Alama 16

Wase 16

Era sa vakarusai ira na tamata mai Amonaia ko ira na Leimanaiti—Sa liutaki ira na Nifaiti ko Soramu me ra rawati ira na Leimanaiti—Era sa vunautaka na vosa ko Alama kei Amuleki kei na vuqa tale—Era vakavuvulitaka ni na laki rairai na Karisito kivei ira na Nifaiti ni oti na Nona Tucake tale. Rauta na 81–77 B.K.

1 Ka sa yaco ena ikatinikadua ni yabaki ni nodra veiliutaki na turaganilewa vei ira na tamata i Nifai, ena ikalima ni siga ena ikarua ni vula, sa levu sara na sautu ena vanua ko Saraemala, sa sega na ivalu se na veileti me vica na yabaki, ia ena i ka lima ni siga ena ikarua ni vula ena ikatinikadua ni yabaki, sa rogo na vakacibi ivalu ena vanua taucoko.

2 Ia raica, sa lako mai na nodra mataivalu na Leimanaiti ena yasana ki lekutu, ka curuma yani na iyalayala ni vanua, ka curu sara ki na koro ko aAmonaia, ka ra tekivu vakamatei ira na tamata ka vakarusa na koro.

3 Ka sa qai yaco, ni bera na nodra vakasoqona vata na Nifaiti e dua na mataivalu me vakasavi ira tani mai na vanua, era sa avakarusai ira na tamata era tiko ena koro ko Amonaia, kei na so talega era tiko vakavolivolita na iyalayala ni vanua ko Noa, ka ra kauta tale ga vakavesu e so ki na lekutu.

4 Oqo ka sa yaco ni ra sa gadreva na Nifaiti me ra laki kauti ira lesu mai ko ira era sa kau yani vakavesu ki na lekutu.

5 O koya sa digitaki me nodra iliuliu na turaganivalu na mataivalu ni Nifaiti, (na yacana ko Soramu, ka sa rua tiko na luvena, ko Liai kei Eia)—ko Soramu kei rau na luvena, ni ratou sa kila ni sa bete levu ni lotu ko Alama, ka ratou sa rogoca talega ni sa tu vua na yalo ni parofisai, o koya eratou sa lako yani kina vua ka taroga se na vakadonuya na Turaga me ra lako yani ki na lekutu ka vaqarai ira na wekadra, era a kau yani vakavesu mai vei ira na Leimanaiti.

6 Ka sa yaco ni sa ataroga na veika oqo vua na Turaga ko Alama. Ka sa lesu mai ko Alama ka kaya vei iratou: Raica, era na kosova na uciwai ko Saitoni ko ira na Leimanaiti ena lekutu ki na ceva, vakayawa ki cake ena taudaku ni iyalayala ni vanua ko Manitai. Ka raica mo dou sotavi ira e kea, ena tokalau ni uciwai ko Saitoni, e kea ena soli ira mai kina na wekamudou era a kau vakavesu mai vei ira na Leimanaiti vei kemudou, na Turaga.

7 Ka sa yaco ni ratou sa kosova na uciwai ko Saitoni ko Soramu kei rau na luvena, kei na nodratou mataivalu, ka ra taubale sivia na iyalayala ni vanua ko Manitai, ka curuma yani na lekutu ena ceva, ena tokalau ni uciwai ko Saitoni.

8 Ka ra donui ira yani na mataivalu ni Leimanaiti, era sa veiseyaki na Leimanaiti ka vakasavi yani ki na lekutu; ka ra kauti ira mai na wekadra era a kau vakavesu vei ira na Leimanaiti, ia sa sega ni yali e dua vei ira na tamata ka kau vakavesu. Era sa kauti ira mai ko ira na wekadra me ra taukena tale na nodra vanua.

9 Ia sa cava eke na ikatinikadua ni nodra yabaki na turaganilewa, era sa vakasavi tani mai na vanua na Leimanaiti, ka ra avakarusai na tamata mai Amonaia; io, era sa bvakarusai ko ira vakayadua na tamata bula vei ira na Amonaiaiti, ka vakatalega kina na nodra koro levu, ka ra a kaya ni na sega ni vakarusa rawa na Kalou, ena vuku ni kena vakaitamera.

10 Ia raica, sa vakarusai ena adua ga na siga; ka sa katilaka na yagodra ko ira na koli kei na manumanu kila ni lekutu.

11 Ia oqo, ni oti e vuqa na siga sa bini tu na yagodra mate ena delai vuravura, a sa vovodea ga na ibulubulu era bulu kina. Ka sa kaukauwa sara na kena iboi ka sa sega kina na tamata e via tawana na vanua ko Amonaia me vuqa na yabaki. Ka sa vakatokai kina na Vanualala i Neori; ni ra sa ilawalawa kece i aNeori, ko ira kece era sa vakamatei; ka sa laladidi tu kina na nodra vanua.

12 Ka ra sa sega ni lako tale mai na Leimanaiti me valuti ira tale na Nifaiti me yacova na ikatinikava ni yabaki ni nodra veiliutaki na turaganilewa vei ira na tamata i Nifai. A ra sa tiko sautu kina na tamata i Nifai ena tolu na yabaki.

13 Ka rau sa lako yani kina ko Alama kei Amuleki ka vunautaka na veivutuni vei ira na tamata ena nodra avaletabu, kei na nodra vale ni sokalou, kei na nodra bvalenilotu ka a tara me vaka na ivakarau vaka Jiu.

14 Ia na levu ga ni tamata era sa via rogoca na nodrau vosa, erau sa solia yani vei ira na vosa ni Kalou, ka sa sega ni avakaduiduitaka na tamata, ka tomana tiko yani.

15 Ia erau sa lako yani ko Alama kei Amuleki, kei na vuqa tale era sa digitaki ki na cakacaka, me ra vunautaka na vosa ena vanua taucoko. A sa yaco me sa ka raraba kina na tauyavutaki ni lotu ena vanua taucoko, kei na veiyasana taucoko sa vakavolivolita, ena kedra maliwa na tamata kece i Nifaiti.

16 A asa sega na veivakaduiduitaki ena kedra maliwa; sa sovaraka mai na Turaga na Yalona ki na dela ni vanua taucoko me bvakarautaka na nodra vakasama na luve ni tamata, se me vakarautaka na lomadra me ra ciqoma na vosa ena qai vakatavuvulitaki ena kedra maliwa ena gauna ni nona lako mai—

17 Me ra kakua ni saqata na ivunau, me ra kakua kina ni vakatitiqa, ka lako yani ki na rusa, ia me ra ciqoma na vosa ena reki, ia me vaka na ataba ni vaini sa semati ki na bvu-ni-vaini dina, me rawa kina me ra na curu ki na civakavakacegu ni Turaga na nodra Kalou.

18 Ia oqo ko ira na abete era lako yani ena kedra maliwa na tamata era sa vunautaka na ca ni veika lasu kecega, kei na bveivakaisini, kei na cvuvu, kei na veileti, kei na kakase, kei na vosavakacaca, kei na butako, na dauvakacaca, na laba, na veibutakoci kei na veitovo kecega sa vakaoqo, a ra sa vunauca ni veika oqo sa sega ni kilikili me vakayacori—

19 Me ra nanuma tiko na veika ena yaco vakamalua mai; io, me ra nanuma ni na alako mai na Luve ni Kalou, na nona vakararawataki ka mai mate, ka vakatalega kina na nodra tucake tale na mate.

20 Ka sa lewe vuqa era sa via kila na vanua ena tadu mai kina na Luve ni Kalou; ka ra sa vakavulici ni na mai arairai vei ira ni boti na nona tucake tale; ka ra sa reki ka marau vakalevu ni ra sa rogoca na itukutuku oqo.

21 Ia oqo ni oti na kena vakataudeitaki na lotu ena vanua taucoko—ni sa arawai na tevoro, ka sa vunautaki kina na savasava ni vosa ni Kalou ena vanua taucoko, ka sa sovaraka mai na Turaga na nona veivakalougatataki vei ira na tamata—sa mai vakacavari kina na ikatinikava ni yabaki ni nodra veiliutaki na turaganilewa vei ira na tamata i Nifai.