñandejárapa nañandeguerahamoʼãi peteĩ tetã ojeiporavopyrévape opa yvy ári? Ha péicharamo, ñandejeroviarekóna Ñandejára rehe, jahupyty hag̃ua upéva ñande jehejapyréramo.

39 Ha ojehu Jared joykeʼy ojerure Ñandejárape Jared juru heʼi haguéicha.

40 Ha ojehu Ñandejára ohendu Jared joykeʼýpe, ha oiporiahuvereko chupe, ha heʼi chupe:

41 Tereho ha embyaty ne mymbaʼaty, mácho ha kuña, opaichaguáva; ha avei yvypegua yvaraʼỹi opaichaguáva; ha nde rogaguakuéra; ha avei nde joykeʼy Jared ha hogaguakuéra; ha avei ne angirũ ha hogaguakuéra, ha Jared angirũ ha hogaguakuéra.

42 Ha rejapo rire upéva rehóta henonderãkuéra yvytypaʼũ oĩva norte gotyo. Ha upépe che rojuhúta, ha aháta nerenonderã peteĩ tetã ojeiporavopyrévape opa tetã yvy ariguágui.

43 Ha upépe pohovasáta ndéve ha ne ñemoñarépe, ha amopuʼãta chéve g̃uarã ne ñemoñare, ha nde joykeʼy ñemoñare, ha umi ohótavagui nendive, peteĩ tetã tuicháva. Ha ndaiporimoʼãi opa yvy ape ári tetã tuichavéva che amopuʼãtavagui chéve g̃uarã ne ñemoñarégui. Ha péicha ajapóta nendive rejerurégui chéve opa ko ára pukukue aja.