Alama 2

Wase 2

Sa segata me tui ko Emelesai ka sa saqati mai na domodra na tamata—Era sa buli koya me tui ko ira na dau muri koya—Era sa valuti ira na Nifaiti ko ira na Emelesaiti ka ra sa vakadrukai—Era sa cokovata na Leimanaiti kei ira na Emelesaiti ka ra sa vakadrukai—Sa vakamatei Emelesai ko Alama. Rauta na 87 B.K.

1 Ka sa yaco ena itekivu ni kalima ni yabaki ni nodra gauna ni lewa sa tekivu e dua na veileti ena kedra maliwa na tamata; ena vukuna e dua na tamata, ka yacana ko Emelesai, sa tamata ilawaki qaseqase sara, io, sa tamata vuku me vaka na yalomatua ni vuravura, sa vaka na kena ivakarau vua na tamata ka a vakamatei aKitioni ena iseleiwau, ko koya ka qai vakamatei me vaka na lawa—

2 Ia ko Emelesai oqo, ena nona ilawaki qaseqase, sa vakayarayarataki ira tani e vuqa na tamata me ra muri koya; a ra sa rui lewevuqa ka sa tekivu me ra kaukauwa sara mai; ka sa tekivu me ra sasagataka me ra vakadeitaki Emelesai me tui vei ira na tamata.

3 A sa vakavure taqaya na ka oqo vei ira na lewe ni lotu, kei ira kece tale ga ka sega ni vakayarayarataki tani ena veicikevi nei Emelesai; ni ra kila ni dodonu me vakadeitaki na veika vakaoqo ena adomodra na lewenivanua, me vaka na nodra lawa.

4 O koya gona, kevaka e rawa me a rawata ko Emelesai na domodra na tamata, me vaka ni sa tamata ca ko koya, ke sa na avakuai ira mai na nodra dodonu kei na galala ni lotu; ni a nona inaki me vakarusa na lotu ni Kalou.

5 Ka sa yaco ni ra sa soqoni vata na tamata ena vanua taucoko, na tamata yadua me vaka na nona nanuma, se ra tovata se saqati Emelesai, ena duidui soqosoqo, ka sa levu na nodra veileti kei na aveiqati vakai ira.

6 Ka sa vaka ko ya na nodra soqoni vata me ra domovata me baleta na ka ko ya; ka ra sa qai biu e matadra na turaganilewa.

7 Ka sa yaco ni sa saqati Emelesai na domodra na tamata, ka sa sega kina ni buli ko koya me nodra tui na tamata.

8 A ka oqo sa vakavuna na marau levu e lomadra era saqati koya; ia sa vakayavalati ira na nona ito ko Emelesai me ra cudruvi ira era sega ni tovaki koya.

9 Ka sa yaco ni ra sa soqoni vata na nona ito, ka ra vakatabui Emelesai me nodra tui.

10 Ia ni sa buli oti ko Emelesai me nodra tui sa vakaroti ira me ra cola iyaragi ki vei ira na wekadra; ka sa kitaka oqo me lewai ira kece kina.

11 Ia oqo era sa kilai tani na tamata i Emelesai ena yacai Emelesai, a ra sa vakatokai me ra aEmelesaiti; ka ra vakatokai na kena vo me ra bNifaiti, se na tamata ni Kalou.

12 O koya era sa kila kina na Nifaiti na nodra inaki na Emelesaiti, ka ra sa vakavakarau kina me ra sotavi ira; io, era sa vakaiyaragitaki ira ena iseleiwau, kei na isele takelo, kei na dakai titi, kei na gasau, kei na vatu, kei na irabo, kei na ivalavala ni ayaragi kecega ni ivalu, ena kedra veimataqali kecega.

13 Ka sa vakaoqo na nodra vakarautaki me ra sotavi ira na Emelesaiti ena gauna era na lako mai kina. Ka ra sa lesi na turaganivalu, na turaganivalu levu kei na turaganivalu liu, me vaka na kedra iwiliwili.

14 Ka sa yaco ni a vakaiyaragitaki ira na nona tamata ko Emelesai ena ivalavala kecega ni yaragi ni ivalu ena kedra veimataqali kecega; ka sa lesi ira tale ga na dauvakatulewa kei ira na iliuliu vei ira na nona tamata, me ra liutaki ira, me ra valuti na wekadra.

15 Ka sa yaco ni ra sa yaco na Emelesaiti ki na delana ko Aminiu, ka koto ena tokalau ni auciwai ko Saitoni, ka cici tikiva na bvanua ko Saraemala, ka sa tekivu me ra vakacibi ivalu kei ira na Nifaiti mai ke ya.

16 Ia ko Alama, ni sa aturaganilewa levu ka nodra kovana tale ga na tamata i Nifai, o koya sa lako cake kina kei ira na nona tamata, io, vata kei ira na nona turaganivalu, kei ira na turaganivalu liu, io, ena muailiu ni nona mataivalu, me valuti ira na Emelesaiti.

17 Ka sa tekivu me ra yaviti ira na Emelesaiti mai na delana ena tokalau kei Saitoni. Ia ko ira na Emelesaiti era sa vala ena nodra igu kaukauwa vata kei ira na Nifaiti, ka vakavuna na nodra bale e vuqa na Nifaiti e matadra na Emelesaiti.

18 Ia sa vakaukauwataka na Turaga na ligadra na Nifaiti, a ra sa ravuti ira vakaukauwa sara na Emelesaiti, ka sa tekivu kina me ra dro.

19 Ka sa yaco ni ra a cicimuri ira tiko na Emelesaiti ena siga taucoko ko ya ko ira na Nifaiti, ka ra yaviti ira vakaukauwa sara, a ra sa abale mate kina vei ira na Emelesaiti e tinikarua na udolu lima na drau tolusagavulu karua na tamata; ia sa mate vei ira na Nifaiti e ono na udolu lima na drau onosagavulu karua na tamata.

20 Ka sa yaco ni sa sega ni rawa me cici muri ira tale na Emelesaiti ko Alama sa vakarota me ra birika na nodra vale laca ena abuca ko Kitioni, sa vakayacani na buca oqo kivei Kitioni ka vakamatea ena iseleiwau ko bNeori; era sa birika na nodra vale laca ena buca oqo ko ira na Nifaiti ena bogi ko ya.

21 Ka sa tala e so na yamata ko Alama me ra muri ira na ivovo ni Emelesaiti, me kila kina na nodra inaki kei na nodra ivadi, ka vakarautaki koya kina me saqati ira, me maroroi ira kina na nona tamata me ra kakua ni vakarusai.

22 Oqo ko ira era sa talai yani me ra laki vakaraica na nodra itikotiko na Emelesaiti, ko Serami, kei Aminori, kei Manitai, kei Limia; sai ira oqo era sa lako yani kei ira na nodra tamata me vakaraica na nodra keba na Emelesaiti.

23 Ka sa yaco ni ra sa lesu vakusakusa ena mataka cake ki na nodra keba na Nifaiti, era sa taqaya vakalevu, ka ra curumi ena rere, ka ra kaya:

24 Raica, keitou a vakamuria na nodra keba na aEmelesaiti, ka keitou kurabui vakalevu ni keitou raica ena vanua ko Minoni, na vanua sa koto ki cake mai na vanua ko Saraemala, ena sala ki na vanua ko bNifai, e dua na ivavakoso lewevuqa sara ni Leimanaiti; ka raica era sa laki tovata kei ira ko ira na Emelesaiti;

25 Era sa kabai ira na wekada ena vanua ko ya; ka ra sa dro mai vei ira ka kauta vata kei ira na nodra qele ni manumanu, kei na watidra, kei na luvedra, ki na noda koro; ka kevaka eda na sega ni kusarawa oqo era na taura na noda koro ka vakamatei ira na noda qase, kei ira na watida kei ira na luveda.

26 Ka sa yaco ni ra sa taura na nodra vale laca ko ira na tamata i Nifai, ka biuta sara na buca ko Kitioni ka lako vaka ki na nodra koro, ko ya na koro levu ko aSaraemala.

27 Ka raica, ni ra sa kosova tiko na uciwai ko Saitoni, era sa kabai mai vei ira na Leimanaiti kei na Emelesaiti, ni sa vaka na nuku ni matasawa na kedra aiwiliwili.

28 Ia, ko ira na Nifaiti ni sa avakaukauwataki ira na liga ni Turaga, ena nodra sa masu vagumatua vua me vakabulai ira mai na ligadra na nodra meca, a sa rogoca na nodra tagi na Turaga, ka vakaukauwataki ira, ka ra sa bale e matadra ko ira na Leimanaiti kei na Emelesaiti.

29 Ka sa yaco ni rau sa qai veirai mata; ka vala vakaukauwa ena iseleiwau, ko Alama kei Emelesai.

30 Ka sa yaco ko Alama, ni sa tamata ni Kalou, a masuta na Turaga ena avakabauta ka kaya: Oi kemuni na Turaga, mo ni yalololoma ka maroroya na noqu bula, me’u iyaya ni cakacaka e ligamuni me’u vakabulai ira ka maroroi ira na tamata oqo.

31 Ia ni sa tinia na nona vosa ko Alama, erau sa vala tale kei Emelesai; ia sa vakaukauwataki, ka vakamatei Emelesai kina ena iseleiwau.

32 Ia erau a vala tale ga kei na nodra tui na Leimanaiti; ka sa qai dro tani mai vei Alama na tui ni Leimanaiti, ka talai ira mai na nona yadra me ra vala kei Alama.

33 Ia ko Alama, kei ira na nona yadra, era sa vala kei ira na nona yadra na nodra tui na Leimanaiti me yacova ni ra sa vakamatei ira ka vakasavi ira lesu.

34 Ka sa vakaoqo na nona samaka ko koya na qele, se na bati ni wai ena ra ni uciwai ko Saitoni, a sa kolotaka ki na wai ko Saitoni na nodra mate na Leimanaiti, me rawa ni ra takoso kina na nona tamata me ra laki vala kei ira na Leimanaiti kei na Emelesaiti ena tai e ra ni uciwai ko Saitoni.

35 Ka sa yaco ni ra sa takosova taucoko yani na uciwai ko Saitoni era sa veidroyaki e matadra ko ira na Leimanaiti kei na Emelesaiti, e dina ga ni ra rui lewe levu ka sega kina ni ra wiliki rawa.

36 Ia era sa dro mai vei ira na Nifaiti ki na loma ni lekutu ki na ra kei na vualiku, ka sa sivia na iyalayala ni vanua; era sa cici muri ira yani vakaukauwa ko ira na Nifaiti ka yaviti ira.

37 Io, era sa yaviti ira ena veiyasana kecega, era sa yaviti ira ka vakasavi ira, me yacova ni ra sa veiseyaki ena ra, kei na vualiku, ka yaco sara ki na lekutu, ka vakatokai ko Eremoni; ia ena tiki ni lekutu oqo era dautiko kina na manumanu kila ka daukata.

38 Ka sa yaco ni sa lewelevu era sa mate mai na nodra mavoa ena loma ni lekutu, a ra sa kania na yagodra na manumanu kila kei na vulituri ni macawa; ia sa qai kunei ga na suidra, ena vanua ko ya ka sa bini tu e dela ni qele.