Alama 42
    Footnotes

    Wase 42

    Sa gauna ni vakatovolei na bula ena vuravura oqo me rawa kina vua na tamata me veivutuni ka qarava na Kalou—Na Lutu e kauta mai na mate vakayago kei na mate vakayalo vei ira na tamata kecega—Sa yaco na veisereki ena vuku ni veivutuni—Sa veisorovaki na Kalou Vakaikoya ena vuku ni ivalavala ca ni vuravura—Sa baleti ira na veivutuni na loloma cecere—Ko ira kece na kena vo era sa vakatautaki ki na lewa dodonu ni Kalou—Sa yaco rawa na loloma cecere ena vuku ni veisorovaki—Ko ira walega na veivutuni vakaidina era na vakabulai. Rauta na 74 B.K.

    1 Ia oqo, au kila na luvequ, ni tiko tale e so na ka ko sega ni kila, ka vakaleqa tiko na lomamu—oqori me baleta na alewa dodonu ni Kalou me totogitaki ira na tamata ivalavala ca; io ko nanuma tiko ni sega ni kilikili me ra biu na tamata ivalavala ca ena dua na itutu ni veivakararawataki.

    2 Ia raica oqo, na luvequ, au na vakamacalataka vei iko. Ia raica, ni sa oti na nona atalai rau yani na noda itubutubu taumada mai na were ko bIteni na Turaga na Kalou, me rau teivaka na qele, na vanua e rau a vu mai kina—io, sa qai kauta tani na tamata, ka biuta ki na yasana vaka ki natuicake ena were ko Iteni na cjerupimi kei na iseleiwau bukawaqa, sa veigoleyaki tiko me yadrava na dvunikau ni bula

    3 Eda raica ni sa yaco na tamata me vaka na Kalou, me kila na ka vinaka kei na ka ca; ia de na dodoka yani na ligana ka taura na vunikau ni bula ka kania, ka bula me sega ni mudu, sa biuta kina na Turaga na Kalou na jerupimi kei na iseleiwau bukawaqa, me rau kakua kina ni kania na vuanikau—

    4 Ia eda raica ni sa soli tiko e dua na gauna me veivutuni kina na tamata, io, e dua na agauna ni vakatovotovo, e dua na gauna me veivutuni kina ka qarava na Kalou.

    5 Ia raica, kevaka me a dodoka sara yani na ligana ko Atama me taura ka kania na vunikau ni bula, ke a yaco me bula tu ga ka sega ni mudu me vaka na vosa ni Kalou, me sega na gauna ni veivutuni; io, ke a tawayaga talega kina na vosa ni Kalou, ka na vakasivoi na ituvatuva cecere ni veivakabulai.

    6 Ia raica, sa lesi oti tu me amate na tamata—o koya ni rau sa muduki tani mai na vunikau ni bula sa dodonu me rau muduki tani mai na delai vuravura—era sa yali ka sega ni mudu kina na tamata, io, era sa yaco me btamata lutu tani.

    7 Ia oqo, ko sa qai raica ni rau a amuduki tani vakayago ka vakayalo mai na nona iserau na Turaga na noda itubutubu taumada; eda raica kina ni sa soli vei rau me rau blewa ga na ka me rau kitaka.

    8 Ia raica, e sega ni kilikili me vakuai na tamata mai na mate vakayago; ni oqori ena vakarusa na aituvatuva cecere ni marau.

    9 O koya, me vaka ni sega ni rawa ni mate na yalo, ia ni alutu tani na tamata, sa yaco kina vua na mate vakayalo kei na mate vakayago, o koya, era sa muduki tani kina mai na nona iserau na Turaga, ia e kilikili sara me vakuai na tamata mai na mate vakayalo.

    10 O koya ni sa yaco me ra dau agadreva na veika vakayago, ka daugarogaro ka yalo vakatevoro ena itovo ni bnodra bula, sa yaco kina na gauna ni vakatovotovo oqo me nodra cgauna ni vakavakarau; e a yaco me gauna ni vakavakarau.

    11 Ia oqo mo nanuma, na luvequ; kevaka sa sega na ituvatuva ni veisereki, (biuta vakatikitiki) ni gauna sara ga era na mate kina, ena avakaloloma na yalodra ni ra na muduki tani mai na nona iserau na Turaga.

    12 Ia oqo sa sega tale ni dua na sala me vakuai kina na tamata ena nona lutu, ka a vakavuna ga ko koya ena nona talaidredre;

    13 O koya, me vaka na lewa dodonu, ena sega ni rawa ni yaco na aituvatuva ni veisereki, ia mai na nona bveivutuni ga na tamata ena gauna ni vakatovotovo oqo, io, na gauna ni vakavakarau oqo; ia kevaka e sega ena ivakarau oqo, ena sega ni yaga na loloma cecere ka vakavo ke sa vakarusai kina na cakacaka ni lewa dodonu. Ia na cakacaka ni lewa dodonu ena sega ni vakarusai rawa; kevaka sa vakakina, e sa na csega ni Kalou ko koya na Kalou.

    14 Ia eda raica ni ra sa alutu tani na tamata kecega, ni sa lewai ira tu na blewa dodonu; io, na lewa dodonu ni Kalou, e sa lesi ira tu me sega ni mudu, me ra na muduki tani mai matana.

    15 Ia oqo, ena sega ni yaco na ituvatuva ni loloma cecere, vakavo kevaka me na vakayacori e dua na veisorovaki; o koya e mai asorovaka kina na Kalou vakataki koya na ivalavala ca ni kai vuravura, me rawa kina ni yaco na ituvatuva ni bloloma cecere, me rogoci kina na tagi ni clewa dodonu, ni Kalou e dvinaka sara, e Kalou dodonu, e Kalou daulololoma talega.

    16 Ena sega ni rawa ni yaco vua na tamata na veivutuni kevaka e sega na itotogi, ni atawamudu talega me vaka na bula ni yalo, raica sa veibasai ni tuvatuva ni marau, ka ni tawamudu talega me vaka na bula ni yalo.

    17 E rawa vakacava vua e dua na tamata me veivutuni kevaka e sega ni aivalavala ca? E rawa vakaevei me ivalavala ca ko koya kevaka e sega na blawa? E rawa vakacava me dua na lawa kevaka e sega na itotogi?

    18 Ni sa soli e dua na lawa dodonu vata kaya na kena itotogi, me akilai yalona kina na tamata.

    19 Kevaka me sega na lawa—kevaka e alaba e dua na tamata sa dodonu me na mate ko koya—ena rawa beka ni rere ko koya na laba ni kila ni na mate kina?

    20 Ia kevaka e sega na lawa me saqata na ivalavala ca, era na sega ni rere ni vakayacora na ivalavala ca na tamata.

    21 Ia kevaka asa sega ni dua na lawa, ni sa ivalavala ca na tamata na cava ena vakayacora na lewa dodonu, se na loloma cecere, ni sega ni rawa ni rau kaya ni nodrau na tamata oqo.

    22 Ia sa soli e dua na lawa ka sa tu vata kei na kena itotogi, ia sa soli tale ga na aveivutuni; ia ko koya sa veivutuni, ena kaya na loloma cecere ni nona; ia kevaka e sega ena kaya na lewa dodonu ni nona na tamata koya ka vakatauca na lawa me veitotogitaki kina; kevaka e sega oqo, ena vakarusai na cakacaka ni lewadodonu, ia ena sega ni Kalou na Kalou.

    23 Ia na Kalou, ena sega ni rawa ni yaco me sega ni Kalou, ka kaya na aloloma cecere ni sa nona ko ira sa veivutuni ena loloma cecere, ena yaco na loloma cecere ena vuku ni bveisorovaki; ia ena vuku ni veisorovaki sa yaco kina na nodra ctucake tale na mate; ia na nodra tucake tale na mate ena kauti ira dlesu na tamata ki na iserau ni Kalou; ia era sa qai vakalesui kina ki na nona iserau, me ra na qai elewai me vaka na nodra cakacaka, me vaka na lawa kei na lewa dodonu.

    24 Ia raica, na lewa dodonu ena kitaka kece sara na ka sa gadreva, kei na loloma cecere ena kaya ni sa nona ko ira sa taukena tu ko koya; ia oqo, sa sega ni dua tale, ko ira ga sa veivutuni vakaidina era na vakabulai.

    25 A cava, ko nanuma ni na rawa ni butakoca na alewa dodonu na loloma cecere? Au sa kaya vei iko, E sega; e sega mada ga ni vakalailai. Kevaka sa vakakina, sa na sega ni Kalou na Kalou.

    26 Ia oqo na Kalou sa vakayacora ga na nona ainaki cecere ka tawamudu, ka vakarautaki tu mai na btauyavutaki ni vuravura. Sa yaco kina na veivakabulai kei na sereki ni tamata, ka vaka talega kina na nodra vakarusai kei na rarawa.

    27 O koya na luvequ, ako cei ga e lako mai ia me lako mai ka mai gunu ena wai ni bula ena yalo galala; ia ko cei ga ena sega ni lako mai ena sega ni vakasaurarataki me lako mai; ia ena siga mai muri ena bvakalesui tale vei koya me vaka na nona civalavala.

    28 Kevaka sa gadreva ko koya me kitaka na aka ca, ka sega ni veivutunitaka ena nona gauna, raica, ena yaco vei koya na ka ca, me vaka na veivakalesui ni Kalou.

    29 Ia oqo, na luvequ, au gadreva me kakua tale ni vakaleqa tiko na lomamu na veika oqo; ia mo kauwaitaka ga na nomu ivalavala ca ka na vakavuna mo veivutunitaka sara.

    30 Isa na luvequ, au gadreva mo kakua tale ni cakitaka na lewa dodonu ni Kalou. Mo kakua ni tovolea mo vakaiulubale ena vuku ni nomu ivalavala ca, ena nomu cakitaka na lewa dodonu ni Kalou; ia mo laiva na lewa dodonu ni Kalou, kei na nona loloma cecere, kei na nona vosota vakadede me cakacaka vakaidina e lomamu; ka biuta oqori me kauti iko sobu ki na kuvu ni soso ena ayalomalumalumu.

    31 Ia oqo na luvequ, sa kacivi iko na Kalou mo vunautaka na nona vosa vei ira na tamata oqo. Na luvequ mo lako yani ka vunau ena yalodina, me rawa ni ko kauti ira mai na yalo me ra veivutuni, me rawa kina ni kaya na ituvatuva cecere ni loloma cecere ni ra sa nona. Ia me na qai solia vei iko na Kalou me vaka na noqu vosa. Emeni.