1 Uye zvino ini Moronai, ndanyora mazwi andakaudzwa, maererano nendangariro yangu; uye ndakakutaurirai zvinhu ^azvandakanama; naizvozvo musazvibate, nokuda kwokuti muzvidudzire; nokuti chinhu ichocho muri kuchirambidzwa, kunze kwekunge kana pava paye zvafanira kuna Mwari.

2 Uye tarisai, mungangopundutswa mukaratidza mahwendefa aya kune ^aavo vachayamura kuburitsa basa iri.

3 Uye ^akuvatatu vacharatidzwa nesimba raMwari; nokudaro ^bvachaziva zvirokwazvo kuti zvinhu izvi ^cndezvechokwadi.

4 Uye mumiromo ^ayevapupuri vatatu zvinhu izvi zvichataurwa; uye uchapupu hwevatatu, nebasa rino, umo mucharatidzwa simba raMwari neshoko ravo, iro rinoti Baba neMwanakomana, neMweya Mutsvene vanopupura—uye zvose izvi zvichamira seuchapupu hucharovera nyika musi wekupedzisira.

5 Uye kana zvikadaro kuti vanotendeuka uye ^avakauya kuna Baba muzita raJesu, vachagashirwa muumambo hwaMwari.

6 Uye zvino, kana ndisina simba rezvinhu izvi, tongai; nokuti muchaziva kuti ndine simba pamuchandiona, uye tichamira pamberi paMwari musi wekupedzisira. Ameni.